ನಷ್ಟ ತಗ್ಗಿಸಲು ಉಬರ್ ಈಟ್ಸ್ 'ಜೊಮಾಟೊ'ಗೆ ಮಾರಾಟ

ಉಬರ್ ತನ್ನ ಆನ್‌ಲೈನ್ ಫುಡ್ ಡೆಲಿವರಿ ಸಂಸ್ಥೆಯಾದ 'ಉಬರ್ ಈಟ್ಸ್' ಅನ್ನು ಪ್ರತಿಸ್ಪರ್ಧಿ 'ಜೊಮಾಟೊ'ಗೆ ಮಾರಾಟ ಮಾಡಲು ನಿರ್ಧರಿಸಿದೆ. ನಷ್ಟವನ್ನು ತಗ್ಗಿಸಲು ಭಾರತದಲ್ಲಿನ ಫುಡ್ ಡೆಲಿವರಿಯನ್ನು ಮಾರಾಟಕ್ಕೆ ಮುಂದಾಗಿದೆ.

ಭಾರತದ ಸ್ಟಾರ್ಟ್‌ ಅಪ್‌ಗಳಲ್ಲಿ 9.9 ಪರ್ಸೆಂಟ್‌ಗೆ ಪ್ರತಿಯಾಗಿ ಉಬರ್ ವ್ಯವಹಾರವನ್ನು ಆಫ್‌ಲೋಡ್ ಮಾಡುತ್ತದೆ ಮತ್ತು ವಿಶ್ವದ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಅಂತರ್ಜಾಲ ರಂಗಗಳಲ್ಲಿ ಒಂದಾಗಿ ಹೆಗ್ಗುರುತನ್ನು ಕಾಯ್ದುಕೊಳ್ಳುತ್ತದೆ ಎಂದು ನ್ಯೂಯಾರ್ಕ್ ಟೈಮ್ಸ್ ವರದಿ ಮಾಡಿದೆ. 2.2 ಬಿಲಿಯನ್ ಡಾಲರ್ ಮೌಲ್ಯದ ಸಿಬಿ ಒಳನೋಟಗಳ ಜೊಮಾಟೊ, ಮಂಗಳವಾರ ಬ್ಲಾಗ್‌ಪೋಸ್ಟ್‌ನಲ್ಲಿ ಮಾರಾಟವನ್ನು ದೃಢಪಡಿಸಿದೆ ಆದರೆ ವಹಿವಾಟಿನ ವಿವರಗಳನ್ನು ಸ್ಪಷ್ಟಪಡಿಸಿಲ್ಲ.

ಒಂದು ವೇಳೆ ಜೊಮಾಟೊ ಜತೆಗೆ ಉಬರ್‌ ಈಟ್ಸ್‌ ವಿಲೀನವಾದರೆ ಆರ್ಡರ್‌ಗಳ ಸಂಖ್ಯೆ ಮತ್ತು ಗಾತ್ರದ ದೃಷ್ಟಿಯಿಂದ ಇನ್ನೊಂದು ಆನ್‌ಲೈನ್‌ ಆಹಾರ ಹಂಚಿಕೆ ಸಂಸ್ಥೆ ಸ್ವಿಗ್ಗಿಯನ್ನು ಹಿಂದಿಕ್ಕಿ ಅತಿ ದೊಡ್ಡ ಆನ್‌ಲೈನ್‌ ಫುಡ್‌ ಡೆಲಿವರಿ ಸಂಸ್ಥೆ ಎನ್ನಿಸಲಿದೆ.

ಸದ್ಯ ಜೊಮಾಟೋ 1.5 ಲಕ್ಷ ಹೋಟೆಲ್‌ ಮತ್ತು ರೆಸ್ಟೋರೆಂಟ್‌ಗಳಿಂದ ಪ್ರತಿ ದಿನ 13 ಲಕ್ಷ ಆರ್ಡರ್‌ಗಳು ಗ್ರಾಹಕರಿಗೆ ತಲುಪಿಸುತ್ತಿದೆ. ಆದರೆ ಸ್ವಿಗ್ಗಿಯನ್ನು ಹಿಂದಿಕ್ಕಲು ಜೊಮಾಟೋಗೆ ಸಾಧ್ಯವಾಗಿಲ್ಲ. ಇದೇ ವೇಳೆ 2017ರಲ್ಲಿ ಭಾರತದ ಮಾರುಕಟ್ಟೆಗೆ ಪ್ರವೇಶ ಪಡೆದಿದ್ದರೂ ಉಬರ್‌ ಈಟ್ಸ್‌ ಕಂಪನಿ ಗಮನಾರ್ಹವಾಗಿ ಬೆಳವಣಿಗೆ ಕಂಡಿಲ್ಲ. ಈ ಹಂತದಲ್ಲಿ ಎರಡೂ ಕಂಪನಿಗಳು ಒಟ್ಟಾಗಿ ಮಾರುಕಟ್ಟೆಯಲ್ಲಿ ಪ್ರಾಬಲ್ಯ ಮೆರೆಯಲು ಹೊರಟಿವೆ.