Just In
Don't Miss
-
ಕಾಂಗ್ರೆಸ್ನಿಂದಲೇ 'ನೇಹಾ ಕೊಲೆ' ತನಿಖೆ ದಾರಿ ತಪ್ಪಿಸಲು ಯತ್ನ: ತಂದೆಯನ್ನೇ ಕೊಲ್ಲಲು ಹೋಗಿದ್ದ ಫಯಾಜ್: ನಿರಂಜನ್ ಹಿರೇಮಠ -
ಭಾರತದಲ್ಲಿ 80 ಲಕ್ಷ ಸ್ಕೂಟರ್ ಮಾರಿದ ಜಪಾನ್ ಕಂಪನಿ: ವಿಶ್ವಗುರು ಭಾರತದಲ್ಲಿ ಎಲ್ಲವೂ ಸಾಧ್ಯ! -
6000mAh ಬ್ಯಾಟರಿಯ ಈ ಫೋನ್ ಶೀಘ್ರದಲ್ಲೇ ಖರೀದಿಗೆ ಲಭ್ಯ!..ಬೆಲೆ ಎಷ್ಟು? -
ಧೋನಿ ಎದುರು ಬಂದಾಗ ಕೆ.ಎಲ್ ರಾಹುಲ್ ಕ್ಯಾಪ್ ತೆಗೆದಿದ್ದೇಕೆ?: ಕಾರಣವೇನು? -
ನಿತೇಶ್ ತಿವಾರಿ 'ರಾಮಾಯಣ' ಚಿತ್ರದಲ್ಲಿ ರಣ್ಬೀರ್ ಅಲ್ಲ, ಯಶ್ ಹೀರೋ? ಏನಿದು ಟ್ವಿಸ್ಟ್! -
2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
UTI ಅಸೆಟ್ ಮ್ಯಾನೇಜ್ ಮೆಂಟ್ ಕಂಪೆನಿಯಿಂದ 3000 ಕೋಟಿ ರು. ಐಪಿಒ
ಮ್ಯೂಚುವಲ್ ಫಂಡ್ ಮ್ಯಾನೇಜರ್ UTI ಅಸೆಟ್ ಮ್ಯಾನೇಜ್ ಮೆಂಟ್ ಕಂಪೆನಿ ಲಿಮಿಟೆಡ್ (UTI AMC) 3000 ಕೋಟಿ ರುಪಾಯಿ ಇನಿಷಿಯಲ್ ಪಬ್ಲಿಕ್ ಆಫರ್ (ಐಪಿಒ) ಯೋಜನೆ ಮಾಡಿದೆ. ಸೆಪ್ಟೆಂಬರ್ 14ನೇ ತಾರೀಕಿನ ವಾರದಲ್ಲಿ ಐಪಿಒ ಆರಂಭಿಸಲಿದೆ. ನಿರ್ದಿಷ್ಟವಾಗಿ ಐಪಿಒ ದಿನಾಂಕ ಇನ್ನೂ ನಿಗದಿ ಆಗಿಲ್ಲ ಎಂದು ಮಾಧ್ಯಮಗಳಿಗೆ ತಿಳಿಸಲಾಗಿದೆ.
ಈ ಕಂಪೆನಿಯಲ್ಲಿ ಎಲ್ ಐಸಿ, ಎಸ್ ಬಿಐ ಹಾಗೂ ಬ್ಯಾಂಕ್ ಆಫ್ ಬರೋಡಾ ಪ್ರಮುಖವಾದ ಷೇರಿನ ಪಾಲು ಹೊಂದಿವೆ. ಸೆಬಿ ನಿಯಮಾವಳಿ ಪ್ರಕಾರ, ಈ ವರ್ಷದ ಡಿಸೆಂಬರ್ ಹೊತ್ತಿಗೆ ಷೇರಿನ ಪಾಲನ್ನು 10%ಗೆ ಇಳಿಕೆ ಮಾಡಬೇಕು. ಕಳೆದ ವರ್ಷ ಡಿಸೆಂಬರ್ ನಲ್ಲೇ ಈ ಬಗ್ಗೆ ಆದೇಶ ಹೊರಡಿಸಿ, ಒಂದು ವೇಳೆ 2020ರ ಡಿಸೆಂಬರ್ ನೊಳಗೆ ಷೇರಿನ ಪ್ರಮಾಣ ಇಳಿಸದಿದ್ದಲ್ಲಿ ಹೆಚ್ಚುವರಿ ಮತದಾನದ ಹಕ್ಕನ್ನು ಸ್ಥಗಿತ ಮಾಡುವುದಾಗಿ ತಿಳಿಸಲಾಗಿತ್ತು.
ಎರಡು ಹಂತದಲ್ಲಿ ಬಂಡವಾಳ ಹಿಂತೆಗೆತ
ಎಲ್ ಐಸಿ, ಎಸ್ ಬಿಐ ಹಾಗೂ ಬ್ಯಾಂಕ್ ಆಫ್ ಬರೋಡಾದಿಂದ ಎರಡು ಹಂತದಲ್ಲಿ ಬಂಡವಾಳ ಹಿಂತೆಗೆದುಕೊಳ್ಳಬೇಕಿತ್ತು. ಎಲ್ಲ ಸಾಂಸ್ಥಿಕ ಷೇರುದಾರರಿಂದ ಪ್ರೋ ರೇಟಾ ಆಧಾರದಲ್ಲಿ 25% ಹಿಂತೆಗೆತ ಹಾಗೂ ಆ ನಂತರ 10.92% ಫಾಲೋ ಆನ್ ಪಬ್ಲಿಕ್ ಆಫರ್ ಮೂಲಕ ಮಾಡಬೇಕಿತ್ತು.
ಟಿ ರೋವ್ ಪ್ರಮುಖ ಷೇರುದಾರ
ಮೊದಲ ಹಂತದಲ್ಲಿ ಮೂರು ಮುಖ್ಯ ಸಂಸ್ಥೆಗಳು ತಲಾ 8.25% ಪಾಲನ್ನು ಮಾರಾಟ ಮಾಡುತ್ತದೆ. ಟಿ ರೋವ್ ಪ್ರೈಸ್ ಹಾಗೂ ಪಂಜಾಬ್ ನ್ಯಾಷನಲ್ ಬ್ಯಾಂಕ್ ತಲಾ 3% ಮಾರುತ್ತವೆ. ಅದರಲ್ಲಿ ಟಿ ರೋವ್ ಪ್ರಮುಖ ಷೇರುದಾರ ಆಗಿದ್ದು, UTI AMCಯಲ್ಲಿ 26% ಷೇರಿನ ಪಾಲು ಹೊಂದಿದೆ. ಇನ್ನು ಪಿಎನ್ ಬಿ 18.24% ಪಾಲು ಹೊಂದಿದೆ.
10%ಗಿಂತ ಹೆಚ್ಚಿನ ಪಾಲನ್ನು ಹೊಂದಿರುವಂತಿಲ್ಲ
ಮೂರು ಸಾರ್ವಜನಿಕ ಸ್ವಾಮ್ಯದ ಹಣಕಾಸು ಸಂಸ್ಥೆಗಳು ತಲಾ 18.24% ಪಾಲನ್ನು ಹೊಂದಿವೆ. ಸೆಬಿ ನಿಯಮಾವಳಿ ಪ್ರಕಾರ, ಒಂದು ಸಂಸ್ಥೆಯು ಮತ್ತೊಂದು ಸಂಸ್ಥೆಯ ಮ್ಯೂಚುವಲ್ ಫಂಡ್ ನಲ್ಲಿ 10%ಗಿಂತ ಹೆಚ್ಚಿನ ಪಾಲನ್ನು ಹೊಂದಿರುವಂತಿಲ್ಲ. UTI AMCಯಲ್ಲಿ ಷೇರಿನ ಪಾಲನ್ನು ಇಳಿಸಲು ವಿಫಲವಾದ ಹಿನ್ನೆಲೆಯಲ್ಲಿ ಕಳೆದ ತಿಂಗಳು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ಎಲ್ ಐಸಿ ಹಾಗೂ ಬ್ಯಾಂಕ್ ಆಫ್ ಬರೋಡಾಗೆ ಸೆಬಿಯಿಂದ ತಲಾ 10 ಲಕ್ಷ ರುಪಾಯಿ ದಂಡ ವಿಧಿಸಲಾಯಿತು.
