'ಪ್ರಧಾನಮಂತ್ರಿ ವಯ ವಂದನ ಯೋಜನೆ' ಬಗ್ಗೆ ನಿಮಗೆಷ್ಟು ಗೊತ್ತು?

ಭಾರತ ಸರ್ಕಾರ 'ಪ್ರಧಾನಮಂತ್ರಿ ವಯ ವಂದನ ಯೋಜನೆ'(PMVVY)ಯನ್ನು ಘೋಷಿಸಿದ್ದು, ಭಾರತೀಯ ಜೀವ ವಿಮೆ(ಎಲ್ಐಸಿ) ಸಂಸ್ಥೆ ಇದನ್ನು ಕಾರ್ಯಗತಗೊಳಿಸುತ್ತಿದೆ. ಮೇ 14ರಂದು ಈ ಯೋಜನೆಯನ್ನು ಲಾಂಚ್ ಮಾಡಲಾಗಿದೆ.

ಪ್ರಧಾನಮಂತ್ರಿ ವಯ ವಂದನ ಯೋಜನೆ(ಪಿಎಂವಿವಿವೈ) ಕುರಿತು ತಿಳಿದುಕೊಳ್ಳಬೇಕಾದ ಪ್ರಮುಖ ಸಂಗತಿಗಳು ಇಲ್ಲಿವೆ ನೋಡಿ...

1. ಯಾವಾಗ ಖರೀದಿಸಬೇಕು?

ಪ್ರಧಾನಮಂತ್ರಿ ವಯ ವಂದನ ಯೋಜನೆ(PMVVY)ಯನ್ನು ಮೇ 14 2017ರಿಂದ, ಮೇ 3 2018ರವರೆಗಿನ ಒಂದು ವರ್ಷದ ಅವಧಿ ಒಳಗಾಗಿ ಖರೀದಿಸಬೇಕು. ಪ್ರಧಾನಮಂತ್ರಿ ಅವಾಸ ಯೋಜನೆಗೆ ಅರ್ಜಿ ಸಲ್ಲಿಸುವುದು ಹೇಗೆ?

2. ಹಿರಿಯ ನಾಗರಿಕರು

ಪ್ರಧಾನಮಂತ್ರಿ ವಯ ವಂದನ ಯೋಜನೆ(ಪಿಎಂವಿವಿವೈ) ಹಿರಿಯ ನಾಗರಿಕರು(60 ಮತ್ತು ಅದಕ್ಕಿಂತ ಮೇಲ್ಪಟ್ಟ) ಪಿಂಚಣಿ ಸೌಲಭ್ಯ ಒದಗಿಸುವ ಯೋಜನೆಯಾಗಿದೆ. ಈ ಸ್ಕೀಮ್ ಎಲ್ಐಸಿ ಮುಖಾಂತರ ಖರೀದಿಸಿ ಸೌಲಭ್ಯಗಳನ್ನು ನಿಮ್ಮದಾಗಿಸಬಹುದು.

3. ಬಡ್ಡಿ/ಅವಧಿ

ಪಿಎಂವಿವಿವೈ ಪಿಂಚಣಿ ದರ ಶೇ. 8ರಷ್ಟಿದ್ದು, 10 ವರ್ಷಗಳ ಪಿಂಚಣಿ ಅವಧಿ/ಪಾಲಿಸಿ ಅವಧಿ ಇರುತ್ತದೆ. ಮಾಸಿಕ, ತ್ರೈಮಾಸಿಕ, ಅರ್ಧ-ವಾರ್ಷಿಕ ಅಥವಾ ವಾರ್ಷಿಕ ಹೀಗೆ ನೀವು ಆಯ್ಕೆ ಮಾಡಿದ ಅವಧಿಯ ಕೊನೆಯಲ್ಲಿ ಪಿಂಚಣಿ ಪಡೆಯಬಹುದು.

4. ಹೂಡಿಕೆ ಮೊತ್ತ, ಅವಧಿ

ಮಾಸಿಕ ಅವಧಿ:
ಕನಿಷ್ಟ ಹೂಡಿಕೆ: ರೂ. 1.5೦ ಲಕ್ಷ
ಗರಿಷ್ಠ ಹೂಡಿಕೆ: ರೂ. 7.5೦ ಲಕ್ಷ
ತ್ರೈಮಾಸಿಕ ಅವಧಿ:
ಕನಿಷ್ಟ ಹೂಡಿಕೆ: ರೂ. 1,49,068
ಗರಿಷ್ಠ ಹೂಡಿಕೆ: ರೂ. 7,45,342
ಅರ್ಧವಾರ್ಷಿಕ ಅವಧಿ:
ಕನಿಷ್ಟ ಹೂಡಿಕೆ: ರೂ. 1,47,601
ಗರಿಷ್ಠ ಹೂಡಿಕೆ: ರೂ. 7,38,007
ವಾರ್ಷಿಕ ಅವಧಿ:
ಕನಿಷ್ಟ ಹೂಡಿಕೆ: ರೂ. 1,44,578
ಗರಿಷ್ಠ ಹೂಡಿಕೆ: ರೂ. 7,22,892

5. ಪಿಂಚಣಿ ಮೊತ್ತ, ಅವಧಿ

ಹಿರಿಯ ನಾಗರಿಕರು ಪಿಂಚಣಿ ಮೊತ್ತವನ್ನು ಮಾಸಿಕ, ತ್ರೈಮಾಸಿಕ, ಅರ್ಧವಾರ್ಷಿಕ ಹಾಗೂ ವಾರ್ಷಿಕವಾಗಿ ಮೋಡ್ ಗಳಲ್ಲಿ ಪಡೆಯಬಹುದು.
ಮಾಸಿಕ ಅವಧಿ:
ಕನಿಷ್ಟ ಪಿಂಚಣಿ: ರೂ. 1,000/
ಗರಿಷ್ಠ ಪಿಂಚಣಿ: ರೂ. 5,000/
ತ್ರೈಮಾಸಿಕ ಅವಧಿ:
ಕನಿಷ್ಟ ಪಿಂಚಣಿ: ರೂ. 3,000/
ಗರಿಷ್ಠ ಪಿಂಚಣಿ: ರೂ. 15,000/
ಅರ್ಧವಾರ್ಷಿಕ ಅವಧಿ:
ಕನಿಷ್ಟ ಪಿಂಚಣಿ: ರೂ. 6,000/
ಗರಿಷ್ಠ ಪಿಂಚಣಿ: ರೂ. 30,000/
ವಾರ್ಷಿಕ ಅವಧಿ:
ಕನಿಷ್ಟ ಪಿಂಚಣಿ: ರೂ. 12,000/
ಗರಿಷ್ಠ ಪಿಂಚಣಿ: ರೂ. 60,000/

6. ಮರಣ

ಪಿಎಂವಿವಿವೈ ಪಾಲಿಸಿ ಅವಧಿಯಲ್ಲಿ ಪಿಂಚಣಿದಾರರು ಮರಣ ಹೊಂದಿದಲ್ಲಿ, ಖರೀದಿ ಮೊತ್ತವನ್ನು ನಾಮಿನಿಗೆ/ಫಲಾನುಭವಿಗೆ ಹಿಂದಿರುಗಿಸಲಾಗುತ್ತದೆ. (ನಾಮಿನಿ ಇಲ್ಲದಿದ್ದರೆ ಕಾನೂನುಬದ್ದ ಉತ್ತರಾಧಿಕಾರಿ)

7. ಅಕಾಲಿಕ ನಿರ್ಗಮನ