ಉಳಿತಾಯ ಖಾತೆ ಬಡ್ಡಿದರ ಪರಿಷ್ಕರಿಸಿದ ಆಕ್ಸಿಸ್ ಬ್ಯಾಂಕ್: ನೂತನ ದರವೆಷ್ಟು?
ಖಾಸಗಿ ವಲಯದ ಬ್ಯಾಂಕ್ ಆಕ್ಸಿಸ್ ಬ್ಯಾಂಕ್ ತನ್ನ ಉಳಿತಾಯ ಬ್ಯಾಂಕ್ ಖಾತೆಗಳ ಮೇಲಿನ ಬಡ್ಡಿದರಗಳನ್ನು ಪರಿಷ್ಕರಣೆ ಮಾಡಿದೆ. ಈ ಪರಿಷ್ಕೃತ ಬಡ್ಡಿದರ ಮೇ 10, 2022 ರಿಂದ ಜಾರಿಗೆ ತಂದಿದೆ. ಬ್ಯಾಂಕ್ನ ಅಧಿಕೃತ ವೆಬ್ಸೈಟ್ ಪ್ರಕಾರ, ಹೊಸ ದರಗಳು ಶೇಕಡ 3ರಿಂದ ಶೇಕಡ 3.5ಕ್ಕೆ ಏರಿಕೆ ಆಗುತ್ತದೆ.
ಈ ಪರಿಷ್ಕರಣೆಯ ಬಳಿಕ ಬ್ಯಾಂಕ್ ಈಗ 50 ಲಕ್ಷಕ್ಕಿಂತ ಕಡಿಮೆ ಇರುವ ಉಳಿತಾಯ ಖಾತೆಯ ಮೇಲೆ ಶೇಕಡ 3.00, ರೂ 50 ಲಕ್ಷದಿಂದ 2,500 ಕೋಟಿಗಿಂತ ಕಡಿಮೆ ಮೊತ್ತದ ಉಳಿತಾಯ ಖಾತೆಯ ಮೇಲೆ ಶೇಕಡ 3.5 ಬಡ್ಡಿದರ ನೀಡುತ್ತದೆ.
ಸಾಲದ ಬಡ್ಡಿದರ ಏರಿಕೆ ಮಾಡಿದ ಬ್ಯಾಂಕುಗಳು: ಇಲ್ಲಿದೆ ಪಟ್ಟಿ
ಆಕ್ಸಿಸ್ ಬ್ಯಾಂಕ್ ಪ್ರಕಾರ, ಈ ಉಳಿತಾಯ ಖಾತೆಯ ಬಡ್ಡಿದರಗಳನ್ನು ಪ್ರತಿದಿನ ಲೆಕ್ಕಹಾಕಲಾಗುತ್ತದೆ. ಮುಂದಿನ ತ್ರೈಮಾಸಿಕದ ಮೊದಲ ದಿನದಂದು ಖಾತೆಗೆ ಜಮಾ ಮಾಡಲಾಗುತ್ತದೆ. ಆಕ್ಸಿಸ್ ಬ್ಯಾಂಕ್ ತನ್ನ ವೆಬ್ಸೈಟ್ನಲ್ಲಿ ಈ ಬಗ್ಗೆ ಮಾಹಿತಿ ನೀಡಿದೆ. "ಮೇ 10, 2022 ರಿಂದ ಜಾರಿಗೆ ಬರುವಂತೆ, ನಿಮ್ಮ ಉಳಿತಾಯ ಖಾತೆಯ ಮೇಲಿನ ಬಡ್ಡಿಯನ್ನು ಪರಿಷ್ಕರಣೆ ಮಾಡಲಾಗಿದೆ," ಎಂದು ಬ್ಯಾಂಕ್ ಉಲ್ಲೇಖ ಮಾಡಿದೆ.
ನೂತನ ಬಡ್ಡಿದರವೆಷ್ಟು?
ರೂ. 50 ಲಕ್ಷಕ್ಕಿಂತ ಕಡಿಮೆ: ಶೇಕಡ 3.00 ಬಡ್ಡಿದರ
ರೂ. 50 ಲಕ್ಷಗಳು ಮತ್ತು ರೂ.10 ಕೋಟಿಗಿಂತ ಕಡಿಮೆ: ಶೇಕಡ 3.50 ಬಡ್ಡಿದರ
ರೂ. 10 ಕೋಟಿ ಮತ್ತು 100 ಕೋಟಿಗಿಂತ ಕಡಿಮೆ: ಶೇಕಡ 3.50 ಬಡ್ಡಿದರ
ರೂ. 100 ಕೋಟಿ ಮತ್ತು 200 ಕೋಟಿಗಿಂತ ಕಡಿಮೆ: ಶೇಕಡ 3.50 ಬಡ್ಡಿದರ
ರೂ. 200 ಕೋಟಿ ಮತ್ತು 2,500 ಕೋಟಿಗಿಂತ ಕಡಿಮೆ: ಶೇಕಡ 3.50 ಬಡ್ಡಿದರ
ಆಕ್ಸಿಸ್ ಬ್ಯಾಂಕ್ನ ಉಳಿತಾಯ ಖಾತೆಯ ಈ ಹಿಂದಿನ ಬಡ್ಡಿ ದರ ಎಷ್ಟಿತ್ತು?
ರೂ 50 ಲಕ್ಷಕ್ಕಿಂತ ಕಡಿಮೆ: ಶೇಕಡ 3.00 ಬಡ್ಡಿದರ
ರೂ. 50 ಲಕ್ಷಗಳು ಮತ್ತು ರೂ.10 ಕೋಟಿಗಿಂತ ಕಡಿಮೆ: ಶೇಕಡ 3.50 ಬಡ್ಡಿದರ
ರೂ. 10 ಕೋಟಿ ಮತ್ತು 100 ಕೋಟಿಗಿಂತ ಕಡಿಮೆ: ರೆಪೋ+ಶೇಕಡ 0.65 (ಶೇಕಡ 3.50 ಬಡ್ಡಿದರ)
ರೂ. 100 ಕೋಟಿ ಮತ್ತು 200 ಕೋಟಿಗಿಂತ ಕಡಿಮೆ: ರೆಪೋ+ಶೇಕಡ 0.50
ರೂ. 200 ಕೋಟಿ ಮತ್ತು 2,500 ಕೋಟಿಗಿಂತ ಕಡಿಮೆ: ರೆಪೋ+ಶೇಕಡ 0.50