For Quick Alerts
ALLOW NOTIFICATIONS  
For Daily Alerts

ಸಾಲದ ಬಡ್ಡಿದರ ಹೆಚ್ಚಿಸಿದ ಕೆನರಾ ಬ್ಯಾಂಕ್: ನೂತನ ಬಡ್ಡಿದರ ಇಲ್ಲಿದೆ

|

ಸಾರ್ವಜನಿಕ ವಲಯದ ಪ್ರಮುಖ ಬ್ಯಾಂಕ್ ಆದ ಕೆನರಾ ಬ್ಯಾಂಕ್ ಸಾಲದ ಮೇಲಿನ ಬಡ್ಡಿದರವನ್ನು ಹೆಚ್ಚಳ ಮಾಡಿದೆ. ಜುಲೈ 7ರಿಂದ ಜಾರಿಗೆ ಬರುವಂತೆ ಕೆನರಾ ಬ್ಯಾಂಕ್ ಎಂಸಿಎಲ್‌ಆರ್ ಹಾಗೂ ರೆಪೊ ಲಿಂಕ್ಡ್ ಲೆಂಡಿಂಗ್ ದರ (RLLR) ಅನ್ನು ಹೆಚ್ಚಳ ಮಾಡಿದೆ. ಒಂದು ರಾತ್ರಿಯಿಂದ ಒಂದು ವರ್ಷದವರೆಗಿನ ಸಾಲದ ಬಡ್ಡಿದರವನ್ನು ಹೆಚ್ಚಿಸಿದೆ.

 

ಬ್ಯಾಂಕ್ ತನ್ನ ಒಂದು ರಾತ್ರಿಯಿಂದ ಒಂದು ತಿಂಗಳವರೆಗಿನ ಎಂಸಿಎಲ್‌ಆರ್ ದರವನ್ನು 10 ಬೇಸಿಸ್ ಪಾಯಿಂಟ್‌ ಹೆಚ್ಚಳ ಮಾಡಿದೆ. ಇದರಿಂದಾಗಿ ಬಡ್ಡಿದರವು ಶೇಕಡ 6.75ಕ್ಕೆ ಹೆಚ್ಚಾಗಿದೆ. ಇನ್ನು 3 ತಿಂಗಳ ಎಂಸಿಎಲ್‌ಆರ್ ದರವು ಶೇ.6.95ರಿಂದ ಶೇ.7.05ಕ್ಕೆ ಹೆಚ್ಚಳ ಮಾಡಲಾಗಿದೆ. ಅಂದರೆ ಹತ್ತು ಮೂಲಾಂಕ ಏರಿಕೆ ಮಾಡಲಾಗಿದೆ.

1 ಲಕ್ಷ ಕೋಟಿ ರೂ.ಗಳ ಚಿನ್ನ ಸಾಲದ ಮೊತ್ತ ದಾಟಿದ ಕೆನರಾ ಬ್ಯಾಂಕ್

6 ತಿಂಗಳ ಎಂಸಿಎಲ್‌ಆರ್ 10 ಬೇಸಿಸ್ ಪಾಯಿಂಟ್‌ ಹೆಚ್ಚಳ ಮಾಡಲಾಗಿದ್ದು, ಶೇ.7.35ರಿಂದ ಶೇ.7.45ಕ್ಕೆ ಏರಿದೆ. ಬ್ಯಾಂಕ್‌ಗಳು ತಮ್ಮ ಗೃಹ ಸಾಲದ ದರಗಳನ್ನು ನಿರ್ಧಾರ ಮಾಡಲು ಒಂದು ವರ್ಷದ ಎಂಸಿಎಲ್‌ಆರ್ ಮಾನದಂಡವಾಗಿದೆ. ಈ ಅವಧಿಯ ಸಾಲದ ಬಡ್ಡಿದರವು ಕೂಡಾ 10 ಬೇಸಿಸ್ ಪಾಯಿಂಟ್‌ ಹೆಚ್ಚಳವಾಗಿದೆ. ಶೇ.7.40 ರಿಂದ ಶೇ.7.50ಕ್ಕೆ ಹೆಚ್ಚಳವಾಗಿದೆ.

ಸಾಲದ ಬಡ್ಡಿದರ ಹೆಚ್ಚಿಸಿದ ಕೆನರಾ ಬ್ಯಾಂಕ್: ನೂತನ ಬಡ್ಡಿದರ ಇಲ್ಲಿದೆ

ಆರ್‌ಆರ್‌ಎಲ್‌ಆರ್ 50 ಬೇಸಿಸ್ ಪಾಯಿಂಟ್‌ ಹೆಚ್ಚಳ

ಕೆನರಾ ಬ್ಯಾಂಕ್ ತನ್ನ ರೆಪೊ ಲಿಂಕ್ಡ್ ಲೆಂಡಿಂಗ್ ರೇಟ್ (ಆರ್‌ಎಲ್‌ಎಲ್‌ಆರ್) ದರವನ್ನು 50 ಬೇಸಿಸ್ ಪಾಯಿಂಟ್‌ ಹೆಚ್ಚಳ ಮಾಡಿದೆ. ಆರ್‌ಎಲ್‌ಎಲ್‌ಆರ್ ಈ ಹಿಂದೆ ಶೇ.7.30 ಆಗಿತ್ತು. ಆದರೆ ಈಗ ಶೇ.7.80 ಆಗಿದೆ. ಆರ್‌ಎಲ್‌ಎಲ್‌ಆರ್ ಎಂದೂ ಕರೆಯಲ್ಪಡುವ ರೆಪೊ-ಲಿಂಕ್ಡ್ ಸಾಲದ ದರವು ಆರ್‌ಬಿಐ ನಿಗದಿಪಡಿಸಿದ ರೆಪೊ ದರಕ್ಕೆ ಲಿಂಕ್ ಮಾಡಲಾದ ಸಾಲದ ದರವಾಗಿದೆ.

ಆರ್‌ಬಿಐಗೂ ಮುನ್ನ ಸಾಲದ ಬಡ್ಡಿದರ ಹೆಚ್ಚಿಸಿದ ಕೆನರಾ ಬ್ಯಾಂಕ್: ನೂತನ ದರ ಪರಿಶೀಲಿಸಿ

ಜೂನ್‌ನಲ್ಲಿ ಆರ್‌ಬಿಐ ರೆಪೊ ದರದಲ್ಲಿ 50 ಬೇಸಿಸ್ ಪಾಯಿಂಟ್‌ಗಳನ್ನು ಹೆಚ್ಚಿಸಿದೆ. ಇದು ಬ್ಯಾಂಕ್‌ಗಳ ಎಂಸಿಎಲ್‌ಆರ್ ಮೇಲೆ ಪರಿಣಾಮವನ್ನು ಉಂಟು ಮಾಡಿದೆ. ಬ್ಯಾಂಕುಗಳು ಗೃಹ ಸಾಲವನ್ನು ಪಡೆಯುವವರಿಗೆ ಸಾಲದ ಬಡ್ಡಿದರವನ್ನು ಹೆಚ್ಚಳ ಮಾಡುತ್ತಿದೆ.

 

ಹೊಸ ಎಂಸಿಎಲ್‌ಆರ್ ಎಷ್ಟಿದೆ?

ಒಂದು ರಾತ್ರಿ ಅವಧಿ: ಶೇಕಡ 6.75
ಒಂದು ತಿಂಗಳ ಅವಧಿ: ಶೇಕಡ 6.75
ಮೂರು ತಿಂಗಳ ಅವಧಿ: ಶೇಕಡ 7.05
ಆರು ತಿಂಗಳ ಅವಧಿ: ಶೇಕಡ 7.45
ಒಂದು ವರ್ಷದ ಅವಧಿ: ಶೇಕಡ 7.50

English summary

Canara Bank Raises Interest Rates on Loan, Check New Rates Here

With effect from July 7th, 2022, Canara Bank, a public sector lender, increased its Marginal Cost of Fund Based Lending Rate (MCLR) and Repo Linked Lending Rate (RLLR) for loans / advances in overnight to one-year tenors.
Story first published: Thursday, July 7, 2022, 17:14 [IST]
Company Search
COVID-19
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X