For Quick Alerts
ALLOW NOTIFICATIONS  
For Daily Alerts

ಮಾರ್ಚ್ 31ರೊಳಗೆ ಕನಿಷ್ಠ ಠೇವಣಿ ಮಾಡದಿದ್ದರೆ ಈ ಖಾತೆಗಳು ನಿಷ್ಕ್ರಿಯ

|

ಹಣಕಾಸು ವರ್ಷದ ಅಂತ್ಯ ಸಮೀಪಿಸುತ್ತಿರುವುದರಿಂದ, ಹಲವು ತೆರಿಗೆ-ಉಳಿತಾಯ ಯೋಜನೆಗಳನ್ನು ನಾವು ಮುಂದುವರಿಸಲು ಕನಿಷ್ಠ ಠೇವಣಿ ಅಗತ್ಯ ಇದೆ. ಸಾರ್ವಜನಿಕ ಭವಿಷ್ಯ ನಿಧಿ (ಪಿಪಿಎಫ್), ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆ (ಎನ್‌ಪಿಎಸ್) ಮತ್ತು ಸುಕನ್ಯಾ ಸಮೃದ್ಧಿ ಯೋಜನೆಯು ಈ ಯೋಜನೆಗಳಲ್ಲಿ ಸೇರಿದೆ.

 

ನೀವು ಈ ಖಾತೆಗಳನ್ನು ತೆರೆದಿದ್ದರೆ ಮತ್ತು ಹಣಕಾಸು ವರ್ಷದಲ್ಲಿ ಕನಿಷ್ಠ ಮೊತ್ತವನ್ನು ಠೇವಣಿ ಮಾಡಲು ವಿಫಲವಾದರೆ, ಈ ಖಾತೆಗಳು ನಿಷ್ಕ್ರಿಯವಾಗುತ್ತವೆ. ಆದರಿಂದಾಗಿ ಮಾರ್ಚ್ 31ರೊಳಗೆ ಈ ಖಾತೆಗಳಲ್ಲಿ ಕನಿಷ್ಠ ಠೇವಣಿಯನ್ನು ನೀವು ಮಾಡಬೇಕಾಗಿದೆ.

 

 ಮಾರ್ಚ್ ಅಂತ್ಯದೊಳಗೆ ಈ ಐದು ಹಣಕಾಸಿನ ಜವಾಬ್ದಾರಿ ಪೂರ್ಣಗೊಳಿಸಿ ಮಾರ್ಚ್ ಅಂತ್ಯದೊಳಗೆ ಈ ಐದು ಹಣಕಾಸಿನ ಜವಾಬ್ದಾರಿ ಪೂರ್ಣಗೊಳಿಸಿ

ನೀವು ಒಂದು ವೇಳೆ ಕನಿಷ್ಠ ಠೇವಣಿ ಹೊಂದಿಲ್ಲದಿದ್ದರೆ ಆ ಖಾತೆಯನ್ನು ನಿಷ್ಕ್ರೀಯ ಮಾಡಲಾಗುತ್ತದೆ. ಹಾಗೆ ಒಮ್ಮೆ ನಿಷ್ಕ್ರೀಯವಾದ ಖಾತೆಯನ್ನು ಮತ್ತೆ ಪುನಃ ಸಕ್ರಿಯಗೊಳಿಸಲು ಸಾಕಷ್ಟು ಸಮಯ ಬೇಕಾಗಲಿದೆ. ಇಂತಹ ಸುದೀರ್ಘ ಕಾರ್ಯವಿಧಾನವನ್ನು ತಪ್ಪಿಸಲು, ಮಾರ್ಚ್ 31 ರ ಆರ್ಥಿಕ ವರ್ಷ ಮುಗಿಯುವ ಮೊದಲು ನೀವು ಕನಿಷ್ಠ ಠೇವಣಿಗಳನ್ನು ಮಾಡಬೇಕು. ಹಾಗಾದರೆ ಈ ಉಳಿತಾಯ ಯೋಜನೆಗಳು ಯಾವುದು, ಈ ಖಾತೆಗಳು ನಿಷ್ಕ್ರೀಯ ಆಗುವುದನ್ನು ತಪ್ಪಿಸಲು ನೀವು ಎಷ್ಟು ಠೇವಣಿ ಮಾಡಬೇಕು ಎಂದು ತಿಳಿಯಲು ಮುಂದೆ ಓದಿ...

 ಮಾರ್ಚ್ 31ರೊಳಗೆ ಕನಿಷ್ಠ ಠೇವಣಿ ಮಾಡದಿದ್ದರೆ ಈ ಖಾತೆಗಳು ನಿಷ್ಕ್ರಿಯ

ಸಾರ್ವಜನಿಕ ಭವಿಷ್ಯ ನಿಧಿ: ಒಂದು ಹಣಕಾಸು ವರ್ಷದಲ್ಲಿ ಸಾರ್ವಜನಿಕ ಭವಿಷ್ಯ ನಿಧಿ ಖಾತೆಗೆ ಕನಿಷ್ಠ ವಾರ್ಷಿಕ ಠೇವಣಿ 500 ರೂ ಆಗಿದೆ. ಠೇವಣಿ ಮಾಡಲು ಕೊನೆಯ ದಿನಾಂಕ ಮಾರ್ಚ್ 31, 2022 ಆಗಿದೆ. ಗ್ರಾಹಕರು ಈ ದಿನಾಂಕದೊಳಗೆ ಕೊಡುಗೆ ನೀಡಲು ವಿಫಲರಾದರೆ, ಅವರು ಪ್ರತಿ ವರ್ಷಕ್ಕೆ 50 ರೂಪಾಯಿಗಳ ದಂಡವನ್ನು ಪಾವತಿಸಬೇಕಾಗುತ್ತದೆ. ಇದಲ್ಲದೆ, ಹಣಕಾಸು ವರ್ಷದಲ್ಲಿ ಕನಿಷ್ಠ ಕೊಡುಗೆಯನ್ನು ನೀಡದಿದ್ದರೆ, ಪಿಪಿಎಫ್ ಖಾತೆಯನ್ನು ಸ್ಥಗಿತಗೊಳಿಸಲಾಗಿದೆ ಎಂದು ಪರಿಗಣಿಸಲಾಗುತ್ತದೆ.

ಮಾ.20: ಕಚ್ಚಾತೈಲ ಬೆಲೆ ಏರಿಳಿತ, ದೇಶದಲ್ಲಿ ಪೆಟ್ರೋಲ್, ಡೀಸೆಲ್ ದರ ಎಷ್ಟಿದೆ?ಮಾ.20: ಕಚ್ಚಾತೈಲ ಬೆಲೆ ಏರಿಳಿತ, ದೇಶದಲ್ಲಿ ಪೆಟ್ರೋಲ್, ಡೀಸೆಲ್ ದರ ಎಷ್ಟಿದೆ?

ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆ: ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆ ಅಥವಾ ಎನ್‌ಪಿಎಸ್‌ ಖಾತೆದಾರರಿಗೆ, ಖಾತೆಯು ಸಕ್ರಿಯವಾಗಿರುವುದನ್ನು ಖಚಿತಪಡಿಸಿಕೊಳ್ಳಲು ಆರ್ಥಿಕ ವರ್ಷದಲ್ಲಿ ಕನಿಷ್ಠ 1,000 ರೂ.ಗಳನ್ನು ಠೇವಣಿ ಮಾಡುವುದು ಕಡ್ಡಾಯವಾಗಿದೆ. ಕನಿಷ್ಠ ಮೊತ್ತವನ್ನು ಖಾತೆಯಲ್ಲಿ ಠೇವಣಿ ಮಾಡದಿದ್ದರೆ, ಖಾತೆಯು ನಿಷ್ಕ್ರಿಯಗೊಳ್ಳುತ್ತದೆ. ಆ ಖಾತೆಯನ್ನು ಪುನರುಜ್ಜೀವನಗೊಳಿಸಲು, ನೀವು ಕನಿಷ್ಟ ಕೊಡುಗೆಗಳೊಂದಿಗೆ ಪ್ರತಿ ವರ್ಷ ರೂ 100 ದಂಡವನ್ನು ಪಾವತಿಸಬೇಕಾಗುತ್ತದೆ.

ಸುಕನ್ಯಾ ಸಮೃದ್ಧಿ ಯೋಜನೆ: ಒಂದು ಆರ್ಥಿಕ ವರ್ಷದಲ್ಲಿ ಸುಕನ್ಯಾ ಸಮೃದ್ಧಿ ಖಾತೆಯನ್ನು ಸಕ್ರಿಯವಾಗಿಡಲು ಠೇವಣಿ ಮಾಡಬೇಕಾದ ಕನಿಷ್ಠ ಮೊತ್ತ 250 ರೂಪಾಯಿ ಎಂದು ಖಾತೆದಾರರು ಗಮನಿಸಬೇಕು. ಹಣಕಾಸು ವರ್ಷದಲ್ಲಿ ಕನಿಷ್ಠ ಠೇವಣಿ ಮಾಡದಿದ್ದರೆ, ಅದನ್ನು ಡೀಫಾಲ್ಟ್ ಖಾತೆ ಎಂದು ಪರಿಗಣಿಸಲಾಗುತ್ತದೆ. ಆದಾಗ್ಯೂ, ಈ ಖಾತೆಯನ್ನು ಸಕ್ರಿಯಗೊಳಿಸಬಹುದು. ಅದಕ್ಕಾಗಿ ನೀವು ಕನಿಷ್ಟ 250 ರೂಪಾಯಿಗಳ ಕೊಡುಗೆಯನ್ನು ಪಾವತಿಸಬೇಕಾಗುತ್ತದೆ. ಜೊತೆಗೆ ಪ್ರತಿ ವರ್ಷಕ್ಕೆ 50 ರೂಪಾಯಿಗಳ ದಂಡವನ್ನು ಪಾವತಿಸಬೇಕಾಗುತ್ತದೆ.

English summary

Minimum Deposit Should be Made in THESE Accounts Before March 31, Reason's Here

PPF, NPS, Sukanya Samriddhi Yojana: Minimum Deposits Should be Made in These Accounts Before March 31, Reason's Here.
Company Search
COVID-19
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X