ಬ್ಯಾಂಕ್‌ಗಳ ಫಿಕ್ಸೆಡ್ ಡೆಪಾಸಿಟ್‌ಗಿಂತ ಹೆಚ್ಚಿನ ಬಡ್ಡಿ ಇಲ್ಲಿ ಸಿಗುತ್ತೆ: 5 ವರ್ಷಕ್ಕೆ 6 ಲಕ್ಷ ರೂ. ಬಡ್ಡಿ ಹಣ

ನಿಮ್ಮ ಬಳಿ ಯಾವುದಾದರೂ ಹೆಚ್ಚಿನ ಆದಾಯದ ಹಣವಿದ್ದರೆ ಅಥವಾ ಆಸ್ತಿ ಇನ್ಯಾವುದೇ ಮಾರಾಟದ ಮೂಲಕ ಬಂದ ಹಣವನ್ನು ಉತ್ತಮ ಕಡೆಯಲ್ಲಿ ಹೂಡಿಕೆ ಮಾಡಲು ಬಯಸುತ್ತಿದ್ದರೆ ನಿಮಗೆ ಹಲವು ಆಯ್ಕೆಗಳಿರಬಹುದು. ಇತ್ತೀಚಿನ ದಿನಗಳಲ್ಲಿ ಬ್ಯಾಂಕ್‌ಗಳ ಬಡ್ಡಿದರಗಳು ಕಡಿಮೆಯಾಗಿರುವುದರಿಂದ ಎಲ್ಲಿ ಡೆಪಾಸಿಟ್ ಮಾಡುವುದು ಎಂದು ಯೋಚಿಸುತ್ತಿರಬಹುದು.

ಆದರೆ ಬ್ಯಾಂಕ್‌ಗಳಲ್ಲಿ ಎಫ್‌ಡಿಗಳಿಗೆ ಸಿಗುವ ಬಡ್ಡಿಗಿಂತ ಬೇರೆಡೆ ಹೆಚ್ಚಿನ ಬಡ್ಡಿ ಸಿಗುತ್ತದೆ. ಇಲ್ಲಿ ನಿಮ್ಮ ಹಣ ಸುರಕ್ಷಿತವಾಗಿರುವುದು ಮತ್ತು ಖಾತರಿ ಆದಾಯ ನೀಡುವುದು. ಹೌದು ಅಂಚೆ ಕಚೇರಿಯ ಸಣ್ಣ ಉಳಿತಾಯ ಯೋಜನೆಗಳು ಉತ್ತಮ ಮತ್ತು ಖಾತರಿಯ ಲಾಭವನ್ನು ನೀಡಬಲ್ಲವು. ಇದರಲ್ಲಿ ನಿಮ್ಮ ಹಣವೂ ಸುರಕ್ಷಿತವಾಗಿರುತ್ತದೆ. ವಾಸ್ತವವಾಗಿ, ಅಂಚೆ ಕಚೇರಿಯ ಯಾವುದೇ ಯೋಜನೆಯಲ್ಲಿ ಠೇವಣಿ ಇಡುವ ಹಣದ ಮೇಲೆ ಗ್ಯಾರಂಟಿ ನೀಡಲಾಗುತ್ತದೆ. ಹೀಗೆ ಉತ್ತಮ ರಿಟರ್ನ್ ಸಿಗುವ ಅಂಚೆ ಕಚೇರಿ ಯೋಜನೆ ಬಗ್ಗೆ ಈ ಕೆಳಗೆ ನಾವು ನಿಮಗೆ ಮಾಹಿತಿ ನೀಡುತ್ತೇವೆ.

ಶೇ 6.8 ರಷ್ಟು ಬಡ್ಡಿದರ

ರಾಷ್ಟ್ರೀಯ ಉಳಿತಾಯ ಪ್ರಮಾಣಪತ್ರ (ಎನ್‌ಎಸ್‌ಸಿ) ಅನೇಕ ಅಂಚೆ ಕಚೇರಿ ಯೋಜನೆಗಳಲ್ಲಿ ಒಂದಾಗಿದೆ. ಈ ಯೋಜನೆ ನಿಮಗೆ ಎಫ್‌ಡಿಗಿಂತ ಹೆಚ್ಚಿನ ಬಡ್ಡಿಯನ್ನು ನೀಡುತ್ತದೆ. ಪ್ರಸ್ತುತ, ಅಂಚೆ ಕಚೇರಿಯ ಎನ್‌ಎಸ್‌ಸಿ ಯೋಜನೆಯಲ್ಲಿ ಶೇ 6.8 ರಷ್ಟು ಬಡ್ಡಿದರವನ್ನು ನೀಡಲಾಗುತ್ತಿದೆ. ಯಾವುದೇ ದೊಡ್ಡ ಬ್ಯಾಂಕಿನಲ್ಲಿ ಎಫ್‌ಡಿ ಯಲ್ಲಿ ಅಂತಹ ಬಡ್ಡಿದರವನ್ನು ಪಡೆಯಲು ಅಷ್ಟು ಸುಲಭವಾಗಿಲ್ಲ. ಹೀಗಾಗಿ ನಿಮ್ಮ ಹಣ ಹೂಡಿಕೆಗೆ ಇದು ಸುಲಭವಾದ ಆಯ್ಕೆಯಾಗಿದೆ.

ಯೋಜನೆಯ ಅವಧಿ 5 ವರ್ಷಗಳು

ಎನ್‌ಎಸ್‌ಸಿ ಯೋಜನೆಯ ಮುಕ್ತಾಯ ಅವಧಿ 5 ವರ್ಷಗಳು. ಆದರೆ ನೀವು ಬಯಸಿದರೆ, ಮುಕ್ತಾಯಗೊಂಡ ನಂತರ, ನಿಮ್ಮ ಹೂಡಿಕೆಯನ್ನು ಇನ್ನೂ 5 ವರ್ಷಗಳವರೆಗೆ ವಿಸ್ತರಿಸಬಹುದು. ಈ ಸಮಯದಲ್ಲಿ ನೀವು ಎನ್‌ಎಸ್‌ಸಿಯನ್ನು 100, 500 ರೂ, 1000, 5000 ಮತ್ತು 10,000 ರೂ. ನಿಮಗೆ ಬೇಕಾದಷ್ಟು ವಿಭಿನ್ನ ಮೌಲ್ಯದ ಪ್ರಮಾಣಪತ್ರಗಳನ್ನು ಖರೀದಿಸುವ ಮೂಲಕ ನೀವು ಎನ್‌ಎಸ್‌ಸಿಯಲ್ಲಿ ಹೂಡಿಕೆ ಮಾಡಬಹುದು.

ಕನಿಷ್ಠ ಎಷ್ಟು ರೂಪಾಯಿ ಹೂಡಿಕೆ ಮಾಡಬಹುದು?

ನೀವು ಎನ್‌ಎಸ್‌ಸಿಯಲ್ಲಿ ಕನಿಷ್ಠ 100 ರೂಪಾಯಿಗಳನ್ನು ಹೂಡಿಕೆ ಮಾಡಬೇಕು. ಏಕೆಂದರೆ ಅಗ್ಗದ ಎನ್‌ಎಸ್‌ಸಿ ಈ ದರದಲ್ಲಿ ಲಭ್ಯವಿದೆ. ಗರಿಷ್ಠ ಹೂಡಿಕೆಗೆ ಬಂದಾಗ, ಯಾವುದೇ ಮಿತಿಯಿಲ್ಲ. ಆದಾಯ ತೆರಿಗೆ ಕಾಯ್ದೆ 1961 ರ ಸೆಕ್ಷನ್ 80 ಸಿ ಅಡಿಯಲ್ಲಿ, ಎನ್‌ಎಸ್‌ಸಿ ಹೂಡಿಕೆದಾರರು ವಾರ್ಷಿಕ 1.5 ಲಕ್ಷ ರೂ.ವರೆಗಿನ ಹೂಡಿಕೆಗಳ ಮೇಲೆ ತೆರಿಗೆ ವಿನಾಯಿತಿ ಪಡೆಯುತ್ತಾರೆ. ಅಂದರೆ, ಇದು ತೆರಿಗೆ ಉಳಿತಾಯ ಆಯ್ಕೆಯಾಗಿದೆ.

ವರ್ಷಕ್ಕೆ 6 ಲಕ್ಷ ರೂ. ಬಡ್ಡಿ ಹಣ

6 ಲಕ್ಷ ರೂ.ಗಳ ಬಡ್ಡಿ ಪಡೆಯಲು ಹೂಡಿಕೆದಾರರು ಎನ್‌ಎಸ್‌ಸಿಯಲ್ಲಿ 15 ಲಕ್ಷ ರೂ. ಹೂಡಿಕೆ ಮಾಡಿದರೆ ಈಗಿನ, ಶೇಕಡಾ 6.8 ರ ಬಡ್ಡಿದರದ ಪ್ರಕಾರ, ಆ ಹೂಡಿಕೆದಾರರ ಹೂಡಿಕೆಯ ಮೊತ್ತವು 5 ವರ್ಷಗಳಲ್ಲಿ 20.85 ಲಕ್ಷ ರೂ. ಆಗಿರುತ್ತದೆ. ಅಂದರೆ, ಅವರು ಕೇವಲ 5 ವರ್ಷಗಳಲ್ಲಿ ಸುಮಾರು 6 ಲಕ್ಷ ರೂ. ಬಡ್ಡಿಯನ್ನೇ ಪಡೆಯುತ್ತಾರೆ.

ಎನ್‌ಎಸ್‌ಸಿ ಖರೀದಿ ಹೇಗೆ? ಏನು ಉಪಯೋಗ?

ರಾಷ್ಟ್ರೀಯ ಉಳಿತಾಯ ಪ್ರಮಾಣಪತ್ರವನ್ನು ಸಾಮಾನ್ಯವಾಗಿ ಎನ್‌ಎಸ್‌ಸಿ ಎಂದು ಕರೆಯಲಾಗುತ್ತದೆ, ಇದು ಭಾರತ ಸರ್ಕಾರದ ಉಳಿತಾಯ ಬಾಂಡ್ ಆಗಿದ್ದು, ಅಂಚೆ ಕಚೇರಿ ಉಳಿತಾಯ ಯೋಜನೆಯಾಗಿದೆ. ಇವುಗಳನ್ನು ವಯಸ್ಕರು ಅಥವಾ ಅಪ್ರಾಪ್ತ ವಯಸ್ಕರ ಹೆಸರಿನಲ್ಲಿ ಒಬ್ಬರು ಅಥವಾ ಜಂಟಿಯಾಗಿ ಭಾರತದ ಯಾವುದೇ ಅಂಚೆ ಕಚೇರಿಯಿಂದ ಖರೀದಿಸಬಹುದು. ಐದು ಮತ್ತು ಹತ್ತು ವರ್ಷಗಳ ಮೆಚುರಿಟಿಗಳಿಗಾಗಿ ಇವುಗಳನ್ನು ನೀಡಲಾಗುತ್ತದೆ ಮತ್ತು ಸಾಲವನ್ನು ಪಡೆಯಲು ಬ್ಯಾಂಕುಗಳೊಂದಿಗೆ ಅಡಮಾನ ಕೂಡ ಇಡಬಹುದು.