2011-12 ರ ಏಪ್ರಿಲ್- ಆಗಸ್ಟ್ ಅವಧಿಯಲ್ಲಿ 1,65,498 ಟನ್ ಗಳಷ್ಟು ಕಾಫಿ ರಫ್ತಾಗಿದೆ. ಕಳೆದ ವರ್ಷ ಸುಮಾರು 2,248.62 ಕೋಟಿ ರು ಆದಾಯ ಕಾಣಲಾಗಿತ್ತು, ಆದರೆ, ಈ ವರ್ಷ ಈ ಅವಧಿಯಲ್ಲಿ ಕೇವಲ 2,258.73 ಕೋಟಿ ರು ಆದಾಯ ಬಂದಿದೆ.

ಯುಎಸ್ ಡಾಲರ್ ಎಣಿಕೆಯಂತೆ ಶೇ 12 ರಷ್ಟು ಆದಾಯ ಇಳಿಕೆಯಾಗಿದ್ದು ಕಳೆದ ವರ್ಷ 501.41 ಮಿಲಿಯನ್ ಡಾಲರ್ ಇದ್ದಿದ್ದು ಈ ವರ್ಷ 439.39 ಮಿಲಿಯನ್ ಡಾಲರ್ ಗೆ ಕುಸಿದಿದೆ.

ಕಳೆದ 11 ತಿಂಗಳ ಹೋಲಿಕೆಯಲ್ಲಿ ಶೇ 7 ರಷ್ಟು ರಫ್ತು ಕುಸಿತವಾಗಿದ್ದು, 2010-11ರ ಅಕ್ಟೋಬರ್ ಆಗಸ್ಟ್ ಅವಧಿಯಲ್ಲಿ 3,28,867 ಟನ್ ಗಳಷ್ಟು ಇದ್ದದ್ದು ಈ ಬಾರಿ 3,06,238 ಟನ್ ಗಳಿಗೆ ಇಳಿದಿದೆ.

ಜನವರಿ- ಅಗಸ್ಟ್ ಅವಧಿಯಲ್ಲಿ ಶೇ 5 ರಷ್ಟು ಕುಸಿತ ಕಂಡಿದ್ದು, 2,49,697 ಟನ್ ಮಾತ್ರ ರಫ್ತಾಗಿದ್ದು, 2011ರಲ್ಲಿ ಇದೇ ಅವಧಿಯಲ್ಲಿ 2,63,652 ಟನ್ ರಫ್ತಾಗಿದೆ.

ಅರೇಬಿಕಾ ಮಾದರಿಗೆ ಬೇಡಿಕೆ ಏರಿಕೆಯಾಗುತ್ತಿದ್ದು ಜನವರಿ -ಆಗಸ್ಟ್ 2012 ಅವಧಿಯಲ್ಲಿ 49,187 ಟನ್ ಗಳಷ್ಟು ರಫ್ತಾಗಿದೆ. ಕಳೆದ ವರ್ಷ ಈ ಅವಧಿಯಲ್ಲಿ 46,942 ಟನ್ ಮಾತ್ರ ರಫ್ತಾಗಿತ್ತು. ರೊಬಸ್ಟಾ ಬೇಡಿಕೆ ಕುಸಿತ ಕಂಡಿದ್ದು 1.50 ಲಕ್ಷ ಟನ್ ನಷ್ಟಿದ್ದ ಬೇಡಿಕೆ 1.36 ಲಕ್ಷ ಟನ್ ಗೆ ಇಳಿದಿದೆ.

2011-12 ರ ಅವಧಿಯಲ್ಲಿ ದಾಖಲೆಯ ಸುಮಾರು 4,888.30 ಕೋಟಿ ರು ಮೌಲ್ಯದ 3.48 ಲಕ್ಷ ಟನ್ ಕಳೆದ ವರ್ಷ ಇದೇ ಅವಧಿಯಲ್ಲಿ 3,674.98 ಕೋಟಿ ರು ಮೌಲ್ಯದ 3.16 ಲಕ್ಷ ಟನ್ ರಫ್ತು ಮಾಡಲಾಗಿತ್ತು.