5 ತ್ರೈಮಾಸಿಕದಲ್ಲಿ ಕಂಡಿರದ ದಾಖಲೆ ಆದಾಯ

ಕಳೆದ 15 ತ್ರೈಮಾಸಿಕದಲ್ಲಿ ಕಂಡಿರದ ದಾಖಲೆ ಮೊತ್ತ ಆದಾಯ ಈ ಮೊದಲ ತ್ರೈಮಾಸಿಕದಲ್ಲಿ ಇನ್ಫೋಸಿಸ್ ಪಡೆದುಕೊಂಡಿದೆ. ತ್ರೈಮಾಸಿಕದಿಂದ ತ್ರೈಮಾಸಿಕಕ್ಕೆ ಶೇ 7ರಷ್ಟು ಆದಾಯ ಬಂದಿದೆ. ಬೆಂಗಳೂರು ಮೂಲದ ಸಂಸ್ಥೆ ನಿವ್ವಳ ಆದಾಯ ಈ ತ್ರೈಮಾಸಿಕಕ್ಕೆ ಶೇ12.4ರಷ್ಟು ಏರಿಕೆಯಾಗಿದ್ದು, 14,354 ಕೋಟಿ ರು ನಷ್ಟಿದೆ.

19 ತ್ರೈಮಾಸಿಕದಲ್ಲಿ ಕಾಣದಿದ್ದ ಮೌಲ್ಯವರ್ಧನೆ

ಕಳೆದ 19 ತ್ರೈಮಾಸಿಕದಲ್ಲಿ ಕಾಣದಿದ್ದ ಮೌಲ್ಯವರ್ಧನೆ ಈ ತ್ರೈಮಾಸಿಕದಲ್ಲಿ ಕಂಡು ಬಂದಿದೆ. ತ್ರೈಮಾಸಿಕದಿಂದ ತ್ರೈಮಾಸಿಕಕ್ಕೆ ಶೆ 5.4ರಷ್ಟು ಏರಿಕೆಯಾಗಿದೆ.

ಕ್ಲೈಂಟುಗಳ ಸಂಖ್ಯೆ ಭರ್ಜರಿಯಾಗಿ ಏರಿಕೆ

ಸುಮಾರು 300 ಮಿಲಿಯನ್ ಡಾಲರ್ ಮೌಲ್ಯದ ದೊಡ್ಡ ಕ್ಲೈಂಟು ಕಂಪನಿಗಳು, 200 ಮಿಲಿಯನ್ ಡಾಲರ್ ಕೆಟಗೆರಿಯಲ್ಲಿ ಇಬ್ಬರು ಗ್ರಾಹಕರು ಸೇರಿದಂತೆ ಒಟ್ಟಾರೆ ಜೂನ್ ತ್ರೈಮಾಸಿಕದಲ್ಲಿ ಒಟ್ಟು 6 ಒಪ್ಪಂದಕ್ಕೆ ಸಹಿ ಹಾಕಲಾಗಿದೆ. ಟಿವಿಸಿ ಜೊತೆ 688 ಮಿಲಿಯನ್ ಡಾಲರ್ ಮಹತ್ವದ್ದಾಗಿದೆ. 79 ಹೊಸ ಕ್ಲೈಂಟುಗಳನ್ನು ಪಡೆಯಲಾಗಿದೆ. ಎಲ್ಲಾ ಸೇರಿ 987ಕ್ಕೂ ಅಧಿಕ ಕ್ಲೈಂಟ್ ಗಳನ್ನು ಹೊಂದಿದೆ.

ಆಟ್ರಿಷನ್ ರೇಟ್ ಭಾರಿ ಪ್ರಮಾಣದಲ್ಲಿ ಇಳಿಕೆ

ಆಟ್ರಿಷನ್ ರೇಟ್ ಭಾರಿ ಪ್ರಮಾಣದಲ್ಲಿ ಇಳಿಕೆ ಕಂಡಿದ್ದು, ಸಂಸ್ಥೆಯ ಆಟ್ರಿಷನ್ ದರ ಕಳೆದ ವರ್ಷಕ್ಕೆ ಹೋಲಿಸಿದರೆ ತಗ್ಗಿದ್ದು 24.4 % ನಿಂದ 14.2%ಗೆ ಇಳಿದಿದೆ. ವಿಶಾಲ್ ಸಿಕ್ಕಾ ಅವರು ಅಧಿಕಾರ ವಹಿಸಿಕೊಂಡ ಮೇಲೆ ಉದ್ಯೋಗಿಗಳು ಸಕತ್ ಖುಷಿಯಾಗಿರುವುದು ಇದರಿಂದ ಕಂಡು ಬಂದಿದೆ.

2015-16ಕ್ಕೆ ಉತ್ತಮ ಆದಾಯ ಮಾರ್ಗದರ್ಶಿ

2015-16ಕ್ಕೆ ಉತ್ತಮ ಆದಾಯ ಮಾರ್ಗದರ್ಶಿ ಸೂಚನೆ ನೀಡಿದ್ದಾರೆ. ಆದಾಯ ಮಾರ್ಗದರ್ಶಿ ಶೇ 10 ರಿಂದ 12ರಷ್ಟಿದ್ದು, ಇನ್ಫೋಸಿಸ್ ಆದಾಯ ಮಾರ್ಗದರ್ಶಿಗೆ ರ್ವಿಶ್ಲೇಷಕರಿಂದ ಮೆಚ್ಚುಗೆ ಸಿಕ್ಕಿದೆ. ಈ ಎಲ್ಲಾ ಕಾರಣಗಳಿಂದ ಷೇರುಗಳು ಏರುತ್ತಿವೆ. ಇನ್ನೂ ಕೆಲ ಕಾಲ ಇನ್ಫೋಸಿಸ್ ಷೇರು ಮೇಲ್ಮುಖದಲ್ಲೇ ಸಂಚರಿಸಲಿದೆ.