1. ಸಣ್ಣ ನೋಟುಗಳ ನಿಷೇಧ

ವದಂತಿ: ಪ್ರಧಾನಿ ದೇಶವನ್ನು ಉದ್ದೇಶಿಸಿ ರೂ. 50, 100 ಮುಖಬೆಲೆಯ ನೋಟುಗಳ ರದ್ದತಿ ಪ್ರಕಟಿಸಲಿದ್ದಾರೆ.
ಸತ್ಯಾಂಶ: ಆಧಾರರಹಿತವಾದ್ದು, ಪ್ರಸ್ತುತ ರೂ. 50೦, 100೦ ನೋಟುಗಳ ನಿಷೇಧದ ಹೊರತಾಗಿ ಬೇರೆ ಯಾವುದೇ ಮುಖಬೆಲೆಯ ನೋಟುಗಳನ್ನು ನಿಷೇಧಿಸುವ ಉದ್ದೇಶ ಇಲ್ಲ.

2. ಮಾಹಿತಿ ಸೋರಿಕೆ

ವದಂತಿ: ನೋಟುಗಳ ನಿಷೇಧದ ಮುಂಚೆಯೇ ಕೆಲ ಕಾರ್ಪೊರೇಟ್ ಸಂಸ್ಥೆ ಮತ್ತು ಪಕ್ಷದ ಸದಸ್ಯರಿಗೆ ಈ ವಿಷಯ ತಿಳಿದಿತ್ತು.
ಸತ್ಯಾಂಶ: ಸಂಪೂರ್ಣ ರಹಸ್ಯ ಕಾಪಾಡಿಕೊಳ್ಳಲಾಗಿತ್ತು. ಸೋರಿಕೆ ಹಿಂದೆ ಸರ್ಕಾರದ ಯಾವುದೇ ಸದುದ್ದೇಶ ಇರಲಿಲ್ಲ.

3. ಲಾಭಕ್ಕಿಂತ ವೆಚ್ಚ ಹೆಚ್ಚು

ವದಂತಿ: ಜನರಿಗಾಗುವ ಪ್ರಯೋಜನಕ್ಕಿಂತ ಅನುಷ್ಠಾನ ವೆಚ್ಚವೇ ಹೆಚ್ಚು.
ಸತ್ಯಾಂಶ: ಕಪ್ಪುಹಣ, ಖೋಟಾ ನೋಟು, ಭ್ರಷ್ಟಾಚಾರದಿಂದ ದೇಶದ ಆರ್ಥಿಕತೆ ಹದಗೆಡುತ್ತಿದೆ. ಶ್ರೀಮಂತರಿಗಿಂತ ಮಧ್ಯಮ ವರ್ಗ ಮತ್ತು ಬಡವರಿಗೆ ಈ ಯೋಜನೆಯ ಅನುಷ್ಠಾನದಿಂದ ಪ್ರಯೋಜನ ಹೆಚ್ಚು.

4. ಬ್ಲಾಕ್ ಮನಿ

ವದಂತಿ: ನೋಟುಗಳ ನಿಷೇಧ ಕೇವಲ ಪ್ರದರ್ಶನಕ್ಕಾಗಿ ಹೋರತು ಜನ ಕಪ್ಪುಹಣ ಇರಿಸಿಕೊಳ್ಳಲು ಬೇರೆ ಮಾರ್ಗಗಳನ್ನು ಅನುಸರಿಸುತ್ತಾರೆ. ಈಗಾಗಲೇ ಕೈಗಾರಿಕೆಗಳು ಮತ್ತು ಕಂಪನಿಗಳು ಕಪ್ಪುಹಣ ಭದ್ರತೆಗಾಗಿ ಬೇರೆ ಮಾರ್ಗಗಳಿಗಾಗಿ ಯೋಜನೆ ರೂಪಿಸುತ್ತಿವೆ.
ಸತ್ಯಾಂಶ: ಸಂಬಂಧಪಟ್ಟ ಏಜೆನ್ಸಿ, ಇಲಾಖೆಗಳು ಅವರ ಮೇಲೆ ಕಣ್ಣಿಡುತ್ತವೆ. ಬೇನಾಮಿ ವ್ಯವಹಾರ ಕಾಯಿದೆ ತಿದ್ದುಪಡಿಯಾಗಿದ್ದು, ಕಪ್ಪುಹಣ ಪರಿಕ್ಷೀಸಲು ವಿದೇಶಿ ಸರ್ಕಾರಗಳೊಂದಿಗೆ ಒಪ್ಪಂದ ಆಗಿದೆ.

5. ಚಿಪ್ ಇಲ್ಲ

ವದಂತಿ: ಹೊಸ ನೋಟುಗಳಲ್ಲಿ ಚಿಪ್ ಇದ್ದು, ಪ್ರತಿಯೊಬ್ಬರ ಬಳಿ ಇರುವ ಆಸ್ತಿ, ಕಪ್ಪುಹಣವನ್ನು ಪತ್ತೆಹಚ್ಚಲಾಗುವುದು.
ಸತ್ಯಾಂಶ: ಹೊಸ ನೋಟುಗಳನ್ನು ಯಾವುದೇ ತರಹದ ಚಿಪ್ ತಂತ್ರಾಂಶ ಅಳವಡಿಸಲಾಗಿಲ್ಲ.

6. ಕಳಪೆ ಗುಣಮಟ್ಟ

ವದಂತಿ: ರೂ. 2000 ಮುಖಬೆಲೆಯ ನೋಟುಗಳು ಕಳಪೆ ಮಟ್ಟದಾಗಿದ್ದು, ಬಣ್ಣ ಕಳೆದುಕೊಳ್ಳುತ್ತದೆ.
ಸತ್ಯಾಂಶ: ಕರೆನ್ಸಿ ನೋಟು ಉತ್ಕೃಷ್ಟ ಮಟ್ಟದ ಮುದ್ರಣ ಮತ್ತು ಭದ್ರತಾ ವೈಶಿಷ್ಟ್ಯತೆ ಹೊಂದಿದೆ.

7. ಬ್ಯಾಂಕ್ ಲಾಕರ್ಸ್, ಚಿನ್ನಾಭರಣ ವಶ

ವದಂತಿ: ಮುಂದಿನ ಹಂತದಲ್ಲಿ ಬ್ಯಾಂಕ್ ಲಾಕರ್ಸ್ ಸೀಲ್, ಚಿನ್ನಾಭರಣ, ವಜ್ರ ಮಳಿಗೆಗಳನ್ನು ವಶಪಡಿಸಿ ಮುದ್ರೆ ಒತ್ತಲಾಗುವುದು.
ಸತ್ಯಾಂಶ: ಬ್ಯಾಂಕ್ ಲಾಕರ್ಸ್ ಸೀಲ್ ಮಾಡುವ ಅಥವಾ ಚಿನ್ನಾಭರಣಗಳನ್ನು ವಶಪಡಿಸುವ ಯಾವುದೇ ಕ್ರಮ ಇಲ್ಲ.