ಬಡ್ಡಿದರ ಏರಿಕೆ

ಡಿಸೆಂಬರ್ 31, 2018ರ ಅಧಿಸೂಚನೆಯಲ್ಲಿ ಪ್ರಕಟಿಸಿದಂತೆ, ಹಣಕಾಸು ಸಚಿವಾಲಯವು 1 ವರ್ಷದ ಅವಧಿಯ ಅಂಚೆ ಕಚೇರಿಯ ಠೇವಣಿ ಮೇಲಿನ ಬಡ್ಡಿದರವು ಜನವರಿ-ಮಾರ್ಚ್ ತ್ರೈಮಾಸಿಕದಲ್ಲಿ ಶೇ .7 ರಷ್ಟು ಹೆಚ್ಚಳವಾಗಿದೆ. ಹಿಂದಿನ ತ್ರೈಮಾಸಿಕದಲ್ಲಿ ಬಡ್ಡಿದರ ಶೇ. 6.9ರಷ್ಟಿತ್ತು.

ಬಡ್ಡಿದರ ಇಳಿಕೆ

ಅಂಚೆ ಕಚೇರಿಯ ಮೂರು ವರ್ಷಗಳ ಅವಧಿಯ ಮೇಲಿನ ಬಡ್ಡಿದರವನ್ನು ಶೇ. 7.2ರಿಂದ ಶೇ. 7ಕ್ಕೆ ಇಳಿಸಲಾಗಿದೆ. 2 ವರ್ಷ ಮತ್ತು 5 ವರ್ಷದ ಅಂಚೆ ಕಚೇರಿ ಠೇವಣಿಗಳ ಮೇಲಿನ ಬಡ್ಡಿದರಗಳು ಅನುಕ್ರಮವಾಗಿ 7% ಮತ್ತು 7.8% ರಷ್ಟು ಯಥಾಸ್ಥಿತಿಯಲ್ಲಿ ಉಳಿಸಲಾಗಿದೆ. ಅದೇ ರೀತಿ, 5 ವರ್ಷದ ಅಂಚೆ ಕಚೇರಿ ಮರುಕಳಿಸುವ ಠೇವಣಿಯ ಮೇಲಿನ ಬಡ್ಡಿ ದರವನ್ನು ಶೇ.7.3ರಷ್ಟು ಸ್ಥಿರವಾಗಿ ಇರಿಸಲಾಗಿದೆ.

ಪ್ರಮುಖ ಯೋಜನೆಗಳ ಬಡ್ಡಿದರ

ಪಬ್ಲಿಕ್ ಪ್ರಾವಿಡೆಂಟ್ ಫಂಡ್, ಸುಕನ್ಯಾ ಸಮೃದ್ಧಿ ಯೋಜನೆ, ಹಿರಿಯ ನಾಗರಿಕರ ಯೋಜನೆಗಳ ಮೇಲಿನ ಬಡ್ಡಿದರವನ್ನು ಯಥಾಸ್ಥಿತಿಯಲ್ಲಿ ಉಳಿಸಲಾಗಿದೆ.
ಪಿಪಿಎಫ್ ಬಡ್ಡಿದರ ಶೇ. 8, ಸುಕನ್ಯಾ ಸಮೃದ್ಧಿ ಖಾತೆ ಬಡ್ಡಿದರ ಶೇ 8.5. ಹಿರಿಯ ನಾಗರಿಕರ ಉಳಿತಾಯ ಖಾತೆ ಬಡ್ಡಿದರ ಶೇ. 8.7 ಉಳಿಸಲಾಗಿದೆ.

ಬಡ್ಡಿದರ ಪರಿಷ್ಕರಣೆ

ಸಣ್ಣ ಉಳಿತಾಯದ ಮೇಲಿನ ಬಡ್ಡಿ ದರಗಳನ್ನು ಪ್ರತಿ ತ್ರೈಮಾಸಿಕಕ್ಕೆ ಒಮ್ಮೆ ಪರಿಷ್ಕರಿಸಲಾಗುತ್ತಿದೆ. ಈ ಬಾರಿ ಎಲ್ಲಾ ಪ್ರಮುಖ ಯೋಜನೆಗಳ ಬಡ್ಡಿದರವನ್ನು ಯಥಾಸ್ಥಿತಿ ಉಳಿಸಲಾಗಿದೆ. ಅಂಚೆ ಕಚೇರಿ ಗ್ರಾಹಕರಿಗೆ ಸಿಹಿ ನೀಡಿದರೆ, ಉಳಿದವರಿಗೆ ಕಹಿ ನೀಡಿದೆ.