ಜನವರಿ 31 ಕೊನೆ ದಿನ

ಕೇಬಲ್ ಹಾಗೂ ಡಿಟಿಎಚ್ ಗ್ರಾಹಕರು ತಮ್ಮ ಆಯ್ಕೆ ಚಾನೆಲ್ ಗಳಿಗೆ ಮಾತ್ರ ಪಾವತಿ ಮಾಡುವ ನೂತನ ದರ ನೀತಿಯನ್ನು ಅನುಷ್ಠಾನಗೊಳಿಸಲು ಕಾಲಾವಕಾಶ ಕೋರಿದ ಹಿನ್ನಲೆಯಲ್ಲಿ ಅವಧಿಯನ್ನು 2019 ರ ಜನವರಿ 31ರ ವರೆಗೆ ವಿಸ್ತರಿಸಲಾಗಿತ್ತು. ಆದರೆ ಈ ಹಿಂದೆ 2018 ರ ಡಿಸೆಂಬರ್ 31 ಅಂತಿಮ ದಿನವೆಂದು ಟ್ರಾಯ್ ತಿಳಿಸಿತ್ತು.

ಹೊಸ ನೀತಿ ಅವಧಿ ವಿಸ್ತರಣೆ

ಟ್ರಾಯ್ ಜಾರಿ ತಂದಿರುವ ನೂತನ ದರ ನೀತಿಗೆ ಗ್ರಾಹಕರು ನಿರೀಕ್ಷಿತ ಮಟ್ಟದಲ್ಲಿ ಬದಲಾಗಿಲ್ಲ. ಈ ಹಿನ್ನಲೆಯಲ್ಲಿ ಅವಧಿಯನ್ನು 2019 ರ ಮಾರ್ಚ್ 31ರವರೆಗೆ ವಿಸ್ತರಣೆ ಮಾಡಲಾಗಿದೆ. ನೂತನ ದರ ನೀತಿ ಅಡಿಯಲ್ಲಿ ಚಾನೆಲ್ ಗಳನ್ನು ಆಯ್ಕೆ ಮಾಡಲು ಹೊಸ ನಿಯಮಾವಳಿಗಳನ್ನು ಟ್ರಾಯ್ ಜಾರಿಗೆ ತಂದಿದೆ.

ಹೊಸ ನೀತಿಗೆ ಬದಲಾದ ಗ್ರಾಹಕರೆಷ್ಟು?

ದೇಶದಲ್ಲಿ ಒಟ್ಟು 100 ಮಿಲಿಯನ್ ಕೇಬಲ್ ಹಾಗೂ 67 ಮಿಲಿಯನ್ ಡಿಟಿಎಚ್ ಗ್ರಾಹಕರಿದ್ದಾರೆ. ಟ್ರಾಯ್ ನ ನೂತನ ದರ ನೀತಿ ಜಾರಿಗೆ ಬಂದ ಬಳಿಕ ಶೇ. 65 ಕೇಬಲ್ ಹಾಗೂ ಶೇ. 35 ಡಿಟಿಎಚ್ ಗ್ರಾಹಕರು ಮಾತ್ರ ಹೊಸ ವ್ಯವಸ್ಥೆಗೆ ಬದಲಾಗಿದ್ದಾರೆ ಎನ್ನಲಾಗಿದೆ. ಚಾನೆಲ್ ಆಯ್ಕೆ ಪ್ರಕ್ರಿಯೆಯಲ್ಲಿ ಇರುವ ಗೊಂದಲದಿಂದಾಗಿ ಹೆಚ್ಚಿನ ಗ್ರಾಹಕರು ನೂತನ ನೀತಿಗೆ ಬದಲಾಗಿಲ್ಲ ಎಂದು ಹೇಳಲಾಗಿದ್ದು, ಅವಧಿಯನ್ನು ಮತ್ತೊಮ್ಮೆ ವಿಸ್ತರಿಸಲಾಗಿದೆ.