ಒಟಿಟಿ ಮೂಲಕ ವೀಕ್ಷಣೆಗೆ ಅವಕಾಶ

ಟಿ.ವಿಗಳಲ್ಲಿ ಬರುವ ಕಾರ್ಯಕ್ರಮಕ್ಕೆ ಕೆಲಸಗಳನ್ನು ಬಿಟ್ಟು ಕಾಯುತ್ತಾ ಕೂರಬೇಕಾಗಿಲ್ಲ. ಸಮಯ ಹೊಂದಾಣಿಕೆಯಾಗದೇ ನೆಚ್ಚಿನ ಕಾರ್ಯಕ್ರಮ ಮಿಸ್‌ ಆಯಿತು ಎನ್ನಬೇಕಿಲ್ಲ. ಎಲ್ಲವನ್ನೂ ಹೊಂದಿಕೆಯಾಗುವ ಸಮಯದಲ್ಲಿ ಒಟಿಟಿ ಮೂಲಕ ವೀಕ್ಷಿಸಲು ಅವಕಾಶವಿದೆ. ಅಲ್ಲದೇ ಹೊಸ ಹೊಸ ಸಿನಿಮಾಗಳನ್ನು ನೆಟ್‌ಫ್ಲೆಕ್ಸ್‌ನಂಥ ಆಪ್ ಮೂಲಕ ಲಭ್ಯವಿರುತ್ತವೆ.

ಕೇಬಲ್‌, ಟಿಟಿಎಚ್ ಭವಿಷ್ಯ ಅಡಕತ್ತರಿಯಲ್ಲಿ!

ನಮ್ಮ ದೇಶದಲ್ಲಿ ಒಟಿಟಿ ಕಂಪನಿಗಳು ಇತ್ತೀಚೆಗೆ ಜನಪ್ರಿಯತೆ ಪಡೆಯುತ್ತಿರುವುದರಿಂದ ಅವುಗಳ ಬಳಕೆ ತ್ವರಿತಗತಿಯಲ್ಲಿ ವಿಸ್ತಾರವಾಗುತ್ತಿದೆ. ಆದರೆ ಜನರು ಟಿವಿ ಸೇವೆಗಳನ್ನು ನಿರಾಕರಿಸುವ ಮಟ್ಟಕ್ಕೆ ಇನ್ನೂ ಬಂದಿಲ್ಲ. ಆದರೆ ಮುಂದಿನ ದಿನಗಳಲ್ಲಿ ಕೇಬಲ್‌ ಮತ್ತು ಟಿಟಿಎಚ್‌ ಸೇವೆಗಳು ಅಪ್ರಸ್ತುತವಾಗುವ ಸಾಧ್ಯತೆಯನ್ನು ತಜ್ಞರು ಅಲ್ಲಗಳೆಯುವುದಿಲ್ಲ.

ಕೇಬಲ್‌/ಡಿಟಿಎಚ್ ಮತ್ತು ಒಟಿಟಿ ವ್ಯತ್ಯಾಸ

ಕೇಬಲ್‌, ಡಿಟಿಎಚ್ ಗಳಿಗಾಗಿ ತಿಂಗಳಿಗೆ ಹಣ ತೆರಬೇಕು. ಆದರೆ ಇದೇ ಕಾರ್ಯಕ್ರಮಗಳನ್ನು ಒಟಿಟಿ ವೇದಿಕೆಯಡಿ ಉಚಿತವಾಗಿ ವೀಕ್ಷಿಸಬಹುದಾಗಿದೆ. ಒಟಿಟಿ ಪ್ಲಾರ್ಟ್‌ಫಾರ್ಮ್‌ಗಳಿಗೆ ಟ್ರಾಯ್‌ ಸೇರಿದಂತೆ ಯಾವುದೇ ಸಂಸ್ಥೆಯ ನಯಮಗಳು ಅನ್ವಯವಾಗುವುದಿಲ್ಲ.
ಕೇಬಲ್‌ ಮತ್ತು ಡಿಟಿಎಚ್ ಸೇವಾ ಸಂಸ್ಥೆಗಳು ಮತ್ತು ವಿತರಕರು ಪರವಾನಿಗಿ ಶುಲ್ಕ ಭರಿಸಬೇಕು. ಜೊತೆಗೆ ಅನೇಕ ನಾನಾ ನಿಯಮಗಳನ್ನು ಪಾಲಿಸಬೇಕು.

ಟ್ರಾಯ್‌ನ ಹೊಸ ಶುಲ್ಕ ನೀತಿ

ಇತ್ತೀಚೆಗೆ ಬಂದಿರುವ ಟ್ರಾಯ್‌ನ ಹೊಸ ಶುಲ್ಕ ನೀತಿಯು ಕೇಬಲ್‌ ಮತ್ತು ಡಿಟಿಎಚ್‌ ಉದ್ಯಮಕ್ಕೆ ತಲೆನೋವು ತಂದಿದೆ. ಹೊಸ ಕೇಬಲ್ ನೀತಿ ಫೆಬ್ರವರಿ 1 ರಿಂದ ಜಾರಿಯಾಗಲಿದೆ ಎಂದು ಟ್ರಾಯ್ ತಿಳಿಸಿತ್ತು., ಕೇಬಲ್ ಟಿವಿ ಮತ್ತು ಡಿಟಿಹೆಚ್ ದರದ ಮಾಹಿತಿಗಳನ್ನು ಭಾರತೀಯ ದೂರಸಂಪರ್ಕ ನಿಯಂತ್ರಣ ಪ್ರಾಧಿಕಾರ (ಟ್ರಾಯ್) ವೆಬ್ಸೈಟ್ ನಲ್ಲಿ ಪ್ರಕಟಿಸಲಾಗಿದೆ. ಫೆ.1 ರಿಂದ ಹೊಸ ನಿಯಮ ಜಾರಿ: ಕೇಬಲ್ ಟಿವಿ, ಡಿಟಿಹೆಚ್ ಚಾನೆಲ್ ಹೊಸ ದರದ ಮಾಹಿತಿ ಇಲ್ಲಿದೆ..