ಭಾರತ್ ಬಾಂಡ್ ಇಟಿಎಫ್ ಗೆ 1.7 ಪಟ್ಟು ಹೆಚ್ಚು ಬೇಡಿಕೆ

ಭಾರತ್ ಬಾಂಡ್ ಇಟಿಎಫ್ ಗೆ ಅರ್ಜಿ ಹಾಕಲು ಶುಕ್ರವಾರ ಕೊನೆ ದಿನವಾಗಿತ್ತು. 1.7 ಪಟ್ಟು ಹೆಚ್ಚು ಬೇಡಿಕೆ ಬಂದಿದೆ. 7,000 ಕೋಟಿ ಹಣ ಸಂಗ್ರಹಕ್ಕೆ ಬಾಂಡ್ ಬಿಡುಗಡೆ ಮಾಡಲಾಗಿದ್ದು, 12,000 ಕೋಟಿ ರುಪಾಯಿ ಸಂಗ್ರಹವಾಗಿದೆ.

"ಭಾರತದ ಮೊದಲ ಕಾರ್ಪೊರೇಟ್ ಬಾಂಡ್ ಇಟಿಎಫ್- ಭಾರತ್ ಬಾಂಡ್ ಇಟಿಎಫ್. ವಿವಿಧ ವರ್ಗದ ಹೂಡಿಕೆದಾರರಿಂದ ಭರ್ಜರಿ ಬೇಡಿಕೆ ಬಂದಿದೆ" ಎಂದು DIPAM ಕಾರ್ಯದರ್ಶಿ ತುಹಿನ್ ಕಾಂತ ಪಾಂಡೆ ಟ್ವೀಟ್ ನಲ್ಲಿ ಹೇಳಿದ್ದಾರೆ.

ಇಟಿಎಫ್ ಗೆ 1.7 ಪಟ್ಟು ಹೆಚ್ಚು ಬೇಡಿಕೆ ಬಂದು, 12,000 ಕೋಟಿಗೂ ಹೆಚ್ಚು ಹಣ ಸಂಗ್ರಹವಾಗಿದೆ. ಈ ಮಾಹಿತಿ ಪೂರ್ಣ ಪ್ರಮಾಣದ್ದಲ್ಲ. ಬದಲಾವಣೆ ಆಗಲಿದೆ ಎಂದು ಅವರು ತಿಳಿಸಿದ್ದಾರೆ.

Goodreturns Explainer: ಭಾರತ್ ಬಾಂಡ್ ಇಟಿಎಫ್ ಏನು, ಎತ್ತ? ಹೂಡಿಕೆಗೆ ಸೂಕ್ತವೆ?

ಎಕ್ಸ್ ಚೇಂಜ್ ಟ್ರೇಡೆಡ್ ಫಂಡ್ (ಇಟಿಎಫ್) ಸಾರ್ವಜನಿಕ ಸ್ವಾಮ್ಯದ ಕಂಪೆನಿಗಳ AAA ರೇಟಿಂಗ್ ನ ಬಾಂಡ್ ಗಳ ಮೇಲೆ ಹೂಡಿಕೆ ಮಾಡುತ್ತದೆ. ಮೆಚ್ಯೂರಿಟಿ ಮೌಲ್ಯಗಳ ಲೆಕ್ಕಾಚಾರವನ್ನೂ ನೀಡಲಾಗಿದೆ.

ಮೂರು ವರ್ಷಗಳ ಮೆಚ್ಯೂರಿಟಿಯ ನಿಫ್ಟಿ ಭಾರತ್ ಬಾಂಡ್ ಸೂಚ್ಯಂಕ- ಏಪ್ರಿಲ್ 2023 ಮತ್ತು 10 ವರ್ಷದ ಮೆಚ್ಯೂರಿಟಿಯ ನಿಫ್ಟಿ ಭಾರತ್ ಬಾಂಡ್ ಸೂಚ್ಯಂಕ- ಏಪ್ರಿಲ್ 2030 ಹೀಗೆ ಎರಡು ಬಗೆಯ ಬಾಂಡ್ ಗಳಿವೆ.

ಡಿಸೆಂಬರ್ 5, 2019ರಂದು ನಿಫ್ಟಿ ಭಾರತ್ ಬಾಂಡ್ ಸೂಚ್ಯಂಕ- ಏಪ್ರಿಲ್ 2023ಕ್ಕೆ 6.69 ಪರ್ಸೆಂಟ್ ಮತ್ತು ನಿಫ್ಟಿ ಭಾರತ್ ಬಾಂಡ್ ಸೂಚ್ಯಂಕ- ಏಪ್ರಿಲ್ 2030ಕ್ಕೆ 7.58 ಪರ್ಸೆಂಟ್ ಇದೆ. ಇನ್ನು ಸರ್ಕಾರದಿಂದ 1.05 ಲಕ್ಷ ಕೋಟಿಯ ಬಂಡವಾಳ ಹಿಂತೆಗೆತದ ಗುರಿ ಕೂಡ ಇದೆ.