Just In
Don't Miss
-
ಸುಶಾಂತ್ ಸಿಂಗ್ ರಜಪೂತ್ ಸತ್ತಾಗ ಯಾರು ದು:ಖಿಸಲಿಲ್ಲ ; ಜನರಿಗೆ ಬೇಕಿದ್ದಿದ್ದು 'ಮಸಾಲೆಯುಕ್ತ ಗಾಸಿಪ್' ಅಷ್ಟೇ..! -
ಬೋರಿಂಗ್ ಫೋನ್ಗಾಗಿ ಕೈಜೋಡಿಸಿದ HMD, ಹೈನೆಕೆನ್ ಮತ್ತು ಬೊಡೆಗಾ! ಯಾತಕ್ಕಾಗಿ ಈ ಫೋನ್? -
ಆಕಾಶದಲ್ಲಿ ಮತ್ತೆ ಕಾಣಿಸಿಕೊಂಡ ವಿಚಿತ್ರ ವಸ್ತು.! ಸ್ಪಷ್ಟನೆ ಬೇಕೆಂದ ನಿವಾಸಿಗಳು..! -
Lok Sabha Election 2024: ಬೆಂಗಳೂರಿನಲ್ಲಿ ಈ ದಿನಗಳಂದು ಮದ್ಯ ಮಾರಾಟ ಸಂಪೂರ್ಣ ನಿಷೇಧ-ಯಾವ್ಯಾವಾಗ ಹಾಗೂ ಕಾರಣವೇನು? -
Tata: ಮಧ್ಯಮ ವರ್ಗದವರಿಗೆ ಸಿಹಿಸುದ್ದಿ.. ಮುಂಬರಲಿರುವ ಟಾಟಾ ಕಾರುಗಳಿವು, ಒಂದಕ್ಕಿಂತ ಒಂದು ಭರ್ಜರಿಯಾಗಿವೆ! -
ಟಿ20 ವಿಶ್ವಕಪ್ ಬಗ್ಗೆ ಸ್ಪಷ್ಟನೆ ಕೇಳಿದ ವಿರಾಟ್ ಕೊಹ್ಲಿ; ಕಹಾನಿ ಮೇ ಟ್ವಿಸ್ಟ್ ನೀಡಿದ ಬಿಸಿಸಿಐ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
$ 40 ಸಾವಿರ ಗಡಿ ದಾಟಿದ ಬಿಟ್ ಕಾಯಿನ್; ಭಾರತದಲ್ಲಿನ ಮೌಲ್ಯ ರು. 30 ಲಕ್ಷ
ವಿಶ್ವದ ಅತಿ ದೊಡ್ಡ ಮತ್ತು ಖ್ಯಾತ ಕ್ರಿಪ್ಟೋಕರೆನ್ಸಿ ಬಿಟ್ ಕಾಯಿನ್ ಮೌಲ್ಯ ಒಂದು ತಿಂಗಳಿಗಿಂತ ಕಡಿಮೆ ಅವಧಿಯಲ್ಲಿ ಜಬರ್ದಸ್ತ್ ಗಳಿಕೆ ಕಂಡಿದೆ. ಡಿಸೆಂಬರ್ ನಲ್ಲಿ 20,000 USD ಇದ್ದದ್ದು, ಗುರುವಾರ (ಜನವರಿ 7, 2021) ರಾತ್ರಿ $ 40,000 ದಾಟಿದೆ. ಕೇವಲ ಐದೇ ದಿನಗಳಲ್ಲಿ 10,000 ಅಮೆರಿಕನ್ ಡಾಲರ್ ಜಾಸ್ತಿ ಆಗಿದೆ. ಅಂದರೆ ರುಪಾಯಿ ಲೆಕ್ಕದಲ್ಲಿ 7,30,000ಕ್ಕೂ ಹೆಚ್ಚು.
ದಿನದ ವಹಿವಾಟಿನಲ್ಲಿ ಬಿಟ್ ಕಾಯಿನ್ ದರ 10.4% ಏರಿಕೆ ಕಂಡು, $ 40,380 ತಲುಪಿದೆ. ಆದರೆ ಏರಿಳಿತ ಮುಂದುವರಿದಿದ್ದು, ಈ ವರದಿ ಸುದ್ದಿ ಆಗುವ ಹೊತ್ತಿಗೆ ಬಿಟ್ ಕಾಯಿನ್ $ 38,585.10ರಲ್ಲಿ ವಹಿವಾಟು ನಡೆಸುತ್ತಿತ್ತು. ಭಾರತದ ರುಪಾಯಿ ಲೆಕ್ಕದಲ್ಲಿ ಗುರುವಾರದಂದು 29.63 ಲಕ್ಷ ಇದ್ದದ್ದು ಶುಕ್ರವಾರ 28.31 ಲಕ್ಷ ರು. ತಲುಪಿದೆ.
ಮೌಲ್ಯದಲ್ಲಿ ವಿಪರೀತ ಏರಿಳಿತ ಕಾಣುವ ಮೂಲಕ ಈ ಕ್ರಿಪ್ಟೋಕರೆನ್ಸಿ ಕುಖ್ಯಾತಿ ಪಡೆದಿದೆ. ಇನ್ನು 2020ರಲ್ಲಿ ಹೂಡಿಕೆಗೆ ಅತ್ಯಂತ ಸುರಕ್ಷಿತ ಎಂಬ ಭಾವ ಮೂಡಿಸಿತು. ಆದರೆ ಈ ಹೂಡಿಕೆಯಲ್ಲಿನ ಅಪಾಯದ ಬಗ್ಗೆ ತಜ್ಞರು ಎಚ್ಚರಿಕೆಯನ್ನು ನೀಡಿದ್ದಾರೆ. ಇನ್ನೊಂದು ಸಂಗತಿ ಏನೆಂದರೆ, ನಿತ್ಯವೂ ಬಿಟ್ ಕಾಯಿನ್ ಖರೀದಿ ಸಾಧ್ಯವಿಲ್ಲ. ಆ ಕಾರಣಕ್ಕೆ ದೊಡ್ಡ ಮಟ್ಟದಲ್ಲಿ ಹೂಡಿಕೆಯಾಗಿಯೇ ನೋಡಲಾಗುತ್ತದೆ.
ಬ್ಯಾಂಕಿಂಗ್ ವ್ಯವಸ್ಥೆಯಲ್ಲಿ ನಂಬಿಕೆ ಇಲ್ಲದವರು, ಅಕ್ರಮ ಹಣ ವರ್ಗಾವಣೆ ಮಾಡುವ ಅಪರಾಧಿಗಳು ಈ ಬಿಟ್ ಕಾಯಿನ್ ಅನ್ನು ಹೆಚ್ಚು ಬಳಸುತ್ತಿದ್ದಾರೆ ಎನ್ನುತ್ತಾರೆ ವಿಶ್ಲೇಷಕರು. 2020ರ ಮಾರ್ಚ್ ತಿಂಗಳಲ್ಲಿ ಬಿಟ್ ಕಾಯಿನ್ 5000 ಯುಎಸ್ ಡಿ ಇತ್ತು. ಆಗಲೇ ಬೆಲೆ ಇಳಿಕೆ ಆಗುವ ಬಗ್ಗೆ ಎಚ್ಚರಿಸಲಾಗಿತ್ತು.
