ಕೊರೊನಾ ಎಫೆಕ್ಟ್‌: ಕಾಗ್ನಿಜೆಂಟ್‌ ಸಂಸ್ಥೆಯ ಉದ್ಯೋಗಿಗಳಿಗೆ ಏಪ್ರಿಲ್‌ ತಿಂಗಳಿನಲ್ಲಿ ಹೆಚ್ಚುವರಿ 25% ವೇತನ

ಕೊರೊನಾವೈರಸ್ ಪರಿಣಾಮ ವಿಶ್ವದ ಎಲ್ಲಾ ಉದ್ಯಮಗಳ ಮೇಲೂ ಪರಿಣಾಮ ಬೀರಿದ್ದು, ಭಾರತದಲ್ಲೂ ಬಹುತೇಕ ಕ್ಷೇತ್ರಗಳು ನಷ್ಟ ಅನುಭವಿಸಿವೆ. ಈ ಕಠಿಣ ಪರಿಸ್ಥಿತಿಯಲ್ಲಿ ಉದ್ಯೋಗಿಗಳಿಗೆ ನೆರವಾಗಲು ಐಟಿ ಸಂಸ್ಥೆ ಕಾಂಗ್ನಿಜೆಂಟ್ ಮುಂದಾಗಿದೆ.

ಭಾರತ ಮತ್ತು ಫಿಲಿಪೈನ್ಸ್‌ನಲ್ಲಿ ಸಹಾಯಕ ಮಟ್ಟದಲ್ಲಿ(ಅಸೋಸಿಯೇಟ್ ಲೆವೆಲ್) ಮತ್ತು ಅದಕ್ಕಿಂತ ಕೆಳಗಿರುವ ಉದ್ಯೋಗಿಗಳಿಗೆ ಏಪ್ರಿಲ್ ತಿಂಗಳಿನಲ್ಲಿ ಹೆಚ್ಚುವರಿ 25 ಪರ್ಸೆಂಟ್ ವೇತನ ನೀಡಲಾಗುವುದು ಎಂದು ತಿಳಿಸಿದೆ.

ಕಾಗ್ನಿಜೆಂಟ್‌ ಈ ಕ್ರಮದಿಂದಾಗಿ ಭಾರತದಲ್ಲಿ 1,30,000 ಉದ್ಯೋಗಿಗಳಿಗೆ ಪ್ರಯೋಜನವನ್ನು ಸಿಗುತ್ತದೆ ಎಂದು ನಿರೀಕ್ಷಿಸಲಾಗಿದೆ.

ಕಾಗ್ನಿಜೆಂಟ್ ಸಿಇಒ ಬ್ರಿಯಾನ್ ಹಂಫ್ರೈಸ್ ನೌಕರರಿಗೆ ನೀಡಿದ ಪ್ರಕಟಣೆಯಲ್ಲಿ, ಹೆಚ್ಚುವರಿ ಪಾವತಿಯನ್ನು ಏಪ್ರಿಲ್ ವೇತನಗಳೊಂದಿಗೆ ಪ್ರಕ್ರಿಯೆಗೊಳಿಸಲಾಗುವುದು ಮತ್ತು ಕಂಪನಿಯು ಈ ವಿಧಾನವನ್ನು ಮಾಸಿಕವಾಗಿ ಪರಿಶೀಲಿಸಲಿದೆ ಎಂದು ಹೇಳಿದ್ದಾರೆ.

ಕೊರೊನಾ ಸಾಂಕ್ರಾಮಿಕ ರೋಗವನ್ನು ದಶಕಗಳಲ್ಲಿ ವಿಶ್ವದ ಅತಿದೊಡ್ಡ ಆಘಾತಗಳಲ್ಲಿ ಒಂದೆಂದು ವಿವರಿಸಿದ ಹಂಫ್ರೈಸ್, ಎಲ್ಲಾ ಜಾಗತಿಕ ಕಂಪನಿಗಳಂತೆ ಈ ಸಾರ್ವಜನಿಕ ಆರೋಗ್ಯ ತುರ್ತುಸ್ಥಿತಿಯನ್ನು ತನ್ನ ವ್ಯವಹಾರದ ಬೇಡಿಕೆ ಮತ್ತು ಈಡೇರಿಕೆ ಎರಡೂ ಕಡೆಗಳಲ್ಲಿ ನಷ್ಟ ಎದುರಿಸುತ್ತಿದೆ.