ಕೊರೊನಾ ಎಫೆಕ್ಟ್: ಬುಕ್ಮೈಶೋನಿಂದ 270 ಉದ್ಯೋಗಿಗಳು ವಜಾ
ಕೊರೊನಾವೈರಸ್ ಲಾಕ್ಡೌನ್ನಿಂದಾಗಿ ಸಿನಿಮಾ ಮಂದಿರಗಳು, ಮಲ್ಟಿಫ್ಲೆಕ್ಸ್ ಗಳು ಮುಚ್ಚಿರುವ ಕಾರಣ ತೀವ್ರವಾಗಿ ಹಿನ್ನಡೆ ಆದ ಕಾರಣ ಆನ್ಲೈನ್ ಟಿಕೆಟ್ ಬುಕಿಂಗ್ ಪ್ಲಾಟ್ಫಾರ್ಮ್ ಬುಕ್ಮೈಶೋ 270 ಉದ್ಯೋಗಿಗಳನ್ನು ವಜಾಗೊಳಿಸಿದೆ. ಮುಂದಿನ ದಿನಗಳಲ್ಲಿ ಕೊರೊನಾದಿದ ಮತ್ತಷ್ಟು ಆದಾಯ ಕಡಿಮೆಯಾಗುವ ನಿರೀಕ್ಷೆಯೊಡನೆ ಸಂಸ್ಥೆ ಈ ತೀರ್ಮಾನ ತೆಗೆದುಕೊಂಡಿದೆ.
ಈಗಾಗಲೇ ಅನೇಕ ಸಂಸ್ಥೆಗಳು ಉದ್ಯೋಗಿಗಳನ್ನು ವಜಾಗೊಳಿಸಿದ್ದು, ಓಲಾ, ಉಬರ್,ಜೊಮಾಟೋ, ಸ್ವಿಗ್ಗಿ ಸೇರಿದಂತೆ ಹಲವಾರು ಟೆಕ್-ಆಧಾರಿತ ಸಂಸ್ಥೆಗಳ ಸಾಲಿಗೆ ಬುಕ್ಮೈಶೋ ಕೂಡ ಸೇರಿದೆ.
"ಮುಂದಿನ ತಿಂಗಳುಗಳಲ್ಲಿ ಆದಾಯ ಇನ್ನಷ್ಟು ತಗ್ಗಲಿದೆ ಎಂದು ನಾವು ನಂಬುವ ಕಾರಣ ಹೊಂದಾಣಿಕೆ ಮಾಡಲು ನಮ್ಮ ವೆಚ್ಚವನ್ನು ಕಡಿಮೆ ಮಾಡುವ ಕಾರ್ಯವನ್ನು ನಾವು ಮಾಡಲೇಬೇಕಿದೆ. ಭಾರತದ ಮತ್ತು ಜಾಗತಿಕವಾಗಿ ಬುಕ್ಮೈಶೋನಲ್ಲಿ 1,450 ಉದ್ಯೋಗಿಗಳ ಪೈಕಿ ವಿವಿಧ ಹಂತದಲ್ಲಿ ಕೆಲಸ ಮಾಡುವ ಸುಮಾರು 270 ಉದ್ಯೋಗಿಗಳನ್ನು ವಜಾಗೊಳಿಸುತ್ತಿದ್ದೇವೆ. " ಎಂದು ಬುಕ್ಮೈಶೋ ಮುಖ್ಯ ಕಾರ್ಯನಿರ್ವಾಹಕ ಆಶಿಶ್ ಹೆಮ್ರಾಜನಿ ತಮ್ಮ ಸಂಸ್ಥೆಯ ಉದ್ಯೋಗಿಗಳಿಗೆ ಈ ಮೇಲ್ ಮೂಲಕ ಹೇಳಿದ್ದಾರೆ.
ಉದ್ಯೋಗ ನಷ್ಟವಾದವರಿಗೆ ಸಂಸ್ಥೆ ಹಣಕಾಸಿನ ನೆರವು, ಮುಂದುವರಿದ ಆರೋಗ್ಯ ವಿಮೆ ಮತ್ತು ಹೊರಗುತ್ತಿಗೆ ಬೆಂಬಲವನ್ನು ನೀಡಲು ಉತ್ತಮ ಪ್ರಯತ್ನ ನಡೆಸುತ್ತದೆ. ನಾಯಕತ್ವ ಮಟ್ಟದಲ್ಲಿ 10 ರಿಂದ 50 ಪರ್ಸೆಂಟ್ರವರೆಗೆ ವೇತನ ಕಡಿತವನ್ನು ಸ್ವಯಂಪ್ರೇರಣೆಯಿಂದ ಕೈಗೆತ್ತಿಕೊಂಡ ತಂಡಗಳು ತಮ್ಮ ಬೋನಸ್ಗಳನ್ನು ತ್ಯಜಿಸಿದ್ದಾರೆ. ಕಂಪನಿಯು ಇತರ ಎಲ್ಲ ಖರ್ಚುಗಳನ್ನು ಕಡಿತಗೊಳಿಸಿದೆ ಮತ್ತು ಮಾರಾಟಗಾರರು, ಪಾಲುದಾರರು ಮತ್ತು ಭೂಮಾಲೀಕರೊಂದಿಗೆ ಮರು ಮಾತುಕತೆ ನಡೆಸಿದೆ ಮತ್ತು ಇತರ ಎಲ್ಲಾ ವೆಚ್ಚ-ಉಳಿತಾಯ ಕ್ರಮಗಳನ್ನು ತೆಗೆದುಕೊಂಡ ನಂತರ "ಕೊನೆಯ ಉಪಾಯ" ವಾಗಿ ಉದ್ಯೋಗಿಗಳ ವಜಾಗೆ ಮುಂದಾಗಿದೆ ಎಂದು ಅವರು ಹೇಳಿದ್ದಾರೆ.
ಭಾರತ ಹಾಗೂ ವಿವಿಧೆಡೆ ಬುಕ್ ಮೈ ಶೋ ಕಂಪೆನಿಯಲ್ಲಿ ಸುಮಾರು 1,450 ಮಂದಿ ನೌಕರರಿದ್ದು, ಅವರಲ್ಲಿ ಸುಮಾರು 270 ಮಂದಿಯಲ್ಲಿ ಕೆಲವರು ಸಂಪೂರ್ಣವಾಗಿ ಕೆಲಸ ಕಳೆದುಕೊಂಡಿದ್ದರೆ.