ಕೊರೊನಾಯಿಂದ ದೇಶದ ವಿಮಾನಯಾನ ಕ್ಷೇತ್ರ ಕನಿಷ್ಟ 5 ವರ್ಷ ಹಿಂದಕ್ಕೆ?
ಕೊರೊನಾವೈರಸ್ ಹರಡುವಿಕೆ ತಡೆಗಟ್ಟಲು ದೇಶವು 21 ದಿನಗಳ ಲಾಕ್ಡೌನ್ಗೆ ಒಳಪಟ್ಟಿದ್ದು, ಎಲ್ಲಾ ಉದ್ಯಮವು ಸಂಪೂರ್ಣ ಬಂದ್ ಆಗಿದೆ. ವಿಮಾನಗಳ ಹಾರಾಟವೂ ಕೂಡ ಬಂದ್ ಆಗಿದ್ದು ಸಾವಿರಾರು ಕೋಟಿ ರುಪಾಯಿ ನಷ್ಟ ಅನುಭವಿಸಿದೆ.
ಇತ್ತೀಚೆಗೆ ಬಿಡುಗಡೆಯಾದ ಕೋವಿಡ್-19 ಮತ್ತು ಸ್ಟೇಟ್ ಆಫ್ ದಿ ಇಂಡಿಯನ್ ಎವಿಯೇಷನ್ ಇಂಡಸ್ಟ್ರಿ ವರದಿಯ ಪ್ರಕಾರ ಸ್ಥಳೀಯ ವಿಮಾನ ಪ್ರಯಾಣವು 2019-20 ರ ಸುಮಾರು 14 ಕೋಟಿಯಷ್ಟಿದ್ದು, ಇದು 2020-21ರ ಹಣಕಾಸಿನ ವರ್ಷದಲ್ಲಿ 8-9 ಕೋಟಿಗೆ ತಲುಪಿದೆ ಎಂದು ಅಂದಾಜಿಸಿದೆ.
205-16ರಲ್ಲಿ ಸ್ಥಳೀಯ ವಿಮಾನ ಪ್ರಯಾಣವು 8-9 ಕೋಟಿಯಷ್ಟಿದ್ದು, ಈ ಹಣಕಾಸು ವರ್ಷದಲ್ಲಿ ಅದಕ್ಕೆ ಸಮನಾಗಿರಲಿದೆ. ಈ ಮೂಲಕ ಕೊರೊನಾವೈರಸ್ನಿಂದಾಗಿ ವಿಮಾನಯಾನ ಕ್ಷೇತ್ರದ ಮೇಲಿರುವ ಆಘಾತವನ್ನು ಅಂದಾಜಿಸಿ ಕನಿಷ್ಟ 5 ವರ್ಷ ಹಿಂದಕ್ಕೆ ತೆಗೆದುಕೊಂಡು ಹೋಗಲಿದೆ ಎನ್ನಲಾಗಿದೆ.
ಜೊತೆಗೆ ಭಾರತದ ವಾಯುಯಾನ ಕ್ಷೇತ್ರ ಕುಸಿತದ ಭೀತಿಯು ಮುಂದುವರಿದಿದೆ. ಸ ಕೊರೊನಾವೈರಸ್ ಲಾಕ್ಡೌನ್ ಮುಗಿದು ಸುಮಾರು 12 ತಿಂಗಳವರೆಗೆ ದೇಶದ ಸುಮಾರು 650 ವಿಮಾನಗಳು ಹಾರಾಟ ನಡೆಸದೇ ಇರಬಹುದು. ಅಂತರರಾಷ್ಟ್ರೀಯ ವಾಯು ದಟ್ಟಣೆಯು(ಟ್ರಾಫಿಕ್) 2020 ರ ಹಣಕಾಸು ವರ್ಷದಲ್ಲಿ ಸುಮಾರು 70 ದಶಲಕ್ಷದಿಂದ, 2021 ರಲ್ಲಿ 35 ರಿಂದ 40 ದಶಲಕ್ಷಕ್ಕೆ ಇಳಿಯುವ ನಿರೀಕ್ಷೆಯಿದೆ.