ಸಿಎಎ ಪ್ರತಿಭಟನೆ ಬಿಸಿ, ಸಲ್ಮಾನ್- ಸುದೀಪ್ ಸಿನ್ಮಾ ಓಪನಿಂಗ್ ಡಲ್

ಸಿನಿಮಾ ಪ್ರಿಯರು ಚಿತ್ರಮಂದಿರದತ್ತ ಸುಳಿದಿಲ್ಲ

ದೇಶದ ಹಲವೆಡೆ ಗಲಭೆ, ಪ್ರತಿಭಟನೆ, ಕರ್ಫ್ಯೂ ಇದ್ದಿದ್ದರಿಂದ ಸಿನಿಮಾ ಪ್ರಿಯರು ಚಿತ್ರಮಂದಿರದತ್ತ ಸುಳಿದಿಲ್ಲ. ಹೀಗಾಗಿ, ಚಿತ್ರದ ಮೊದಲ ಮೂರು ದಿನದ ಗಳಿಕೆ ಸ್ವಲ್ಪ ಡಲ್ ಎನಿಸಿದೆ.

ಸಲ್ಮಾನ್ ಅಭಿನಯದ "ಭಾರತ್'' ಚಿತ್ರಕ್ಕೆ ಹೋಲಿಸಿದರೆ ದಬಾಂಗ್ 3 ಗಳಿಕೆ ಡಲ್ ಆಗಿದೆ. ಭಾರತ್ ಚಿತ್ರ ಮೊದಲ ದಿನ 42.30 ಕೋಟಿ ರು ಗಳಿಸಿತ್ತು. ದಬಾಂಗ್ 3 ಚಿತ್ರ 24.5 ಕೋಟಿ ರು ಮಾತ್ರ ಗಳಿಸಿದೆ.

ಎಲ್ಲಾ ಭಾಷೆಗಳ ಆವೃತ್ತಿ ಸೇರಿಸಿ ಕೂಡಾ ದಬಾಂಗ್ 3 ಚಿತ್ರವು ಮೊದಲೆರಡು ದಿನಗಳಲ್ಲಿ 24.50 + 24.75 ಕೋಟಿ ರು ಒಟ್ಟಾರೆ 49.25 ಕೋಟಿ ರು ಮಾತ್ರ ಗಳಿಸಿದೆ.

ಚಿತ್ರದ ಗಳಿಕೆ ಮೊದಲೆರೆಡು ದಿನ ಕಡಿಮೆ

ಚಿತ್ರದ ಗಳಿಕೆ ಎಷ್ಟು ಪ್ರಮಾಣದಲ್ಲಿ ಮೊದಲೆರೆಡು ದಿನ ಕಡಿಮೆಯಾಗಿದೆ ಎಂಬ ಅಂಕಿ ಅಂಶ ಟ್ವೀಟ್ ಮಾಡಿರುವ ವಿಶ್ಲೇಷಕ ತರುಣ್ ಆದರ್ಶ್. ಸಲ್ಮಾನ್ ಖಾನ್ ಅವರ ಭಾರತ್ ಚಿತ್ರಕ್ಕೆ ಹೋಲಿಸಿದರೆ ಹಾಗೂ ದಬಾಂಗ್ ಚಿತ್ರದ ಮೊದಲ ಎರಡು ದಿನಗಳಲ್ಲಿ ಇಷ್ಟು ಗಳಿಸಬಹುದು ಎಂಬ ನಿರೀಕ್ಷೆಗೆ ಹೋಲಿಸಿದರೆ ಎರಡು ದಿನಗಳಲ್ಲಿ ಕನಿಷ್ಠ 7.5 ಕೋಟಿ ರು ಗಳಿಂದ 9 ಕೋಟಿ ರು ಕಡಿಮೆ ಗಳಿಕೆಯಾಗಿದೆ ಎಂದಿದ್ದಾರೆ.

ಕನ್ನಡದಲ್ಲಿ ದಬಾಂಗ್-3 ನೋಡಿದವರಿಗೆ ಒಂದು ವಿಷ್ಯದಲ್ಲಿ ಭಾರಿ ನಿರಾಸೆ!

 

2010ರಿಂದ 2019ರ ತನಕ ಮೊದಲ ದಿನದ ಗಳಿಕೆ

ಸಲ್ಮಾನ್ ಖಾನ್ ಚಿತ್ರಗಳು 2010ರಿಂದ 2019ರ ತನಕ ಮೊದಲ ದಿನದ ಗಳಿಕೆ(ಭಾರತದಲ್ಲಿ)
ಬಿಡುಗಡೆ ವರ್ಷ-ಚಿತ್ರ-ಗಳಿಕೆ ಮೊತ್ತ(ಕೋಟಿ ರುಗಳಲ್ಲಿ)
2010: ವೀರ್ -7 ಕೋಟಿ ರು
2010: ದಬಾಂಗ್- 14.50
2011: ರೆಡಿ-13.15
2011: ಬಾಡಿಗಾರ್ಡ್- 21.60
2012: ದಬಾಂಗ್ 2-21.10
2013: ಜೈಹೋ 17.75
2014: ಕಿಕ್-26.40

ಸಲ್ಮಾನ್ ಖಾನ್ ಚಿತ್ರಗಳು 2015ರಿಂದ 2019ರ ತನಕ ಮೊದಲ ದಿನದ ಗಳಿಕೆ(ಭಾರತದಲ್ಲಿ)

ಬಿಡುಗಡೆ ವರ್ಷ-ಚಿತ್ರ-ಗಳಿಕೆ ಮೊತ್ತ(ಕೋಟಿ ರುಗಳಲ್ಲಿ)
2015: ಬಜರಂಗಿ ಭಾಯ್ ಜಾನ್-27.25
2016: ಪ್ರೇಮ್ ರತನ್ ಧನ್ ಪಾಯೋ-40.35
2017: ಟ್ಯೂಬ್ ಲೈಟ್-21.15
2017: ಟೈಗರ್ ಜಿಂದಾ ಹೇ- 34.10
2018: ರೇಸ್ 3- 29.17
2019: ಭಾರತ್- 42.30
2019: ದಬಾಂಗ್ 3-24.50 ಕೋಟಿ ರು