7 ತಿಂಗಳ ಕನಿಷ್ಠಕ್ಕೆ ಕುಸಿದ ಡೀಸೆಲ್ ದರ, ಪೆಟ್ರೋಲ್ 5 ತಿಂಗಳಲ್ಲೇ ಕನಿಷ್ಠ

ಈಚೆಗೆ ಕಚ್ಚಾ ತೈಲದ ಬೆಲೆ ಬ್ಯಾರಲ್ ಗೆ $ 59 ಡಾಲರ್ ದಾಟಿದರೂ ಪೆಟ್ರೋಲ್ ಬೆಲೆ 5 ತಿಂಗಳ ಕನಿಷ್ಠ ಮಟ್ಟಕ್ಕೆ ಹಾಗೂ ಡೀಸೆಲ್ ದರ 7 ತಿಂಗಳ ಕನಿಷ್ಠ ಮಟ್ಟಕ್ಕೆ ಕುಸಿದಿದೆ. ಸತತ ಮೂರನೇ ದಿನ- ಶುಕ್ರವಾರ ಪೆಟ್ರೋಲ್, ಡೀಸೆಲ್ ದರದಲ್ಲಿ ಯಾವುದೇ ಬದಲಾವಣೆ ಆಗಿಲ್ಲ.

ಪೆಟ್ರೋಲ್ ದರ ಲೀಟರ್ ಗೆ ಯಾವ ನಗರದಲ್ಲಿ ಎಷ್ಟಿದೆ ಎಂಬ ಮಾಹಿತಿ ಹೀಗಿದೆ:
ನವದೆಹಲಿ ರು. 71.89

ಮುಂಬೈ ರು. 77.56

ಬೆಂಗಳೂರು ರು. 74.34

ಚೆನ್ನೈ ರು. 74.68

ಪ್ರಮುಖ ನಗರಗಳಲ್ಲಿನ ಡೀಸೆಲ್ ದರ (ಲೀಟರ್ ಗೆ)
ನವದೆಹಲಿ ರು. 64.65

ಮುಂಬೈ ರು. 64.65

ಬೆಂಗಳೂರು ರು. 66.84

ಚೆನ್ನೈ ರು. 68.27

ಪೆಟ್ರೋಲ್ ದರವು ಕಳೆದ ವರ್ಷದ ಸೆಪ್ಟೆಂಬರ್ ಮಧ್ಯ ಭಾಗದಲ್ಲಿ ಇದ್ದ ಮಟ್ಟಕ್ಕೆ ತಲುಪಿದೆ. ಇನ್ನು ಡೀಸೆಲ್ ದರವು 2019ರ ಜುಲೈನಲ್ಲಿ ಇದ್ದ ಮಟ್ಟವನ್ನು ಮುಟ್ಟಿದೆ. ಈ ತಿಂಗಳಲ್ಲಿ ಇಂಧನ ದರವು ಇಳಿಕೆ ಹಾದಿಯಲ್ಲೇ ಇದೆ. ಈ ತನಕ ಅಂದರೆ ಫೆಬ್ರವರಿಯಲ್ಲಿ ಪೆಟ್ರೋಲ್ ಬೆಲೆ ಲೀಟರ್ ಗೆ ರು. 1.21 ಹಾಗೂ ಡೀಸೆಲ್ ರು. 1.49 ಕಡಿಮೆ ಆಗಿದೆ.