ಅಪಾರ್ಟ್ ಮೆಂಟ್ ಖರೀದಿಸುವವರಿಗೆ ಕರ್ನಾಟಕ ಸರ್ಕಾರದಿಂದ ಗುಡ್ ನ್ಯೂಸ್
ಕೈಗೆಟುಕುವ ಬೆಲೆಯಲ್ಲಿನ ಮನೆಗಳ ಮಾರಾಟವನ್ನು ಉತ್ತೇಜಿಸುವ ಸಲುವಾಗಿ ಕರ್ನಾಟಕ ಸರ್ಕಾರವು ನೋಂದಣಿ- ಮುದ್ರಾಂಕ ಶುಲ್ಕವನ್ನು(ಸ್ಟ್ಯಾಂಪ್ ಡ್ಯೂಟಿ) ಇಳಿಕೆ ಮಾಡಲು ನಿರ್ಧರಿಸಿದೆ. ಇದು ಹೊಸ ಅಪಾರ್ಟ್ ಮೆಂಟ್ ಗಳು, ಅದರಲ್ಲೂ 35 ಲಕ್ಷ ರುಪಾಯಿಯೊಳಗೆ ಬೆಲೆ ಇರುವಂಥದ್ದಕ್ಕೆ ಅನ್ವಯಿಸುತ್ತದೆ. ಸಂಬಂಧಪಟ್ಟ ಇಲಾಖೆ ಜತೆ ಮುಖ್ಯಮಂತ್ರಿ ಸಭೆ ನಡೆಸುವ ವೇಳೆ ಈ ತೀರ್ಮಾನ ಕೈಗೊಳ್ಳಲಾಯಿತು.
ಮನೆ ಕಟ್ಟುವುದಕ್ಕೆ ಎಷ್ಟು ಖರ್ಚು ಮಾಡಬೇಕು? ಇಲ್ಲಿದೆ ಬಜೆಟ್ ಲೆಕ್ಕಾಚಾರ
ಇಪ್ಪತ್ತು ಲಕ್ಷ ರುಪಾಯಿಯೊಳಗಿನ ಅಪಾರ್ಟ್ ಮೆಂಟ್ ಗಳಿಗೆ, ಮೊದಲ ಬಾರಿಗೆ ನೋಂದಣಿ ಮಾಡಿಸುತ್ತಿದ್ದಲ್ಲಿ ನೋಂದಣಿ ಶುಲ್ಕವು ಸದ್ಯಕ್ಕೆ ಇರುವ 5 ಪರ್ಸೆಂಟ್ ನಿಂದ 2 ಪರ್ಸೆಂಟ್ ಗೆ ಇಳಿಸಲು ಮುಖ್ಯಮಂತ್ರಿಗಳು ಸೂಚನೆ ನೀಡಿದ್ದಾರೆ. ಇನ್ನು 21ರಿಂದ 35 ಲಕ್ಷ ರುಪಾಯಿಯೊಳಗಿನ ಅಪಾರ್ಟ್ ಮೆಂಟ್ ಗಳ ನೋಂದಣಿ ಶುಲ್ಕವನ್ನು 5 ಪರ್ಸೆಂಟ್ ನಿಂದ 3 ಪರ್ಸೆಂಟ್ ಗೆ ಇಳಿಸಲಾಗಿದೆ.
ಕೊರೊನಾದ ಕಾರಣಕ್ಕೆ 2020- 21ನೇ ಸಾಲಿನಲ್ಲಿ ನೋಂದಣಿ- ಮುದ್ರಾಂಕ ಇಲಾಖೆ ಆದಾಯದಲ್ಲಿ ಇಳಿಕೆ ಆಗುವ ಅಂದಾಜು ಮಾಡಲಾಗಿದೆ. ಅದು ಕೂಡ ನಿರೀಕ್ಷೆಗಿಂತ 3524 ಕೋಟಿ ರುಪಾಯಿ ಆದಾಯ ಕಡಿಮೆ ಆಗಬಹುದು ಎಂಬ ಅಂದಾಜಿದೆ. ಅಂದ ಹಾಗೆ ಸರ್ಕಾರವು ಪ್ರಸಕ್ತ ಹಣಕಾಸು ವರ್ಷದಲ್ಲಿ 12,655 ಕೋಟಿ ರುಪಾಯಿ ವರಮಾನದ ನಿರೀಕ್ಷೆ ಮಾಡಿತ್ತು.