Mahindra XUV700 ಭಾರತದಲ್ಲಿ ಬಿಡುಗಡೆ: ಬೆಲೆ, ಫೀಚರ್ಸ್ ತಿಳಿದುಕೊಳ್ಳಿ

ಹೊಸ ಮಾಡೆಲ್‌ ಹಾಗೂ ಹೊಸ ಲೋಗೋ ಜೊತೆಗೆ ಮಾರುಕಟ್ಟೆ ಪ್ರವೇಶಿಸಿರುವ ರೆಡಿಯಾಗಿದ್ದ ಬಹುನಿರೀಕ್ಷಿತ ಮಹೀಂದ್ರಾ XUV700 ನ 5 ಸೀಟರ್ ಮಾದರಿಯ ಬೆಲೆಯನ್ನು ಬಹಿರಂಗಪಡಿಸಲಾಗಿದೆ.

ಈ ಎಸ್‌ಯುವಿಯನ್ನು 11.99 ಲಕ್ಷ ರೂಪಾಯಿ ಆರಂಭಿಕ ಬೆಲೆಯಲ್ಲಿ ಶುರು ಮಾಡಲಾಗಿದೆ. ಆಯ್ದ ರೂಪಾಂತರಗಳ ಬೆಲೆಯನ್ನು ಮಾತ್ರ ಬಹಿರಂಗಪಡಿಸಲಾಗಿದ್ದು, ಮಹೀಂದ್ರಾ XUV700 ಗಾಗಿ ಬುಕಿಂಗ್ ಹಬ್ಬದ ಸೀಸನ್‌ಗೂ ಮೊದಲು ಆರಂಭವಾಗುತ್ತದೆ.

ಮಹೀಂದ್ರಾ XUV700 ಬೆಲೆ

ಮ್ಯಾನುಯಲ್ ಮತ್ತು 5 ಆಸನಗಳ ಮಾದರಿಗಳು
MX ಪೆಟ್ರೋಲ್ - ರೂ 11.99 ಲಕ್ಷ
MX ಡೀಸೆಲ್ - Rs 12.49 ಲಕ್ಷ
AX3 ಪೆಟ್ರೋಲ್ - Rs 13.99 ಲಕ್ಷ
AX5 ಪೆಟ್ರೋಲ್ - Rs 14.99 ಲಕ್ಷ

ಉಳಿದ ರೂಪಾಂತರಗಳ ಬೆಲೆಯನ್ನು ಕಂಪನಿಯು ಮುಂದಿನ ದಿನಗಳಲ್ಲಿ ಬಹಿರಂಗಪಡಿಸಲಿದೆ. XUV700 ನ ಮೂಲ ರೂಪಾಂತರವನ್ನು MX ಅಥವಾ MX ಸರಣಿ ಎಂದು ಹೆಸರಿಸಲಾಗಿದೆ. ಇದು ಒಂದೇ ಟ್ರಿಮ್‌ನಲ್ಲಿ ಮಾತ್ರ ಲಭ್ಯವಿದೆ, ಆದರೆ ಅಡ್ರೊನಾಕ್ಸ್ ಸರಣಿಯು ಮೂರು ಟ್ರಿಮ್‌ಗಳಲ್ಲಿ ಲಭ್ಯವಿದೆ: AX3, AX5, AX7.

 

ಪವರ್‌ಫುಲ್ ಎಂಜಿನ್‌ನೊಂದಿಗೆ ಬರಲಿದೆ

ಮಹೀಂದ್ರ XUV700 ಎರಡು ಎಂಜಿನ್ ಆಯ್ಕೆಗಳನ್ನು ಹೊಂದಿದೆ, 2.0 ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ ಮತ್ತು 2.2 ಲೀಟರ್ ಟರ್ಬೊ-ಡೀಸೆಲ್ ಎಂಜಿನ್. ಇದರ ಪೆಟ್ರೋಲ್ ಎಂಜಿನ್ 200 bhp ಪವರ್ ಮತ್ತು 300 ನ್ಯೂಟನ್ ಮೀಟರ್ ಟಾರ್ಕ್ ನೀಡುತ್ತದೆ. ಚೀನಾ ಡೀಸೆಲ್ ಎಂಜಿನ್ 185 bhp ಪವರ್ ಮತ್ತು 420 ನ್ಯೂಟನ್ ಮೀಟರ್ ಟಾರ್ಕ್ ನೀಡುತ್ತದೆ. ಇದು 6 ಸ್ಪೀಡ್ ಮ್ಯಾನುವಲ್ ಮತ್ತು 6 ಸ್ಪೀಡ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಆಯ್ಕೆಯನ್ನು ಹೊಂದಿದೆ.

ಟಚ್‌ಸ್ಕ್ರೀನ್ ಸಿಸ್ಟಮ್ ಹೊಂದಿದೆ

ಮಹೀಂದ್ರ XUV700 10.25 ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಹೊಂದಿದೆ. ಈ ಸ್ಕ್ರೀನ್ ಅನ್ನು AdrenoX ನಿಂದ ನಡೆಸಲಾಗುತ್ತದೆ. ಧ್ವನಿಗಾಗಿ ಸೋನಿಯ ಸೌಂಡ್ ಸಿಸ್ಟಮ್ ಅನ್ನು ಇನ್‌ಸ್ಟಾಲ್ ಮಾಡಲಾಗಿದೆ. ಇದರೊಂದಿಗೆ ಆಂಡ್ರಾಯ್ಡ್ ಮತ್ತು ಆಪಲ್ ಕಾರ್ಪ್ಲೇ, ಇ-ಸಿಮ್ ಆಧಾರಿತ ಕನೆಕ್ಟೆಡ್ ಟೆಕ್ನಾಲಜಿ, ವಾಯ್ಸ್ ಅಸಿಸ್ಟೆಂಟ್, ಆಂಬಿಯೆಂಟ್ ಲೈಟಿಂಗ್, ಡ್ಯುಯಲ್ ಜೋನ್ ಕ್ಲೈಮೇಟ್ ಕಂಟ್ರೋಲ್, ಏರ್ ಪ್ಯೂರಿಫೈಯರ್ ಇತ್ಯಾದಿಗಳನ್ನು ನೀಡಲಾಗಿದೆ.

ಏಳು ಏರ್‌ಬ್ಯಾಗ್‌ ಕಾರ್‌ನಲ್ಲಿದೆ!

ಮಹೀಂದ್ರ XUV700 ನಲ್ಲಿ ಅನೇಕ ಸುಧಾರಿತ ಚಾಲಕ ನೆರವಿನ ವ್ಯವಸ್ಥೆಗಳನ್ನು ನೀಡಲಾಗಿದೆ. ಇದರಲ್ಲಿ 7 ಏರ್‌ಬ್ಯಾಗ್‌ಗಳು, ಇಬಿಡಿಯೊಂದಿಗೆ ಎಬಿಎಸ್, ಎಲೆಕ್ಟ್ರಾನಿಕ್ ಲಾಕಿಂಗ್ ಡಿಫರೆನ್ಷಿಯಲ್, ಟ್ರಾಕ್ಷನ್ ಕಂಟ್ರೋಲ್, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್, ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್, ಲೇನ್ ಕೀಪ್ ಅಸಿಸ್ಟ್, ಆಟೋ ಹೆಡ್‌ಲೈಟ್ ಬೂಸ್ಟರ್ ಸೇರಿವೆ.

XUV700 ಹೊಸ ಎಲ್ಇಡಿ ಹೆಡ್ ಲೈಟ್ , 18 ಇಂಚಿನ ಡ್ಯುಯಲ್ ಟೋನ್ ಮಿಶ್ರಲೋಹದ ಚಕ್ರಗಳನ್ನು ಹೊಂದಿದೆ. ಹಿಂಭಾಗದಲ್ಲಿ ದೊಡ್ಡ ಟೈಲ್ ಲೈಟ್‌ಗಳು, ಫಾಕ್ಸ್ ಸ್ಕಿಡ್ ಪ್ಲೇಟ್‌ಗಳು ಕಾಣಬಹುದು. ಇದರ ಹೊರತಾಗಿ ಕ್ರೆಟಾ, ಸೆಲ್ಟೋಸ್‌ನಂತಹ ಇತರ ಇನ್-ಸೆಗ್ಮೆಂಟ್ ಮಾದರಿಗಳಿಗೆ ಇಂದು ಸ್ಪರ್ಧೆಯೊಡ್ಡಲಿದೆ.

 

ಮಹೀಂದ್ರಾ ಕಾರುಗಳ ಬೆಲೆ ಏರಿಕೆ ಆಗಿದೆ

ಇತ್ತೀಚೆಗಷ್ಟೇ ಮಹೀಂದ್ರಾ ಕಂಪನಿಯು ಕಾರುಗಳ ಬೆಲೆ ಏರಿಕೆ ಮಾಡಿತ್ತು. ಇದು ವರ್ಷದಲ್ಲಿ ಮೂರು ಬಾರಿ ಆಗಿದ್ದು, ಕೊನೆಯ ಬಾರಿಗೆ ಮೇ 2021ರಲ್ಲಿ ಬೆಲೆ ಏರಿಕೆ ಮಾಡಲಾಗಿತ್ತು. ಅದರಲ್ಲೂ ಹೊಸ ಥಾರ್ ಎಸ್‌ಯುವಿ ಅತಿ ಹೆಚ್ಚು ಬೆಲೆ ಏರಿಕೆ ಪಡೆದಿದೆ.

ಹಿಂದೂಸ್ತಾನ ಟೈಮ್ಸ್‌ ಆಟೋ ವರದಿಯ ಪ್ರಕಾರ, ಥಾರ್ ಸುಮಾರು 1 ಲಕ್ಷ ರೂಪಾಯಿಗಳಷ್ಟು ದುಬಾರಿಯಾಗಿದೆ. ಹೊಸ ಎಸ್‌ಯುವಿ ಬೆಲೆ 42,300 ರೂಪಾಯಿಗಳಿಂದ 1,02,000 ದರದಲ್ಲಿ ಏರಿಕೆ ಕಂಡಿದೆ. ಎಸ್‌ಯುವಿಯ ಎಎಕ್ಸ್ ರೂಪಾಂತರವು 67,000 ರೂಪಾಯಿ ದುಬಾರಿಯಾಗಿದೆ.