ಮೊಬೈಲ್ ಫೋನ್ ಗಳ ಬೆಲೆಯಲ್ಲಿ ಈ ತಿಂಗಳಿಂದ ಏರಿಕೆ ನಿರೀಕ್ಷೆ
ಮೊಬೈಲ್ ಫೋನ್ ಗಳ ಬೆಲೆಯಲ್ಲಿ ಈ ತಿಂಗಳು 3% ಏರಿಕೆ ಆಗುವ ನಿರೀಕ್ಷೆ ಇದೆ. ಕೇಂದ್ರ ಸರ್ಕಾರದಿಂದ ಡಿಸ್ ಪ್ಲೇ ಆಮದಿನ ಮೇಲೆ 10% ಸುಂಕ ವಿಧಿಸಲಾಗಿದೆ ಎಂದು ಸೆಲ್ಯುಲಾರ್ ಅಂಡ್ ಎಲೆಕ್ಟ್ರಾನಿಕ್ಸ್ ಅಸೋಸಿಯೇಷನ್ (ICEA) ಶುಕ್ರವಾರ ಹೇಳಿದೆ. ಡಿಸ್ ಪ್ಲೇ ಜೋಡಣೆ ಮತ್ತು ಟಚ್ ಪ್ಯಾನೆಲ್ ಮೇಲೆ ಅಕ್ಟೋಬರ್ 1ರಿಂದ ಸುಂಕ ವಿಧಿಸುವುದಕ್ಕೆ ಪ್ರಸ್ತಾವ ಮಾಡಲಾಗಿತ್ತು.
Apple iPhone 12: ನಾಲ್ಕಲ್ಲ ಐದು ಮಾಡೆಲ್ ಬಿಡುಗಡೆ ನಿರೀಕ್ಷೆ
ಕೈಗಾರಿಕೆ ಜತೆಗೆ ಒಪ್ಪಿಗೆ ಬಳಿಕ 2016ರಲ್ಲಿ ಘೋಷಣೆಯಾದ ಫೇಸ್ಡ್ ಮ್ಯಾನುಫ್ಯಾಕ್ಚರಿಂಗ್ ಪ್ರೋಗ್ರಾಂ (PMP) ಅಡಿಯಲ್ಲಿ ಈ ಸುಂಕ ವಿಧಿಸಲಾಗುತ್ತಿದೆ. "ಮೊಬೈಲ್ ಫೋನ್ ದರದ ಮೇಲೆ 1.5%ನಿಂದ 3% ತನಕ ಪರಿಣಾಮ ಆಗಲಿದೆ," ಎಂದು ICEA ರಾಷ್ಟ್ರೀಯ ಅಧ್ಯಕ್ಷ ಪಂಕಜ್ ಮೊಹಿಂದ್ರೂ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಆಪಲ್, ಹುವೈ, ಶಿಯೋಮಿ, ವಿವೋ ಹಾಗೂ ವಿನ್ ಸ್ಟ್ರನ್ ಸಹ ಐಸಿಇಎ ಸದಸ್ಯ ಆಗಿವೆ. ಸ್ಥಳೀಯವಾಗಿಯೇ ಬಿಡಿ ಭಾಗಗಳು ಉತ್ಪಾದನೆ ಆಗುವುದನ್ನು ಪ್ರೋತ್ಸಾಹಿಸಬೇಕು ಎಂದು ಹಾಗೂ ಆಮದಿಗೆ ಉತ್ತೇಜನ ನೀಡಬಾರದು ಎಂದು ಪಿಎಂಪಿ ತರಲಾಗಿದೆ. ಈ ಹಿಂದೆ ವೇದಾಂತ ಗ್ರೂಪ್ ಅಧ್ಯಕ್ಷ ಅನಿಲ್ ಅಗರ್ ವಾಲ್ ಎಲ್ ಸಿಡಿ ಉತ್ಪಾದನೆ ಬಗ್ಗೆ ಪ್ರಸ್ತಾವ ಇಟ್ಟಿದ್ದರು ಆದರೆ ಅದಕ್ಕೆ ಸರ್ಕಾರದ ಅನುಮತಿ ಸಿಗಲಿಲ್ಲ.