ಭಾರತದಲ್ಲಿ ರಿಯಲ್‌ಮೆ ಬುಕ್ ಸ್ಲಿಮ್ ಲ್ಯಾಪ್‌ಟಾಪ್ ಬಿಡುಗಡೆ

ಸ್ಮಾರ್ಟ್‌ಫೋನ್ ತಯಾರಕ ರಿಯಲ್‌ಮೆ ಮೊದಲ ಬಾರಿಗೆ ಭಾರತದಲ್ಲಿ ಇಂದು (ಆಗಸ್ಟ್‌ 18) ಮೊದಲ ಲ್ಯಾಪ್‌ಟಾಪ್‌ ಅನ್ನು ಬಿಡುಗಡೆ ಮಾಡಿದೆ. ಅಲ್ಲದೆ ಕಂಪನಿಯು ಇದೇ ಸಮಯದಲ್ಲಿ ಭಾರತದಲ್ಲಿ Realme GT 5G ಮತ್ತು Realme GT ಮಾಸ್ಟರ್ ಎಡಿಶನ್ ಅನ್ನು ಬಿಡುಗಡೆ ಮಾಡಿದೆ.

ಹೀಗಾಗಿ, ಇದು ಮಾರುಕಟ್ಟೆಯಲ್ಲಿ ರಿಯಲ್‌ಮೆ ಮೊದಲ ಲ್ಯಾಪ್‌ಟಾಪ್ ಆಗಿದ್ದು, ಇದು ಇತರ ಹಳೆಯ ಬ್ರಾಂಡ್‌ಗಳಾದ ಏಸರ್, ಆಸುಸ್, ಎಚ್‌ಪಿ ಮತ್ತು ಲೆನೊವೊಗಳೊಂದಿಗೆ ಸ್ಪರ್ಧಿಸಲಿದೆ. ಇದರೊಂದಿಗೆ, ರಿಯಲ್‌ಮೆ ಬುಕ್ ಮತ್ತು ರಿಯಲ್‌ಮೆ ಬುಕ್ ಸ್ಲಿಮ್ ಇತರ ಸ್ಮಾರ್ಟ್‌ಫೋನ್ ತಯಾರಕರಾದ Xiaomi, Samsung ಮತ್ತು Huawei ಗಳ ಲ್ಯಾಪ್‌ಟಾಪ್‌ಗಳೊಂದಿಗೆ ಸ್ಪರ್ಧಿಸಲು ಹೊರಟಿದೆ.

ರಿಯಲ್‌ಮೆ ಸ್ಲಿಮ್ ಇಂಟೆಲ್ ಕೋರ್ i3 ಚಿಪ್‌ಸೆಟ್, 8GB RAM ಮತ್ತು 256GB SSD ಯೊಂದಿಗೆ ಆವೃತ್ತಿಗಾಗಿ 44,999 ರೂಪಾಯಿ ಬೆಲೆಯಲ್ಲಿ ಪ್ರಾರಂಭವಾಗುತ್ತದೆ. ಇಂಟೆಲ್ ಕೋರ್ i5 ಚಿಪ್‌ಸೆಟ್, 8GB RAM ಮತ್ತು 512GB SSD ಯೊಂದಿಗಿನ ಎರಡನೇ ರೂಪಾಂತರವು 56,999 ರೂಪಾಯಿಗೆ ಮಾರಾಟವಾಗುತ್ತದೆ. ರಿಯಲ್‌ಮೆ ಬುಕ್‌ (ಸ್ಲಿಮ್) ಆಗಸ್ಟ್ 30 ರಿಂದ ಮಧ್ಯಾಹ್ನ 12 ಗಂಟೆಗೆ ಮಾರಾಟ ಆರಂಭವಾಗಲಿದೆ.

ಈ ಲ್ಯಾಪ್‌ಟಾಪ್‌ ಅನ್ನು Flipkart, realme.com ಮೂಲಕ ಮತ್ತು ಅಧಿಕೃತ Realme ಚಿಲ್ಲರೆ ವ್ಯಾಪಾರಿಗಳಿಂದಲೂ ಖರೀದಿಗೆ ಲಭ್ಯವಿರುತ್ತದೆ. ಲ್ಯಾಪ್‌ಟಾಪ್ ಅನ್ನು ಎರಡು ಬಣ್ಣಗಳಲ್ಲಿ ಬಿಡುಗಡೆ ಮಾಡಲಾಗಿದ್ದು, ರಿಯಲ್ ಬ್ಲೂ ಮತ್ತು ರಿಯಲ್ ಗ್ರೇ ಆಯ್ಕೆಯನ್ನ ಹೊಂದಿದೆ.

ಇನ್ನು ರಿಯಲ್ಮೆ ಬುಕ್‌ ಯುಎಸ್‌ಬಿ ಟೈಪ್-ಎ ಪೋರ್ಟ್ ಮತ್ತು ಹೆಡ್‌ಫೋನ್ ಜ್ಯಾಕ್ ಹೊಂದಿದೆ. ಮತ್ತೊಂದೆಡೆ, ಸಂಪರ್ಕಕ್ಕಾಗಿ ಎರಡು ಯುಎಸ್‌ಬಿ ಟೈಪ್-ಸಿ ಪೋರ್ಟ್‌ಗಳಿವೆ. ಆದರೆ ಲ್ಯಾಪ್ ಟಾಪ್ ನ ಪವರ್ ಬಟನ್ ಬಯೋಮೆಟ್ರಿಕ್ ಸೆಕ್ಯುರಿಟಿಯೊಂದಿಗೆ ಲಿಂಕ್ ಮಾಡಲು ಫಿಂಗರ್ ಪ್ರಿಂಟ್ ಸೆನ್ಸರ್ ಆಗಿ ದ್ವಿಗುಣಗೊಳ್ಳುತ್ತದೆ. ಅಲ್ಲದೆ, ಮೈಕ್ರೋಸಾಫ್ಟ್ ತನ್ನ ಆವೃತ್ತಿಯನ್ನು ಹೊರತಂದಾಗ, ಲ್ಯಾಪ್ಟಾಪ್ ವಿಂಡೋಸ್ 11 ಅಪ್‌ಡೇಟ್‌ಗೆ ಅರ್ಹವಾಗಿರುತ್ತದೆ ಮತ್ತು ಅಪ್ಡೇಟ್ ಮಾಡಲಾಗುವುದು ಎಂದು ರಿಯಲ್ಮೆ ಈಗಾಗಲೇ ಹೇಳಿತ್ತು.

ಜೊತೆಗೆ ಲ್ಯಾಪ್ಟಾಪ್ ಭಾರತದಲ್ಲಿ 14.9 ಮಿಮೀ ದಪ್ಪವಿರುವ ಅತ್ಯಂತ ತೆಳುವಾದ ಮತ್ತು ಹಗುರವಾದ ಲ್ಯಾಪ್‌ಟಾಪ್‌ಗಳಲ್ಲಿ ಒಂದಾಗಿದೆ ಎಂದು ಚೀನೀ ಬ್ರಾಂಡ್ ಹೇಳಿಕೊಂಡಿದೆ.

ಹೊಸ ರಿಯಲ್‌ಮೆ ಲ್ಯಾಪ್‌ಟಾಪ್ 11 ನೇ ಜನರಲ್ ಇಂಟೆಲ್ ಕೋರ್ i5 ಚಿಪ್‌ಸೆಟ್‌ಗಳು ಮತ್ತು ಐರಿಸ್ XE ಇಂಟಿಗ್ರೇಟೆಡ್ ಗ್ರಾಫಿಕ್ಸ್‌ನಿಂದ ಕೂಡಿದೆ. ಇದು ಸಂಪರ್ಕಕ್ಕಾಗಿ ವೈಫೈ -6 ತಂತ್ರಜ್ಞಾನವನ್ನು (ಇಂಟೆಲ್ ಕೋರ್ ಐ 5 ಆವೃತ್ತಿಗೆ ಮಾತ್ರ) ಪಡೆಯುತ್ತದೆ. ಲ್ಯಾಪ್‌ಟಾಪ್ 512GB SSD ಸಂಗ್ರಹಣೆ ಮತ್ತು 8GB RAM ಅನ್ನು ಪಡೆಯುತ್ತದೆ.

ಲ್ಯಾಪ್‌ಟಾಪ್ ಬ್ಯಾಟರಿ ಸಾಮರ್ಥ್ಯವೇನು?
ಲ್ಯಾಪ್ಟಾಪ್ ಬ್ಯಾಟರಿ ಚಾರ್ಜ್ ಮಾಡಲು ಥಂಡರ್ ಬೋಲ್ಟ್ 4 ಪೋರ್ಟ್ ಅನ್ನು ಬಳಸುತ್ತದೆ. 65W ಚಾರ್ಜರ್ ಮೂಲಕ 30 ನಿಮಿಷಗಳಲ್ಲಿ 50% ಚಾರ್ಜ್ ಅನ್ನು ಒದಗಿಸುತ್ತದೆ. ಇದು 11 ಗಂಟೆಗಳ ಬ್ಯಾಕಪ್ ಒದಗಿಸುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

ವಿಂಡೋಸ್ 10
ಲ್ಯಾಪ್ಟಾಪ್ ವಿಂಡೋಸ್ 10 ಹೋಮ್ ಆವೃತ್ತಿಯನ್ನು ಮೈಕ್ರೋಸಾಫ್ಟ್ ಆಫೀಸ್ 2019 ರೊಂದಿಗೆ ಪೂರ್ವ ಲೋಡ್ ಮಾಡಿದೆ. ಇದರಿಂದಾಗಿಯೇ ರಿಯಲ್ಮೆ ಬುಕ್ ವಿಂಡೋಸ್ 11 ಗೆ ಉಚಿತವಾಗಿ ಅಪ್‌ಡೇಟ್‌ ಮಾಡಲು ಸಾಧ್ಯವಾಗುತ್ತದೆ.

ಲ್ಯಾಪ್‌ಟಾಪ್ ಡಿಟಿಎಸ್ ಆಡಿಯೊವನ್ನು ಬೆಂಬಲಿಸುವ ಎರಡು ಹರ್ಮನ್ ಸ್ಪೀಕರ್‌ಗಳೊಂದಿಗೆ ಬರುತ್ತದೆ. ಸುರಕ್ಷತೆಗಾಗಿ, ಲ್ಯಾಪ್‌ಟಾಪ್ ಪವರ್ ಬಟನ್‌ನಲ್ಲಿ ಫಿಂಗರ್‌ಪ್ರಿಂಟ್ ಸೆನ್ಸಾರ್ ಅನ್ನು ಪಡೆಯುತ್ತದೆ.