ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಷೇರುಲಾಭಾಂಶ ಘೋಷಣೆ ಸಾಧ್ಯತೆ

ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್‌(ಆರ್‌ಐಎಲ್‌) ಗುರುವಾರ ಕಂಪನಿಯ ಷೇರು ವಿತರಣೆ ಮಾಡುವ ಕುರಿತು ಪರಿಗಣಿಸುವ ನಿರೀಕ್ಷೆ ಇದೆ. ಸಾಲವನ್ನು ತಗ್ಗಿಸಿಕೊಳ್ಳುವ ಪ್ರಯತ್ನದ ಭಾಗವಾಗಿ ಈ ನಿರ್ಧಾರಕ್ಕೆ ಮುಂದಾಗಿದೆ.

ಕಂಪನಿಯ ಆಡಳಿತ ಮಂಡಳಿಯು ಗುರುವಾರ ಸಭೆ ಸೇರಲಿದ್ದು, ಮಾರ್ಚ್‌ 31ರ ಅಂತ್ಯದ ಆರ್ಥಿಕ ಫಲಿತಾಂಶಕ್ಕೆ ಒಪ್ಪಿಗೆ ನೀಡಲಿದೆ. ಲಾಭಾಂಶ ನೀಡುವ ಬಗ್ಗೆಯೂ ಶಿಫಾರಸು ಮಾಡಲಿದೆ. ಈ ಕುರಿತು ಷೇರುಪೇಟೆಗೆ ಮಾಹಿತಿ ನೀಡಿದೆ.

2021ರ ವೇಳೆಗೆ ಸಾಲವನ್ನು ಶೂನ್ಯಕ್ಕೆ ಇಳಿಸುವ ಯೋಜನೆಯನ್ನು 2019ರ ಆಗಸ್ಟ್‌ನಲ್ಲಿಯೇ ಮುಕೇಶ್ ಅಂಬಾನಿ ತಿಳಿಸಿದ್ದರು. ಈ ನಿಟ್ಟಿನಲ್ಲಿ ಹಲವು ಕ್ರಮಗಳನ್ನು ಜಾರಿಗೊಳಿಸಲಾಗುತ್ತಿದೆ. ಹಕ್ಕಿನ ಷೇರು ವಿತರಣೆ ಮೂಲಕ ಸದ್ಯದ ವಹಿವಾಟು ದರದಲ್ಲಿ 40 ಸಾವಿರ ಕೋಟಿ ಸಂಗ್ರಹವಾಗುವ ಸಾಧ್ಯತೆ ಇದೆ.

ಈಕ್ವಿಟಿ ಡಿಲ್ಷೂಷನ್ 2.5 ರಿಂದ 5 ಪರ್ಸೆಂಟ್ ನಡುವೆ ಇದ್ದರೆ ರಿಲಯನ್ಸ್ ಇಂಡಸ್ಟ್ರೀಸ್ 16,600 ರಿಂದ 35,600 ಕೋಟಿಗಳನ್ನು ಸಂಗ್ರಹಿಸಬಹುದು ಎಂದು ಸೆಂಟ್ರಮ್ ಬ್ರೋಕಿಂಗ್ ನಂಬಿದೆ, ಮತ್ತು ಇದು ಪ್ರಸ್ತುತ ಮಾರುಕಟ್ಟೆ ಬೆಲೆಗೆ 20 ರಿಂದ 25 ಪರ್ಸೆಂಟ್ ರಿಯಾಯಿತಿ ದರದಲ್ಲಿರುತ್ತದೆ.

5 ಪ್ರತಿಶತದಷ್ಟು ಇಕ್ವಿಟಿ ಡಿಲ್ಷೂಷನ್ (ದುರ್ಬಲಗೊಳಿಸುವಿಕೆ) ಎಂದರೆ ಪ್ರತಿ ಷೇರುದಾರರು ತಾವು ಹೊಂದಿರುವ ಪ್ರತಿ 100 ಕ್ಕೆ ಐದು ಷೇರುಗಳನ್ನು ಪಡೆಯುತ್ತಾರೆ. 2019 ರ ಡಿಸೆಂಬರ್ ಅಂತ್ಯದ ವೇಳೆಗೆ, ಮುಖೇಶ್ ಅಂಬಾನಿ ಕುಟುಂಬವು ಆರ್‌ಐಎಲ್‌ನಲ್ಲಿ 50.03 ಪರ್ಸೆಂಟ್‌ರಷ್ಟು ಪಾಲನ್ನು ಹೊಂದಿದ್ದರೆ, ವಿದೇಶಿ ಬಂಡವಾಳ ಹೂಡಿಕೆದಾರರು 24.51 ಪರ್ಸೆಂಟ್ ಹೊಂದಿದ್ದರೆ, ಉಳಿದವುಗಳನ್ನು ಮ್ಯೂಚುವಲ್ ಫಂಡ್‌ಗಳು ಮತ್ತು ಇತರರು ಹೊಂದಿದ್ದಾರೆ.