ಸೆನ್ಸೆಕ್ಸ್ 588 ಪಾಯಿಂಟ್ ಕುಸಿತ, ನಿಫ್ಟಿ 183 ಪಾಯಿಂಟ್ ಇಳಿಕೆ
ಷೇರು ಮಾರುಕಟ್ಟೆ ಸೂಚ್ಯಂಕಗಳಾದ ಸೆನ್ಸೆಕ್ಸ್, ನಿಫ್ಟಿ ಜನವರಿ 29ನೇ ತಾರೀಕಿನ ಶುಕ್ರವಾರ ಕೂಡ ಭಾರೀ ಪ್ರಮಾಣದಲ್ಲಿ ಇಳಿಕೆ ಕಂಡಿದೆ. ಸೆನ್ಸೆಕ್ಸ್ 588.59 ಪಾಯಿಂಟ್ ಕುಸಿದು, 46,285.77 ಪಾಯಿಂಟ್ ನೊಂದಿಗೆ ದಿನ- ವಾರಾಂತ್ಯ ಕಂಡಿದೆ. ಇನ್ನು ನಿಫ್ಟಿ 182.90 ಪಾಯಿಂಟ್ ಕುಸಿತವಾಗಿ, 13,634.60 ಪಾಯಿಂಟ್ ನೊಂದಿಗೆ ವಹಿವಾಟು ಚುಕ್ತಾ ಮಾಡಿದೆ.
ಈ ದಿನದ ಷೇರು ಮಾರುಕಟ್ಟೆ ವಹಿವಾಟಿನ ಮೇಲೆ ಆರ್ಥಿಕ ಸಮೀಕ್ಷೆ 2020- 21ರ ವರದಿಯ ಪರಿಣಾಮ ಆಯಿತು. ಆರ್ಥಿಕ ವರ್ಷ 2021ಕ್ಕೆ ಆರ್ಥಿಕತೆ 7.7%ಗೆ ಹಾಗೂ FY22ಕ್ಕೆ ವಾಸ್ತವ ಜಿಡಿಪಿ 11 ಪರ್ಸೆಂಟ್ ಆಗಬಹುದು ಎಂದು ಶುಕ್ರವಾರ ಮಂಡಿಸಿದ ಆರ್ಥಿಕ ಸಮೀಕ್ಷೆ ವರದಿಯಲ್ಲಿ ಅಂದಾಜು ಮಾಡಲಾಗಿದೆ.
ಆರ್ಥಿಕ ಸಮೀಕ್ಷೆ: 2021- 22ನೇ ಹಣಕಾಸು ವರ್ಷಕ್ಕೆ 11% GDP ನಿರೀಕ್ಷೆ
ಇನ್ನು ಉತ್ಪಾದನೆ, ನಿರ್ಮಾಣ ಹಾಗೂ ಕಾಂಟ್ಯಾಕ್ಟ್ ಆಧಾರಿತ ಸೇವೆಗಳಿಗೆ ಭರ್ತಿ ಹೊಡೆತ ಬಿದ್ದಿದೆ ಎಂಬುದನ್ನು ಆರ್ಥಿಕ ಸಮೀಕ್ಷೆಯಲ್ಲಿ ತಿಳಿಸಲಾಗಿದೆ. ಸಾರ್ವಜನಿಕ ಬ್ಯಾಂಕ್ ಗಳಿಗೆ ಅಗತ್ಯ ಪ್ರಮಾಣದ ಬಂಡವಾಳ ಪೂರೈಸಬೇಕು ಎಂದು ಆರ್ಥಿಕ ಸಮೀಕ್ಷೆಯಲ್ಲಿ ಶಿಫಾರಸು ಮಾಡಿರುವುದರಿಂದ ಈ ವಲಯದಲ್ಲಿ ಗಣನೀಯ ಗಳಿಕೆ ಕಂಡುಬಂತು. ಒಂದು ವೇಳೆ ಬಂಡವಾಳ ಒದಗಿಸದಿದ್ದಲ್ಲಿ ಸಾಲ ಒದಗಿಸಿದ ಸಂಸ್ಥೆಗಳ ಅಪಾಯದ ಬಗ್ಗೆ ತಿಳಿಸಲಾಗಿದೆ.
ನಿಫ್ಟಿಯಲ್ಲಿ ಏರಿಕೆ ದಾಖಲಿಸಿದ ಟಾಪ್ ಐದು ಷೇರುಗಳು ಮತ್ತು ಪರ್ಸೆಂಟ್
ಇಂಡಸ್ ಇಂಡ್ ಬ್ಯಾಂಕ್ 5.42%
ಸನ್ ಫಾರ್ಮಾ 3.87%
ಐಸಿಐಸಿಐ ಬ್ಯಾಂಕ್ 1.66%
ಎಚ್ ಡಿಎಫ್ ಸಿ ಬ್ಯಾಂಕ್ 1.39%
ಎಚ್ ಡಿಎಫ್ ಸಿ ಲೈಫ್ 0.92%
ನಿಫ್ಟಿಯಲ್ಲಿ ಏರಿಕೆ ದಾಖಲಿಸಿದ ಟಾಪ್ ಐದು ಷೇರುಗಳು ಮತ್ತು ಪರ್ಸೆಂಟ್
ಡಾ ರೆಡ್ಡೀಸ್ ಲ್ಯಾಬ್ಸ್ -5.52%
ಮಾರುತಿ ಸುಜುಕಿ -5.03%
ಹೀರೋ ಮೋಟೋಕಾರ್ಪ್ -4.16%
ಟಾಟಾ ಸ್ಟೀಲ್ -3.64%
ವಿಪ್ರೋ -3.24%