ವೊಡಾಫೋನ್ ಐಡಿಯಾ ಷೇರಿನ ಮೌಲ್ಯ 25 ಪರ್ಸೆಂಟ್ ಏರಿಕೆ
ಸರ್ಚಿಂಗ್ ದೈತ್ಯ ಗೂಗಲ್, ಬ್ರಿಟಿಷ್ ಟೆಲಿಕಾಂ ಗ್ರೂಪ್ ವೊಡಾಫೋನ್ ಐಡಿಯಾ ವ್ಯವಹಾರದಲ್ಲಿ ಅಲ್ಪ ಪಾಲನ್ನು ತೆಗೆದುಕೊಳ್ಳಲು ಯೋಜಿಸುತ್ತಿದೆ ಎಂದು ವರದಿಯಾದ ಬಳಿಕ ಇಂದು (ಮೇ 29) ವೊಡಾಫೋನ್ ಐಡಿಯಾ ಷೇರಿನ ಮೌಲ್ಯ 25 ಪರ್ಸೆಂಟ್ವರೆಗೂ ಏರಿಕೆಯಾಗಿದೆ.
ವೊಡಾಫೋನ್ ಐಡಿಯಾ ಪಾಲಿನ ಮೇಲೆ ಗೂಗಲ್ ಕಣ್ಣು
ಗುರುವಾರ ಮಾರುಕಟ್ಟೆ ಕೊನೆಗೊಂಡಾಗ ವೊಡಾಫೋನ್ ಐಡಿಯಾ ಷೇರಿನ ಮೌಲ್ಯ 5.82 ರುಪಾಯಿಗಳಷ್ಟಿತ್ತು. ಆದರೆ ಗೂಗಲ್ ವೊಡಾಫೋನ್ ಐಡಿಯಾ ಮೇಲೆ ಹೂಡಿಕೆ ಮಾಡಲಿದೆ ಎಂದು ಸುದ್ದಿ ಹರಿದಾಡಿದರ ಪರಿಣಾಮ ಶುಕ್ರವಾರ 7.80 ರುಪಾಯಿವರೆಗೂ ಏರಿಕೆ ದಾಖಲಿಸಿದೆ.
ಇತ್ತೀಚೆಗೆ ಫೇಸ್ಬುಕ್, ರಿಲಯನ್ಸ್ ಜಿಯೋ ಕಂಪನಿಯ ಶೇ.9.99 ಷೇರನ್ನು 5.7 ಬಿಲಿಯನ್ ಡಾಲರ್ (43,574 ಕೋಟಿ ರೂ.) ನೀಡಿ ಖರೀದಿ ಮಾಡಿತ್ತು. ಗೂಗಲ್ ವೊಡಾಫೋನ್ ಐಡಿಯಾ ಟೆಲಿಕಾಂ ಕಂಪನಿಯ 5 ಪರ್ಸೆಂಟ್ರಷ್ಟು ಷೇರನ್ನು ಖರೀದಿ ಮಾಡಲು ನಿರ್ಧರಿಸಿದೆ ಎಂದು ಅಂತಾರಾಷ್ಟ್ರೀಯ ಮಾಧ್ಯಮವೊಂದು ವರದಿ ಮಾಡಿದೆ. ಈ ಹಿನ್ನೆಲೆಯಲ್ಲಿ ಷೇರುಪೇಟೆಯಲ್ಲಿ ವೊಡಾಪೋನ್-ಐಡಿಯಾ ಷೇರು ಖರೀದಿಗೆ ಹೂಡಿಕೆದಾರರು ಮುಗಿಬಿದ್ದಿದ್ದಾರೆ.