ವಿಪ್ರೋದಿಂದ ಷೇರು ಮರು ಖರೀದಿ ಬಗ್ಗೆ ಅ. 13ರಂದು ನಿರ್ಧಾರ
ಬೆಂಗಳೂರು ಮೂಲದ ಐ.ಟಿ. ಕಂಪೆನಿ ವಿಪ್ರೋದಿಂದ ಕೂಡ ಷೇರುಗಳ ಬೈಬ್ಯಾಕ್ ಗೆ ಯೋಜನೆ ರೂಪಿಸಲಾಗುತ್ತಿದೆ ಎಂದು ಕಂಪೆನಿ ಘೋಷಣೆ ಮಾಡಿದೆ. ಟಿಸಿಎಸ್ ನಿಂದ ಬುಧವಾರವಷ್ಟೇ 16,000 ಕೋಟಿ ರುಪಾಯಿ ಮೌಲ್ಯದ ಷೇರುಗಳ ಬೈ ಬ್ಯಾಕ್ (ಮರು ಖರೀದಿ) ಬಗ್ಗೆ ಘೋಷಣೆ ಮಾಡಿದೆ.
ಟಿಸಿಎಸ್ ನಿಂದ 16,000 ಕೋಟಿ ರುಪಾಯಿ ಮೊತ್ತದ ಷೇರುಗಳ ಬೈಬ್ಯಾಕ್
ಅಕ್ಟೋಬರ್ 13, 2020ರಂದು ನಡೆಯುವ ಕಂಪೆನಿ ನಿರ್ದೇಶಕರ ಸಭೆಯಲ್ಲಿ ಈ ಬಗ್ಗೆ ನಿರ್ಧಾರ ಮಾಡಲಾಗುವುದು ಎಂದು ಬಿಎಸ್ ಇ ಫೈಲಿಂಗ್ ನಲ್ಲಿ ಕಂಪೆನಿ ತಿಳಿಸಿದೆ. ಕಂಪೆನಿಯ ಷೇರುಗಳ ಮರುಖರೀದಿಗೆ ಸಂಬಂಧಿಸಿದಂತೆ ಇರುವ ನಿಯಮಾವಳಿಗಳನ್ನು ಉದಾಹರಿಸಿ, ಈ ಬಗ್ಗೆ ತಿಳಿಸಲಾಗಿದೆ.
ಭಾರತದ ಷೇರು ಮಾರುಕಟ್ಟೆಯಲ್ಲಿ ಐ.ಟಿ. ಕಂಪೆನಿ ಷೇರುಗಳ ಬೆಲೆಯಲ್ಲಿ ಅದ್ಭುತ ಗಳಿಕೆ ಕಂಡುಬರುತ್ತಿದೆ. ಇನ್ನು ಕಂಪೆನಿಗಳ ಬಳಿ ಇರುವ ನಗದು ಮೊತ್ತವನ್ನು ಏನು ಮಾಡಬೇಕು ಎಂಬ ಪ್ರಶ್ನೆ ಎದುರಾದಾಗ ಈ ಬೈಬ್ಯಾಕ್ ಕೂಡ ಒಂದು ಆಯ್ಕೆಯಾಗುತ್ತದೆ. ಅಕ್ಟೋಬರ್ 7, 2020ರಂದು ದಿನದ ಕೊನೆಗೆ ಷೇರಿನ ಬೆಲೆಯು 1.59 ಪರ್ಸೆಂಟ್ ಏರಿಕೆ ಕಂಡು, 335.25 ರುಪಾಯಿಗೆ ವಹಿವಾಟು ಮುಗಿಸಿತು.