ಸ್ವಯಂ ಉದ್ಯೋಗಿಗಳಿಗೆ (ಎನ್‌ಪಿಎಸ್‌- ವ್ಯಾಪಾರಿಗಳು)ಆಧಾರ್ ಈಗ ಕಡ್ಡಾಯ: ವಿವರ ಇಲ್ಲಿ ಪರಿಶೀಲಿಸಿ

ರಾಷ್ಟ್ರೀಯ ಪಿಂಚಣಿ ಯೋಜನೆಯು ವ್ಯಾಪಾರಿಗಳು ಮತ್ತು ಸ್ವಯಂ ಉದ್ಯೋಗಿ ವ್ಯಕ್ತಿಗಳು (ಎನ್‌ಎಸ್‌ಪಿ-ವ್ಯಾಪಾರಿಗಳು) 2019 ಚಿಲ್ಲರೆ ವ್ಯಾಪಾರಿಗಳು/ಅಂಗಡಿಯವರು ಮತ್ತು ಸ್ವ-ಉದ್ಯೋಗಿಗಳ ವಾರ್ಷಿಕ ವಹಿವಾಟು ರೂ. 1.5 ಕೋಟಿ ಗಿಂತ ಕಡಿಮೆ ಇರುವ ರಕ್ಷಣೆ ಮತ್ತು ಸಾಮಾಜಿಕ ಭದ್ರತೆಗಾಗಿ ಒಂದು ಯೋಜನೆಯಾಗಿದೆ.

ಕೇಂದ್ರ ಕಾರ್ಮಿಕ ಮತ್ತು ಉದ್ಯೋಗ ಸಚಿವಾಲಯದ ಅಧಿಕೃತ ವೆಬ್‌ಸೈಟ್ ಪ್ರಕಾರ "ಈ ಚಿಲ್ಲರೆ ವ್ಯಾಪಾರಿಗಳು/ ಅಂಗಡಿಯವರು ಮತ್ತು ಸ್ವಯಂ ಉದ್ಯೋಗಿಗಳು ಹೆಚ್ಚಾಗಿ ಅಂಗಡಿ ಮಾಲೀಕರು, ಚಿಲ್ಲರೆ ವ್ಯಾಪಾರಿಗಳು, ಅಕ್ಕಿ ಗಿರಣಿ ಮಾಲೀಕರು, ತೈಲ ಗಿರಣಿ ಮಾಲೀಕರು, ಕಾರ್ಯಾಗಾರದ ಮಾಲೀಕರು, ಕಮಿಷನ್ ಏಜೆಂಟ್‌ಗಳು, ರಿಯಲ್ ಎಸ್ಟೇಟ್ ದಲ್ಲಾಳಿಗಳು, ಸಣ್ಣ ಹೋಟೆಲ್‌ಗಳು, ರೆಸ್ಟೋರೆಂಟ್‌ಗಳು ಮತ್ತು ಇತರ ಲಘು ವ್ಯಾಪಾರಿಗಳಾಗಿ ಕೆಲಸ ಮಾಡುತ್ತಿದ್ದಾರೆ."

ಹಲವಾರು ಮಂದಿಗೆ ರಾಷ್ಟ್ರೀಯ ಪಿಂಚಣಿ ಯೋಜನೆಯಡಿ ಅರ್ಹರಾಗುವುದು ಹೇಗೆ ಎಂಬುವುದು ತಿಳಿದಿಲ್ಲ. ಹಾಗಾದರೆ ಈ ರಾಷ್ಟ್ರೀಯ ಪಿಂಚಣಿ ಯೋಜನೆ ಎಂದರೇನು? ಈ ರಾಷ್ಟ್ರೀಯ ಪಿಂಚಣಿ ಯೋಜನೆ ಯಾರು ಅರ್ಹರು? ಹಾಗೂ ಇದರ ಅರ್ಜಿ ಪ್ರಕ್ರಿಯೆ ಹೇಗೆ ನಡೆಯುತ್ತದೆ? ಪ್ರಯೋಜನವೇನು ಎಂಬುವುದನ್ನು ತಿಳಿಯಬೇಕಾದರೆ ಮುಂದೆ ಓದಿ..,

ಅರ್ಹತೆ ಏನು? ಮತ್ತು ಅರ್ಜಿ ಪ್ರಕ್ರಿಯೆ ಹೇಗೆ?

ರಾಷ್ಟ್ರೀಯ ಪಿಂಚಣಿ ಯೋಜನೆ (ಎನ್‌ಪಿಎಸ್) ಅಡಿಯಲ್ಲಿ ಲಾಭ ಪಡೆಯಲು ಅರ್ಹರಾಗಲು, ಒಬ್ಬ ವ್ಯಕ್ತಿಯು ಚಿಲ್ಲರೆ ವ್ಯಾಪಾರಿ, ಅಂಗಡಿಯವನು ಅಥವಾ ಸ್ವಯಂ ಉದ್ಯೋಗಿಯಾಗಿರಬೇಕು. ಹಾಗೆಯೇ 18 ರಿಂದ 40 ವರ್ಷ ವಯಸ್ಸಿನವರಾಗಿರಬೇಕು ಮತ್ತು ವಾರ್ಷಿಕ ರೂ. 1.5 ಕೋಟಿ ಅಥವಾ ಕಡಿಮೆ ಆದಾಯವನ್ನು ಹೊಂದಿರಬೇಕು. ವ್ಯಕ್ತಿಯು ಸಂಘಟಿತ ವಲಯದಲ್ಲಿ (EPF/NPS/ESIC ನ ಸದಸ್ಯತ್ವ) ತೊಡಗಿಸಬಾರದು, ಪಿಎಂ-ಎಸ್‌ವೈಎಮ್‌ ನ ಫಲಾನುಭವಿ ಆಗಿರಬಾರದು. ಅರ್ಜಿ ಪ್ರಕ್ರಿಯೆಗಾಗಿ, ಸ್ವಯಂ ಪ್ರಮಾಣೀಕರಣದ ಆಧಾರದ ಮೇಲೆ, ಚಿಲ್ಲರೆ ವ್ಯಾಪಾರಿಗಳು/ಅಂಗಡಿಯವರು ಮತ್ತು ಸ್ವಯಂ ಉದ್ಯೋಗಿಗಳು ತಮ್ಮ ಸ್ಥಳೀಯ ಸಾಮಾನ್ಯ ಸೇವಾ ಕೇಂದ್ರಕ್ಕೆ (ಸಿಎಸ್‌ಸಿ) ಭೇಟಿ ನೀಡಬೇಕಾಗುತ್ತದೆ ಮತ್ತು ಎನ್‌ಪಿಎಸ್‌- ವ್ಯಾಪಾರಿಗಳಿಗೆ ತಮ್ಮ ಆಧಾರ್ ಕಾರ್ಡ್ ಮತ್ತು ಉಳಿತಾಯ ಬ್ಯಾಂಕ್/ ಜನ-ಧನ್ ಖಾತೆ ಸಂಖ್ಯೆಯನ್ನು ಬಳಸಿ ನೋಂದಾಯಿಸಿಕೊಳ್ಳಬೇಕು.

ಮೊದಲ ತಿಂಗಳ ನೋಂದಣಿಯನ್ನು ನಗದು ರೂಪದಲ್ಲಿ ಪಾವತಿಸಬೇಕು, ಮುಂದಿನ ತಿಂಗಳು ಹಣ ಕಡಿತವಾಗಲು ಆರಂಭವಾಗುತ್ತದೆ. ಬಳಿಕ ಚಿಲ್ಲರೆ ವ್ಯಾಪಾರಿಗಳು/ಅಂಗಡಿಕಾರರು ಮತ್ತು ಸ್ವಯಂ ಉದ್ಯೋಗಿಗಳು ತಮ್ಮ ಆಧಾರ್ ಸಂಖ್ಯೆಗಳು, ಉಳಿತಾಯ ಬ್ಯಾಂಕ್ ಖಾತೆ ಸಂಖ್ಯೆಗಳು ಮತ್ತು ಜನ-ಧನ್ ಖಾತೆ ಸಂಖ್ಯೆಗಳನ್ನು ಬಳಸಿಕೊಂಡು ಸ್ವಯಂ ನೋಂದಣಿ ಮಾಡಿಕೊಳ್ಳಲು ಎನ್‌ಪಿಎಸ್‌-ಟ್ರೇಡರ್ಸ್ ಆನ್‌ಲೈನ್ ಸೈಟ್‌ಗೆ ಭೇಟಿ ನೀಡ ಬಹುದು ಅಥವಾ ಎನ್‌ಪಿಎಸ್‌ ಬೈಲ್ ಅಪ್ಲಿಕೇಶನ್ ಡೌನ್‌ಲೋಡ್ ಮಾಡಿಕೊಳ್ಳಬಹುದು.

ರಾಷ್ಟ್ರೀಯ ಪಿಂಚಣಿ ಯೋಜನೆ ವೈಶಿಷ್ಟ್ಯಗಳೇನು?

ರಾಷ್ಟ್ರೀಯ ಪಿಂಚಣಿ ಯೋಜನೆಯು ಸ್ವಯಂಪ್ರೇರಿತ ಮತ್ತು ಕೊಡುಗೆಯ ಪಿಂಚಣಿ ವ್ಯವಸ್ಥೆಯಾಗಿದ್ದು, ಇದರ ಅಡಿಯಲ್ಲಿ ಚಂದಾದಾರರಿಗೆ 60 ನೇ ವಯಸ್ಸನ್ನು ತಲುಪಿದ ನಂತರ ಕನಿಷ್ಠ ಮಾಸಿಕ 3000 ರೂಪಾಯಿ ಪಿಂಚಣಿ ನೀಡಲಾಗುತ್ತದೆ ಮತ್ತು ಚಂದಾದಾರರು ಮೃತಪಟ್ಟರೆ, ಫಲಾನುಭವಿಯ ಸಂಗಾತಿಯು ಕುಟುಂಬ ಪಿಂಚಣಿಯಾಗಿ ಶೇ. 50 ರಷ್ಟು ಪಿಂಚಣಿಯನ್ನು ಪಡೆಯಲು ಅರ್ಹರಾಗಿರುತ್ತಾರೆ. ಆದರೆ ಕುಟುಂಬ ಪಿಂಚಣಿಗೆ ವ್ಯಕ್ತಿಯ ಪತ್ನಿ ಅಥವಾ ಪತಿ ಮಾತ್ರ ಅರ್ಹರಾಗಿರುತ್ತಾರೆ.

ಸೌಲಭ್ಯ ಕೇಂದ್ರಗಳು/ಸಹಾಯ ಕೇಂದ್ರಗಳಲ್ಲಿ, ಎಲ್ಲಾ ರಾಜ್ಯ ಮತ್ತು ಕೇಂದ್ರ ಸರ್ಕಾರದ ಕಾರ್ಮಿಕ ಕಚೇರಿಗಳಲ್ಲಿ, ಎಲ್ಲಾ ಎಲ್‌ಐಸಿ ಶಾಖಾ ಕಚೇರಿಗಳು ಮತ್ತು ಇಎಸ್‌ಐಸಿ/ಇಪಿಎಫ್‌ಒ ಕಚೇರಿಗಳು ಯೋಜನೆಯ ಬಗ್ಗೆ ಅಂದರೆ ಪ್ರಯೋಜನಗಳು, ಮತ್ತು ಅಗತ್ಯವಿರುವ ಕಾರ್ಯವಿಧಾನಗಳ ಬಗ್ಗೆ ಚಿಲ್ಲರೆ ವ್ಯಾಪಾರಿಗಳು/ಅಂಗಡಿಕಾರರು ಮತ್ತು ಸ್ವಯಂ ಉದ್ಯೋಗಿಗಳಿಗೆ ಸಂಪೂರ್ಣ ವಿವರಗಳನ್ನು ಒದಗಿಸಲು ಅನುಕೂಲ ಕೇಂದ್ರಗಳಾಗಿ ಕಾರ್ಯನಿರ್ವಹಿಸುತ್ತವೆ.

ಕಾರ್ಮಿಕ ಮತ್ತು ಉದ್ಯೋಗ ಸಚಿವಾಲಯವು ಪಿಎಂ-ಎಸ್‌ವೈಎಮ್‌ ಅನ್ನು ನೋಡಿಕೊಳ್ಳುತ್ತದೆ, ಇದನ್ನು ಭಾರತೀಯ ಜೀವ ವಿಮಾ ನಿಗಮ ಮತ್ತು ಸಿಎಸ್‌ಸಿ ಇ-ಆಡಳಿತ ಸೇವೆಗಳ ಭಾರತ ಲಿಮಿಟೆಡ್ (ಸಿಎಸ್‌ಸಿ ಎಸ್‌ಪಿವಿ) ನಿರ್ವಹಿಸುತ್ತದೆ. ಪಿಂಚಣಿ ನಿಧಿ ವ್ಯವಸ್ಥಾಪಕರು ಎಲ್‌ಐಸಿ ಆಗಿರುತ್ತಾರೆ ಮತ್ತು ಅವರು ಪಿಂಚಣಿ ಪಾವತಿಸುವ ಉಸ್ತುವಾರಿ ವಹಿಸುತ್ತಾರೆ. ಒಬ್ಬ ಸದಸ್ಯನು ನಿಯಮಿತವಾಗಿ ತನ್ನ ಕೊಡುಗೆಯನ್ನು ನೀಡದಿದ್ದರೆ, ಅವನಿಗೆ ಅಥವಾ ಅವಳಿಗೆ ಯಾವುದೇ ವಿಳಂಬ ಬಾಕಿಗಳನ್ನು ಮತ್ತು ಸರ್ಕಾರದಿಂದ ವಿಧಿಸಲಾದ ಯಾವುದೇ ದಂಡದ ವೆಚ್ಚವನ್ನು ವಿಧಿಸಲು ಈ ವ್ಯಕ್ತಿಗೆ ಅನುಮತಿಸಲಾಗುತ್ತದೆ. ಚಂದಾದಾರರು ಹೆಚ್ಚಿನ ವಿವರಗಳಿಗಾಗಿ ಗ್ರಾಹಕರ ಸೇವೆ ಸಂಖ್ಯೆ 1800 267 6888 ಗೆ ಕರೆ ಮಾಡಬಹುದು ಮತ್ತು ದಿನದ 24 ಗಂಟೆಗಳು, ವಾರದ ಏಳು ದಿನಗಳು ಲಭ್ಯವಿರುವ ಯೋಜನೆಗೆ ಸಂಬಂಧಿಸಿದ ಯಾವುದೇ ಅನುಮಾನ, ಸಮಸ್ಯೆಯನ್ನು ನಿರ್ವಹಿಸಬಹುದು. ಎನ್‌ಪಿಎಸ್‌ ನ ವೆಬ್ ಪೋರ್ಟಲ್/ಆಪ್ ಬಳಸಿ ದೂರುಗಳನ್ನು ಸಹ ನೋಂದಾಯಿಸಬಹುದು.

 

ಈ ಯೋಜನೆಯ ಅರ್ಜಿಯನ್ನು ಹಿಂತೆಗೆದುಕೊಳ್ಳಲು ಪಾಲಿಸಬೇಕಾದ ನಿಯಮ

ಕಾರ್ಮಿಕ ಮತ್ತು ಉದ್ಯೋಗ ಸಚಿವಾಲಯದ ಅಧಿಕೃತ ವೆಬ್‌ಸೈಟ್‌ನ ಪ್ರಕಾರ ರಾಷ್ಟ್ರೀಯ ಪಿಂಚಣಿ ಯೋಜನೆಯಡಿ ನಿರ್ಗಮಿಸಲು ಮತ್ತು ಹಿಂತೆಗೆದುಕೊಳ್ಳಲು ನಿಯಮಗಳು ಇದೆ. ಅವನು/ ಅವಳು 10 ವರ್ಷಕ್ಕಿಂತ ಕಡಿಮೆ ಅವಧಿಯಲ್ಲಿ ಸ್ಕೀಮ್‌ನಿಂದ ನಿರ್ಗಮಿಸಿದರೆ, ಫಲಾನುಭವಿಯ ಪಾಲು ಮಾತ್ರ ಆತನಿಗೆ ಉಳಿತಾಯ ಬ್ಯಾಂಕ್ ಬಡ್ಡಿದರದೊಂದಿಗೆ ಮರಳುತ್ತದೆ. ಚಂದಾದಾರರು 10 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ಅವಧಿಯ ನಂತರ ಆದರೆ ವ್ಯಕ್ತಿಗೆ 60 ವರ್ಷ ಆಗುವುದಕ್ಕಿಂತ ಮುಂಚೆಯೇ ನಿರ್ಗಮಿಸಿದರೆ ಫಲಾನುಭವಿಯ ಪಾಲು ಮತ್ತು ಸಂಗ್ರಹಿಸಿದ ಬಡ್ಡಿಯನ್ನು ವಾಸ್ತವವಾಗಿ ನಿಧಿ ಅಥವಾ ಉಳಿತಾಯ ಬ್ಯಾಂಕ್ ಬಡ್ಡಿದರದಲ್ಲಿ ಯಾವುದು ಅಧಿಕವಾಗಿದೆಯೋ ಅದನ್ನು ಗಳಿಸುತ್ತಾನೆ ಅಥವಾ ಗಳಿಸುತ್ತಾಳೆ.

ಫಲಾನುಭವಿ ನಿಯಮಿತ ಕೊಡುಗೆಗಳನ್ನು ನೀಡಿದ್ದರೆ ಮತ್ತು 60 ವರ್ಷಗಳ ಮೊದಲು ಯಾವುದೇ ಕಾರಣದಿಂದ ಶಾಶ್ವತವಾಗಿ ಅಂಗವಿಕಲರಾಗಿದ್ದರೆ ಮತ್ತು ಯೋಜನೆಯ ಅಡಿಯಲ್ಲಿ ಮುಂದುವರಿಯಲು ಸಾಧ್ಯವಾಗದಿದ್ದರೆ, ಅವನ/ ಅವಳ ಸಂಗಾತಿಯು ನಿಯಮಿತವಾಗಿ ಕೊಡುಗೆಯನ್ನು ಪಾವತಿಸುವ ಮೂಲಕ ಯೋಜನೆಯನ್ನು ಮುಂದುವರಿಸಲು ಅರ್ಹರಾಗಿರುತ್ತಾರೆ. ಅಥವಾ ಫಂಡ್‌ನಿಂದ ಗಳಿಸಿದಂತೆ ಅಥವಾ ಉಳಿತಾಯ ಬ್ಯಾಂಕ್ ಬಡ್ಡಿದರದಲ್ಲಿ ಯಾವುದು ಅಧಿಕವಾಗಿದೆಯೋ ಅದರಂತೆ ಫಲಾನುಭವಿಯ ಕೊಡುಗೆಯನ್ನು ಬಡ್ಡಿಯೊಂದಿಗೆ ಪಡೆಯುವ ಮೂಲಕ ಯೋಜನೆಯಿಂದ ನಿರ್ಗಮಿಸಬಹುದಾಗಿದೆ. ಚಂದಾದಾರರು ಮತ್ತು ಅವರ ಸಂಗಾತಿಯ ಮರಣದ ನಂತರ, ಸಂಪೂರ್ಣ ಕಾರ್ಪಸ್ ಅನ್ನು ನಿಧಿಗೆ ಮರಳಿ ಜಮಾ ಮಾಡಲಾಗುತ್ತದೆ.

ಹಾಗಾದರೆ ಈ ಪಿಂಚಣಿಯ ಕೊಡುಗೆ ಎಷ್ಟು?

ಎಸ್‌ಪಿಎಸ್‌- ಟ್ರೇಡರ್ಸ್‌ಗೆ ಸೇರಿದ ದಿನಾಂಕದಿಂದ 60 ವರ್ಷ ವಯಸ್ಸಿನವರೆಗೆ, ಅವನ/ ಅವಳ ಉಳಿತಾಯ ಬ್ಯಾಂಕ್ ಖಾತೆ/ ಜನ-ಧನ್ ಖಾತೆಯಿಂದ ಆಟೋ-ಡೆಬಿಟ್ ವೈಶಿಷ್ಟ್ಯವನ್ನು ಬಳಸಿಕೊಂಡು ವಯಸ್ಸಿಗೆ ಅನುಗುಣವಾಗಿ ಫಂಡ್‌ಗೆ ಕೊಡುಗೆಗಳನ್ನು ನೀಡಬಹುದಾಗಿದೆ. ಇದು ವಯಸ್ಸಿನ ಆಧಾರದಲ್ಲಿ ನಿರ್ಧರಿತವಾಗುತ್ತದೆ. 18 ವರ್ಷದಲ್ಲಿ ಈ ಯೋಜನೆಗೆ ಸೇರಿಕೊಂಡರೆ 60 ವರ್ಷದವರೆಗೆ ಆ ವ್ಯಕ್ತಿಯ ಖಾತೆಯಿಂದ 55 ರೂಪಾಯಿ ಕಡಿತವಾಗುತ್ತದೆ ಹಾಗೆಯೇ ಅಷ್ಟೇ ಪ್ರಮಾಣದ ಹಣವು ಕೇಂದ್ರ ಸರ್ಕಾರ ಪಾವತಿ ಮಾಡಲಿದೆ. ಒಟ್ಟಾಗಿ ವ್ಯಕ್ತಿಯ ಈ ಪಿಂಚಣಿ ಯೋಜನೆಗಾಗಿ ತಿಂಗಳಿಗೆ 110 ರೂಪಾಯಿ ಜಮೆ ಆಗಲಿದೆ. ಎಲ್ಲಾ ವಯೋ ವಿಭಾಗದ ಜನರು ಎಷ್ಟು ಮಾಡುತ್ತಾರೋ ಅಷ್ಟೇ ಪ್ರಮಾಣದ ಹಣವನ್ನು ಸರ್ಕಾರವೂ ಕೂಡಾ ಹಾಕಲಿದೆ.

• 18 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 55 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 110 ಜಮೆ

• 19 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 58 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 116 ಜಮೆ

• 20 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 61 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 122 ಜಮೆ

• 21 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 64 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 128 ಜಮೆ

• 22 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 68 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 136 ಜಮೆ

• 23 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 72 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 144 ಜಮೆ

• 24 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 76 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 152 ಜಮೆ

• 25 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 80 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 160 ಜಮೆ

• 26 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 85 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 170 ಜಮೆ

• 27 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 90 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 180 ಜಮೆ

• 28 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 95 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 190 ಜಮೆ

• 29 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 100 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 200 ಜಮೆ

• 30 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 105 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 210 ಜಮೆ

• 31 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 110 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 220 ಜಮೆ

• 32 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 120 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 240 ಜಮೆ

• 33 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 130 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 260 ಜಮೆ

• 34 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 140 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 280 ಜಮೆ

• 35 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 150 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 300 ಜಮೆ

• 36 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 160 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 320 ಜಮೆ

• 37 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 170 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 340 ಜಮೆ

• 38 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 180 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 360 ಜಮೆ

• 39 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 190 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 380 ಜಮೆ

• 40 ವರ್ಷದ ವ್ಯಕ್ತಿಯ ಖಾತೆಯಿಂದ ತಿಂಗಳಿಗೆ 200 ರೂಪಾಯಿ ಕಡಿತ, ಪಿಂಚಣಿ ಖಾತೆಗೆ 400 ಜಮೆ