54 ವಯಸ್ಸಲ್ಲಿ ಉದ್ಯಮ ಆರಂಭ, 16,800 ಕೋಟಿ ಆಸ್ತಿ ಒಡೆಯ ಅಶೋಕ್ ಬೂಬ್ ಯಾರು?

ಉದ್ಯಮ ಆರಂಭ ಮಾಡಿದ ಸಮಯ

ಅಶೋಕ್ ಬೂಬ್ ಉದ್ಯಮವನ್ನು ತೊರೆದ ಸಂದರ್ಭದಲ್ಲೇ ಅವರ ಸೋದರಳಿಯ ಸಿದ್ಧಾರ್ತ್ ಸಿಕ್ಚಿ ಆರ್ಗನಿಕ್ ಕೆಮೆಸ್ಟ್ರೀಯಲ್ಲಿ ಸ್ನಾತಕೋತ್ತರ ಪದವಿಯನ್ನು ಪೂರ್ಣಗೊಳಿಸಿದ್ದರು. ಅಂದರೆ ಮೇ 2006ರಲ್ಲಿ. ಬೂಬ್ ಹಾಗೂ ಸಿದ್ಧಾರ್ತ್ ಇಬ್ಬರೂ ಮುಂಬೈನ ಇನ್ಸಿಟ್ಯೂಟ್ ಆಫ್ ಕೆಮಿಕಲ್ ಟೆಕ್ನಾಲಜಿಯಲ್ಲಿ ಪದವಿಯನ್ನು ಪಡೆದವರು. ಇಬ್ಬರಿಗೂ ಕೆಮಿಕಲ್ ಅಥವಾ ರಾಸಾಯನಿಕಗಳ ಬಗ್ಗೆ ಉತ್ತಮ ಅರಿವಿತ್ತು. ಅವರಿಬ್ಬರೂ ಜೊತೆಯಾಗಿ ಉದ್ಯಮವನ್ನು ಆರಂಭ ಮಾಡುವ ನಿರ್ಧಾರವನ್ನು ಮಾಡಿ ಗುಜರಾತ್‌ನ ವಾಪಿಯಲ್ಲಿ 300 ಚದರ ಮೀಟರ್‌ನ ಲ್ಯಾಬ್ ಅನ್ನು ತೆರೆದರು. ಲ್ಯಾಬ್ ತೆರೆದ ಬಳಿಕವೂ ಬಂಡವಾಳದ ಕೊರತೆ ಇತ್ತು ಹಾಗೂ ಯೋಜನೆಯನ್ನು ಸಂಪೂರ್ಣವಾಗಿ ಮಾಡಿರಲಿಲ್ಲ.

(image credit to forbes)

ಪರಿಸರ ಕಲುಷಿತ: ಅಶೋಕ್ ನಡೆ

ತಾನು 30 ವರ್ಷಗಳ ಕಾಲ ಈ ಕ್ಷೇತ್ರದಲ್ಲಿ ದುಡಿದ ಕಾರಣದಿಂದಾಗಿ ಈ ಉದ್ಯಮದ ಮುಂದಿನ ಹಂತವು ಉತ್ತಮವಾಗಿರಬೇಕು ಎಂಬ ದೃಢ ನಿರ್ಧಾರವನ್ನು ಅಶೋಕ್ ಬೂಬ್ ಮಾಡಿಕೊಂಡಿದ್ದರು. ಆದರೆ ಭಾರತದಲ್ಲಿ ಹಲವಾರು ಪರಿಸರ ಸಂಬಂಧಿ ವಿಚಾರಗಳಿಂದಾಗಿ ವಾಪಿಯಲ್ಲಿನ ಲ್ಯಾಬ್‌ಗಳು ಮುಚ್ಚುವ ಪ್ರಕ್ರಿಯೆ ಆರಂಭವಾಗಿತ್ತು. ಈ ಸಂದರ್ಭದಲ್ಲೇ ಚೀನಾದಲ್ಲಿ ಲ್ಯಾಬ್‌ಗಳ ನೀರು ಬಿಡುಗಡೆಯಿಂದಾಗಿ ನದಿ ಕಲುಷಿತವಾಗಿರುವ ಸುದ್ದಿಯನ್ನು ನೋಡಿದ ಅಶೋಕ್ ಬೂಬ್ ಸಸ್ಟೆನೇಬಲ್ ಟೆಕ್ನಾಲಜಿಯತ್ತ ಚಿತ್ತ ಹರಿಸಿದರು. ಹಾಗೆಯೇ ತನ್ನ ಈ ಹಿಂದಿನ ಮಾಲೀಕರ ಸಂಸ್ಥೆಯೊಂದಿಗೆ ಸ್ಪರ್ಧಿಸುವ ಯಾವುದೇ ಉದ್ದೇಶವೂ ನನಗೆ ಇಲ್ಲ ಎಂದು ಕೂಡಾ ಹೇಳಿಕೊಂಡರು.

ಸಂಸ್ಥೆಯ ಬೆಳವಣಿಗೆ ಹೇಗಿದೆ?

ಅಶೋಕ್ ಬೂಬ್ ಹಾಗೂ ಸಿದ್ಧಾರ್ತ್ ಸಿಕ್ಚಿ ವಿಶೇಷ ರಾಸಾಯನಿಕಗಳನ್ನು ಉತ್ಪಾದನೆ ಮಾಡುವ ತಂತ್ರಜ್ಞಾನದ ಬೆಳವಣಿಗೆ ಕಾರ್ಯವನ್ನು ಆರಂಭ ಮಾಡಿದರು. ಪ್ರಸ್ತುತ ಕೆಲವೇ ಕೆಲವೂ ಸಂಸ್ಥೆಗಳು ಈ ರಾಸಾಯನಿಕ ಉತ್ಪಾದನೆ ಮಾಡುತ್ತದೆ. ಇದಕ್ಕೆ ಸಾಕಷ್ಟು ಸಮಯ ಹಾಗೂ ಸಂಶೋದನೆ ಅಗತ್ಯವಾಗಿದೆ. ಅದಾದ ಬಳಿಕ ಅಶೋಕ್, ಸಿಕ್ಚಿ ಹೈಡ್ರೋಕ್ಸೈಲೇಷನ್ ಟೆಕ್ನಾಲಜಿಯತ್ತ ಗಮನಹರಿಸಿದರು. 2009-2010ರ ಅವಧಿಗೆ ಈ ಉದ್ಯಮವು ಸುಮಾರು 10 ಕೋಟಿ ಆದಾಯವನ್ನು ಹೊಂದಿರುವ ಉದ್ಯಮವಾಗಿ ಬೆಳವಣಿಗೆ ಹೊಂದಿತು.

ದೇಶಕ್ಕೆ ಸಂಸ್ಥೆಯ ಕೊಡುಗೆ

ರಾಸಾಯನಿಕಗಳ ಉತ್ಪಾದನೆ ಮೂಲಕ ಅಶೋಕ್ ಬೂಬ್ ಹಾಗೂ ಸಿದ್ಧಾರ್ತ್ ಸಿಕ್ಚಿ ಭಾರತವು ಜಾಗತಿಕ ನಾಯಕತ್ವದ ರಾಷ್ಟ್ರವಾಗಿ ಮಾರ್ಪಡಾಗಲು ಸಹಾಯ ಮಾಡಿದ್ದಾರೆ. ಈ ಸಂಸ್ಥೆಯು ಕಳೆದ ಐದು ವರ್ಷಗಳಿಂದ ಉತ್ತಮ ಬೆಳವಣಿಗೆಯನ್ನು ಕಾಣುತ್ತಿದೆ. ಹಾಗೆಯೇ ಉತ್ತಮ ಹಣಕಾಸು ಸ್ಥಿತಿಯನ್ನು ಹೊಂದಿದೆ. ಇನ್ನು ಅಶೋಕ್ ಬೂಬ್ ಮಾಲೀಕತ್ವದ ಸಂಸ್ಥೆಗಳು ಕೋಟ್ಯಾಂತರ ರೂಪಾಯಿ ಆದಾಯವನ್ನು ಹೊಂದಿದೆ.