ದುಬೈನಲ್ಲಿ ಅತೀ ದುಬಾರಿ ಮನೆ ಖರೀದಿಸಿದ ಅಂಬಾನಿ, ಹೀಗಿದೆ ನೋಡಿ!

ದುಬೈನಲ್ಲಿರುವ ಅಂಬಾನಿ ಮನೆ ಹೇಗಿದೆ?

ದುಬೈನಲ್ಲಿ ಮುಕೇಶ್ ಅಂಬಾನಿ ತನ್ನ ಪುತ್ರ ಅನಂತ್ ಅಂಬಾನಿಗಾಗಿ ಖರೀದಿ ಮಾಡಿರುವ ಮನೆಯು ಸಮುದ್ರ ತೀರದಲ್ಲಿರುವ ಮನೆಯಾಗಿದೆ. ಇದು ಸುಮಾರು ಹತ್ತು ಬೆಡ್‌ರೂಮ್‌ಗಳನ್ನು ಹೊಂದಿದೆ. ಖಾಸಗೀ ಸ್ಪಾ ಕೂಡಾ ಇದರಲ್ಲಿ ಇದೆ. ಒಳಾಂಗಣ ಹಾಗೂ ಹೊರಾಂಗಣ ಪೂಲ್‌ಗಳು ಕೂಡಾ ಇದೆ. ಹಾಗೆಯೇ ಖಾಸಗಿ ಥಿಯೇಟರ್, ಜಿಮ್ ಸೇರಿದಂತೆ ಹಲವಾರು ಐಷಾರಾಮಿ ಸೌಕರ್ಯಗಳು ಇದೆ ಎಂದು ಮಾಹಿತಿ ಲಭ್ಯವಾಗಿದೆ.

ಮುಕೇಶ್‌ ಅಂಬಾನಿಯನ್ನು ಹಿಂದಿಕ್ಕಿ ಏಷ್ಯಾದ ಶ್ರೀಮಂತ ವ್ಯಕ್ತಿಯಾದ ಗೌತಮ್ ಅದಾನಿ

ರಿಯಲ್ ಎಸ್ಟೇಟ್‌ನಲ್ಲಿ ಹೂಡಿಕೆ ಹೆಚ್ಚಿಸುತ್ತಿರುವ ಅಂಬಾನಿ ಕುಟುಂಬ

ಅಂಬಾನಿ ಕುಟುಂಬವು ರಿಯಲ್ ಎಸ್ಟೇಟ್‌ನಲ್ಲಿ ತನ್ನ ಹೂಡಿಕೆಯನ್ನು ಅಧಿಕ ಮಾಡುತ್ತಿದೆ. ಮುಕೇಶ್ ಅಂಬಾನಿಯ ಮೂವರು ಮಕ್ಕಳು ಕೂಡಾ ವಿದೇಶಗಳಲ್ಲಿ ತಮ್ಮ ಎರಡನೇ ಮನೆಯನ್ನು ನಿರ್ಮಾಣ ಮಾಡಲು ಮುಂದಾಗಿದ್ದಾರೆ. ಕಳೆದ ವರ್ಷ ರಿಲಯನ್ಸ್ 79 ಮಿಲಿಯನ್ ಡಾಲರ್ ವೆಚ್ಚದಲ್ಲಿ ಯುಕೆಯಲ್ಲಿ ಸ್ಟೋಲ್ ಪಾರ್ಕ್ ಲಿಮಿಡೆಟ್ ಅನ್ನು ಖರೀದಿ ಮಾಡಿದೆ. ಈ ಮನೆಯು ಹಿರಿಯ ಪುತ್ರ ಆಕಾಶ್‌ಗಾಗಿ ಖರೀದಿ ಮಾಡಲಾಗಿದೆ ಎಂಬ ಮಾಹಿತಿಯಿದೆ. ಇನ್ನು ಆಕಾಶ್‌ನ ಅವಳಿ ಸಹೋದರಿ ಇಶಾ ನ್ಯೂಯಾರ್ಕ್‌ನಲ್ಲಿ ಮನೆ ಖರೀದಿ ಮಾಡಲು ಮುಂದಾಗಿದ್ದಾರೆ.

ಅಂಬಾನಿಯ ಅಂಟಿಲಿಯಾ ಎಂಬ ಐಷಾರಾಮಿ ಮನೆ

ಪ್ರಸ್ತುತ ಮುಕೇಶ್ ಅಂಬಾನಿ ಕುಟುಂಬವು ಮುಂಬೈನಲ್ಲಿರುವ ಅಂಟಿಲಿಯಾದಲ್ಲಿ ವಾಸವಾಗಿದ್ದಾರೆ. 2012ರಿಂದ ಕುಟುಂಬ ಅಲ್ಲಿಯೇ ವಾಸವಾಗಿದೆ. ಅಂಟಿಲಿಯಾವು 27 ಮಹಡಿಯನ್ನು ಹೊಂದಿರುವ ಮನೆಯಾಗಿದ್ದು, ಇದು 40 ಸಾವಿರ ಚದರ ವಿಸ್ತ್ರೀರ್ಣದಲ್ಲಿದೆ. ಮನೆಯಲ್ಲಿ ಸುಮಾರು 168 ಕಾರುಗಳು ಇದ್ದು, 7 ಅಂತಸ್ತಿನ ಕಾರು ಗ್ಯಾರೇಜ್ ಇದೆ. ಈಜುಕೊಳ, ಆರೋಗ್ಯ ಕೇಂದ್ರ, ಥಿಯೇಟರ್ ಇದೆ. ಸುಮಾರು 600 ಉದ್ಯೋಗಿಗಳು ಇಲ್ಲಿ ಇದ್ದಾರೆ.

ಮುಕೇಶ್ ಅಂಬಾನಿ ವೇತನ ಎಷ್ಟಿದೆ?

ಇತ್ತೀಚೆಗೆ ಬಿಲಿಯನೇರ್ ಉದ್ಯಮಿ ಗೌತಮ್ ಅದಾನಿ, ಮುಕೇಶ್ ಅಂಬಾನಿಯನ್ನು ಹಿಂದಿಕ್ಕಿ ಏಷ್ಯಾದ ಶ್ರೀಮಂತ ವ್ಯಕ್ತಿ ಎನಿಸಿಕೊಂಡಿದ್ದಾರೆ. ಆದರೆ ರಿಲಯನ್ಸ್ ಇಂಡಸ್ಟ್ರೀಸ್ ಸಂಸ್ಥೆಯ ಮುಖ್ಯಸ್ಥ ಮುಕೇಶ್ ಅಂಬಾನಿ ಏಷ್ಯಾದ ಎರಡನೇ ಅತೀ ದೊಡ್ಡ ಶ್ರೀಮಂತ ವ್ಯಕ್ತಿಯಾಗಿದ್ದಾರೆ. ಆದರೆ ಮುಕೇಶ್ ಅಂಬಾನಿಯ ವೇತನವನ್ನು ಕೇಳಿದ್ರೆ ನೀವು ಶಾಕ್ ಆಗುವುದಂತೂ ಖಂಡಿತ. ಸತತ ಎರಡನೇ ವರ್ಷ ತನ್ನ ಸಂಸ್ಥೆ ರಿಲಯನ್ಸ್ ಇಂಡಸ್ಟ್ರೀಸ್‌ನಿಂದ ಯಾವುದೇ ವೇತನವನ್ನು ಪಡೆದಿಲ್ಲ. ಕಳೆದ ಹಣಕಾಸು ವರ್ಷದಲ್ಲಿ ಕೊರೊನಾ ಸಾಂಕ್ರಾಮಿಕದ ಕಾರಣದಿಂದಾಗಿ ಮುಕೇಶ್ ಅಂಬಾನಿ ತನ್ನ ಸಂಸ್ಥೆಯಿಂದ ಯಾವುದೇ ಸಂಬಳವನ್ನು ಪಡೆದುಕೊಂಡಿಲ್ಲ. ಈ ಹಣಕಾಸು ವರ್ಷದಲ್ಲೂ ವೇತನವನ್ನು ಪಡೆದಿಲ್ಲ.