ಸರ್ಕಾರದ ಈ ಕಂಪನಿ ಎಫ್ಡಿ ಮೇಲೆ ಶೇ. 8 ಬಡ್ಡಿ ದರ ವಿಧಿಸುತ್ತದೆ, ಹೂಡಿಕೆ ಮಾಡಬಹುದೇ?
ಹಣವನ್ನು ಹೂಡಿಕೆ ಮಾಡುವ ಮೊದಲು ನೂರೆಂಟು ಬಾರಿ ಯೋಚಿಸಿ ನಾವು ನಿರ್ಧಾರವನ್ನು ಕೈಗೊಳ್ಳಬೇಕು. ಹಲವಾರು ಸುರಕ್ಷಿತ ಹೂಡಿಕೆಯನ್ನು ಮಾಡುವ ಬಗ್ಗೆಯೇ ಅತಿ ಹೆಚ್ಚಿನ ಆದ್ಯತೆಯನ್ನು ನೀಡುತ್ತಾರೆ. ನಾವು ಮಾಡಿದ ಈ ಹೂಡಿಕೆಯು ನಮ್ಮ ಭವಿಷ್ಯಕ್ಕೆ ಸಹಕಾರಿಯಾಗಬೇಕು ಎಂಬುವುದು ಎಲ್ಲಾ ಹೂಡಿಕೆದಾರರಲ್ಲಿ ಇರುವ ಭಾವನೆಯಾಗಿದೆ. ಇನ್ನು ಸುರಕ್ಷಿತ ಠೇವಣಿ ವಿಚಾರಕ್ಕೆ ನಾವು ಬಂದಾಗ ಹಲವಾರು ಮಂದಿ ನಿಶ್ಚಿತ ಠೇವಣಿಗಳನ್ನು, (ಫಿಕ್ಸಿಡ್ ಡೆಪಾಸಿಟ್) ಸಾಮಾನ್ಯವಾಗಿ ಆಯ್ಕೆ ಮಾಡುತ್ತಾರೆ.
ಅದರಲ್ಲೂ ಅಧಿಕ ಮಂದಿ ಹಿರಿಯ ನಾಗರಿಕರು ಈ ಫಿಕ್ಸಿಡ್ ಡೆಪಾಸಿಟ್ಗೆ ಆದ್ಯತೆ ನೀಡುತ್ತಾರೆ. ಬಡ್ಡಿ ದರದಲ್ಲೇ ನಿವೃತ್ತಿ ಜೀವನದ ಕೊಂಚ ಖರ್ಚನ್ನು ನಿಭಾಯಿಸಬಹುದು ಎಂಬುವುದು ಇದರ ಹಿಂದಿನ ಉದ್ದೇಶವಾಗಿರುತ್ತದೆ. ಈ ಠೇವಣಿದಾರರಿಗೆ ತಮಿಳುನಾಡು ಸರ್ಕಾರದ ಸಂಸ್ಥೆಗಳು ಫಿಕ್ಸಿಡ್ ಡೆಪಾಸಿಟ್ಗೆ ಅಧಿಕ ಬಡ್ಡಿದರ ನೀಡಲು ಮುಂದಾಗಿದೆ.
ಕೊರೊನಾ ನಂತರದ ಜೀವನ ವೈಯಕ್ತಿಕ ಆರ್ಥಿಕ ಸಲಹೆಗಾರ ವೃತ್ತಿಯತ್ತ, ಯಾಕೆ?
ತಮಿಳುನಾಡು ಸರ್ಕಾರದಡಿಯಲ್ಲಿ ಬರುವ ತಮಿಳುನಾಡು ಪವರ್ ಫಿನಾನ್ಸ್ ಹಾಗೂ ಇನ್ಫಾಸ್ಟ್ರಕ್ಚರ್ ಡೆವಲಪ್ಮೆಂಟ್ ಕಾರ್ಪೋರೇಷನ್ (ತಮಿಳುನಾಡು ಪವರ್ ಫಿನಾನ್ಸ್) ಈಗ ಫಿಕ್ಸಿಡ್ ಡೆಪಾಸಿಟ್ ಮೇಲೆ ಅಧಿಕ ಬಡ್ಡಿದರವನ್ನು ನೀಡುತ್ತಿದೆ. ವೈಯಕ್ತಿಕ ಫಿಕ್ಸಿಡ್ ಡೆಪಾಸಿಟ್ ಮೇಲಿನ ಬಡ್ಡಿದರ ಶೇಕಡ 8 ಹಾಗೆಯೇ ಹಿರಿಯ ನಾಗರಿಕರಿಗೆ ಶೇಕಡ 8.5 ಬಡ್ಡಿದರವನ್ನು ನೀಡುತ್ತದೆ. ಸರ್ಕಾರದ ಬ್ಯಾಂಕ್ಗಳನ್ನು ಹೋಲಿಕೆ ಮಾಡಿದಾಗ ಈ ಬಡ್ಡಿದರವು ಅತೀ ಉತ್ತಮವಾಗಿದೆ.
ಎಫ್ಡಿಗಳ ಮೇಲೆ ತಮಿಳುನಾಡು ಪವರ್ ಫಿನಾನ್ಸ್ ನೀಡುವ ಬಡ್ಡಿ ದರ
12 ತಿಂಗಳು: ವೈಯಕ್ತಿಕ ಎಫ್ಡಿ ಬಡ್ಡಿ ದರ ಶೇಕಡ 7.00, ಹಿರಿಯ ನಾಗರಿಕರಿಗೆ ಎಫ್ಡಿ ಬಡ್ಡಿ ದರ ಶೇಕಡ 7.25
24 ತಿಂಗಳು: ವೈಯಕ್ತಿಕ ಎಫ್ಡಿ ಬಡ್ಡಿ ದರ ಶೇಕಡ 7.25, ಹಿರಿಯ ನಾಗರಿಕರಿಗೆ ಎಫ್ಡಿ ಬಡ್ಡಿ ದರ ಶೇಕಡ 7.50
36 ತಿಂಗಳು: ವೈಯಕ್ತಿಕ ಎಫ್ಡಿ ಬಡ್ಡಿ ದರ ಶೇಕಡ 7.75 ಹಿರಿಯ ನಾಗರಿಕರಿಗೆ ಎಫ್ಡಿ ಬಡ್ಡಿ ದರ ಶೇಕಡ 8.25
48 ತಿಂಗಳು: ವೈಯಕ್ತಿಕ ಎಫ್ಡಿ ಬಡ್ಡಿ ದರ ಶೇಕಡ 7.75 ಹಿರಿಯ ನಾಗರಿಕರಿಗೆ ಎಫ್ಡಿ ಬಡ್ಡಿ ದರ ಶೇಕಡ 8.25
60 ತಿಂಗಳು: ವೈಯಕ್ತಿಕ ಎಫ್ಡಿ ಬಡ್ಡಿ ದರ ಶೇಕಡ 8.00 ಹಿರಿಯ ನಾಗರಿಕರಿಗೆ ಎಫ್ಡಿ ಬಡ್ಡಿ ದರ ಶೇಕಡ 8.50
ಬ್ಯಾಂಕುಗಳಿಗೆ ಹೋಲಿಸಿದರೆ ಉತ್ತಮ ಬಡ್ಡಿದರ
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಫಿಕ್ಸಿಡ್ ಡೆಪಾಸಿಟ್ಗಳ ಮೇಲೆ ಉತ್ತಮ ಬಡ್ಡಿ ದರ ಶೇಕಡ 5.5 ನೀಡುವ ಸಂದರ್ಭದಲ್ಲಿ ತಮಿಳುನಾಡು ಪವರ್ ಫಿನಾನ್ಸ್ ಹಾಗೂ ಇನ್ಫಾಸ್ಟ್ರಕ್ಚರ್ ಡೆವಲಪ್ಮೆಂಟ್ ಕಾರ್ಪೋರೇಷನ್ ಫಿಕ್ಸಿಡ್ ಡೆಪಾಸಿಟ್ಗಳ ಮೇಲೆ ನೀಡುವ ಬಡ್ಡಿ ದರ ಕಡಿಮೆ ಏನಿಲ್ಲ. ಹಿರಿಯ ನಾಗರಿಕರಿಗೆ ತಮಿಳುನಾಡು ಪವರ್ ಫಿನಾನ್ಸ್ ಹಾಗೂ ಇನ್ಫಾಸ್ಟ್ರಕ್ಚರ್ ಡೆವಲಪ್ಮೆಂಟ್ ಕಾರ್ಪೋರೇಷನ್ ಫಿಕ್ಸಿಡ್ ಡೆಪಾಸಿಟ್ಗಳ ಮೇಲೆ ಶೇಕಡ 8.50 ಬಡ್ಡಿದರವನ್ನು ನೀಡುವುದು ಸದ್ಯಕ್ಕೆ ಸಾಟಿಯಿಲ್ಲದು. ಇನ್ನು ಈ ಸಂಸ್ಥೆಗಳ ವೆಬ್ಸೈಟ್ ಅತೀ ಅಧಿಕ ಸಹಕಾರಿಯಾಗಿದೆ ಎನ್ನಲಾಗಿದೆ. ಈ ವೆಬ್ಸೈಟ್ ಮೂಲಕ ಆನ್ಲೈನ್ ಡೆಪಾಸಿಟ್ ಖಾತೆಯನ್ನು ತೆರಯಬಹುದಾಗಿದೆ ಎನ್ನಲಾಗಿದೆ. ನಿಮಗೆ ಮಧ್ಯಸ್ಥರ ವಿಚಾರದಲ್ಲಿ ಯಾವುದೇ ಅನುಮಾನ ಇದ್ದರೆ, ನೀವೇ ಆನ್ಲೈನ್ ಮೂಲಕ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬಹುದು. ಆನ್ಲೈನ್ ಮೂಲಕವೇ ನೀವು ಫಿಕ್ಸಿಡ್ ಡೆಪಾಸಿಟ್ ಖಾತೆಗಳನ್ನು ತೆರೆಯಬಹುದಾಗಿದೆ. ಯಾರು ಫಿಕ್ಸಿಡ್ ಡೆಪಾಸಿಟ್ ಮೇಲೆ ಅತೀ ಹೆಚ್ಚಿನ ಬಡ್ಡಿ ದರವನ್ನು ಬಯಸುತ್ತಾರೋ ಅವರು ತಮಿಳುನಾಡು ಪವರ್ ಫಿನಾನ್ಸ್ನಲ್ಲಿ ಫಿಕ್ಸಿಡ್ ಡೆಪಾಸಿಟ್ ಇಡಬಹುದಾಗಿದೆ.
EPFO ಸದಸ್ಯರಿಗೆ ರಿಲೀಫ್: ಆಧಾರ್-UAN ಲಿಂಕ್ ಮಾಡುವ ಗಡುವು ವಿಸ್ತರಣೆ
ನಿಶ್ಚಿತ ಠೇವಣಿಗಳ ಮಧ್ಯಾವಧಿಯನ್ನು ಆಯ್ಕೆ ಮಾಡಿ
ನೀವು ಯಾವುದೇ ಸಂದರ್ಭದಲ್ಲಿ ಫಿಕ್ಸಿಡ್ ಡೆಪಾಸಿಟ್ ಇಡಲು ಮುಂದಾದಾಗ ನೀವು ಅತೀ ದೀರ್ಘ ಕಾಲದ ಫಿಕ್ಸಿಡ್ ಡೆಪಾಸಿಟ್ ಇಡುವ ಬದಲಾಗಿ, ಸಣ್ಣ ಅಥವಾ ಮಧ್ಯಮ ಅವಧಿಯಲ್ಲಿ ಫಿಕ್ಸಿಡ್ ಡೆಪಾಸಿಟ್ ಅನ್ನು ಇಡಿ. ಸುಮಾರು ಮೂರು ವರ್ಷಗಳಿಗಿಂತ ಅಧಿಕ ಕಾಲ ಫಿಕ್ಸಿಡ್ ಡೆಪಾಸಿಟ್ ಅನ್ನು ನೀವು ಇರಿಸಬೇಡಿ. ಈ ಬಡ್ಡಿದರದಲ್ಲಿ ಯಾವುದಾದರೂ ಬದಲಾವಣೆಯಾಗುವ ಸಾಧ್ಯತೆಗಳು ಕೂಡಾ ಇರುತ್ತದೆ. ನೀವು ಸುಮಾರು ಐದು ವರ್ಷಗಳ ಕಾಲದ ಹೂಡಿಕೆಯನ್ನು ಮಾಡಿದ್ದೀರಿ ಎಂದು ಊಹಿಸಿಕೊಳ್ಳಿ, ಆ ಸಂದರ್ಭದಲ್ಲಿ ಬಡ್ಡಿ ದರವು ಹೆಚ್ಚಾದರೆ, ನೀವು ಈ ಸಂದರ್ಭದಲ್ಲಿ ಹಣವನ್ನು ಅಕಾಲಿಕವಾಗಿ ವಾಪಾಸ್ ಪಡೆಯಬೇಕಾದರೆ ನಿಮಗೆ ಅಧಿಕ ದಂಡ ಬೀಳುತ್ತದೆ. ಆದ್ದರಿಂದ ಎರಡು ಮೂರು ವರ್ಷಗಳ ಡೆಪಾಸಿಟ್ ಉತ್ತಮವಾಗಿದೆ. ಹಾಗೆಯೇ ನೀವು ಒಂದು ವರ್ಷದ ಡೆಪಾಸಿಟ್ಗೂ ಹೂಡಿಕೆ ಮಾಡಬಹುದು.
ತಮಿಳುನಾಡು ಪವರ್ ಫಿನಾನ್ಸ್ನ ಫಿಕ್ಸಿಡ್ ಡೆಪಾಸಿಟ್ನ ಸುರಕ್ಷತೆ
ತಮಿಳುನಾಡು ಸರ್ಕಾರವು ತಮಿಳುನಾಡು ಪವರ್ ಫಿನಾನ್ಸ್ ಅನ್ನು ನಿರ್ವಹಣೆ ಮಾಡುತ್ತಿರುವ ಕಾರಣದಿಂದಾಗಿ ಇಲ್ಲಿ ಫಿಕ್ಸಿಡ್ ಡೆಪಾಸಿಟ್ ಇಡುವುದುರಿಂದ ಯಾವುದೇ ಅಪಾಯ ಉಂಟಾಗುವುದಿಲ್ಲ ಎಂದು ನಂಬಲಾಗಿದೆ. ಇನ್ನು ಇದಕ್ಕೂ ಹಿಂದೆ ಕೇರಳ ಸರ್ಕಾರದಡಿಯಲ್ಲಿ ಬರುವ ಕೇರಳದ ಟ್ರಾನ್ಸ್ಪೋರ್ಟ್ ಡೆವಲಪ್ಮೆಂಟ್ ಫಿನಾನ್ಸ್ ಕಾರ್ಪೋರೇಷನ್ ಹಣಕಾಸು ಸಮಸ್ಯೆ ಉಂಟಾದ ಸಮದರ್ಭದಲ್ಲಿ ಎಲ್ಲಾ ಫಿಕ್ಸಿಡ್ ಡೆಪಾಸಿಟ್ದಾರರಿಗೆ ಹಣವನ್ನು ವಾಪಾಸ್ ನೀಡಿತ್ತು. ಪರಿಹಾರ ಪಡೆಯುವಲ್ಲೂ ಯಾವುದೇ ತೊಂದರೆ ಉಂಟಾಗಿರಲಿಲ್ಲ. ಆದ್ದರಿಂದ ಕೇರಳ ಸರ್ಕಾರದ ಕೆಟಿಡಿಎಫ್ಸಿಯಲ್ಲಿ ಫಿಕ್ಸಿಡ್ ಡೆಪಾಸಿಟ್ ಇಡುವುದರಿಂದ ಯಾವುದೇ ತೊಂದರೆ ಉಂಟಾಗಲಾರದು ಎಂದು ಹೇಳಬಹುದು. ಇನ್ನು ಈ ಸಂದರ್ಭದಲ್ಲೇ ಹಲವಾರು ಓದುಗರಲ್ಲಿ ತಾವು ಫಿಕ್ಸಿಡ್ ಡೆಪಾಸಿಟ್ ಬಡ್ಡಿದರವು ಹೆಚ್ಚಳವಾಗುವವರೆಗೂ ಕಾದು ಹೂಡಿಕೆ ಮಾಡಬೇಕೇ ಎಂಬ ಪ್ರಶ್ನೆಯು ಹುಟ್ಟುತ್ತದೆ. ಫಿಕ್ಸಿಡ್ ಡೆಪಾಸಿಟ್ನ ಬಡ್ಡಿದರವು ಅತ್ಯಂತ ಕಡಿಮೆಯಾಗಿರುತ್ತದೆ. ಆರ್ಥಿಕ ಚೇತರಿಕೆ ಕಂಡು ಕೊಂಡಾಗ ಸಾಲದ ಬೇಡಿಕೆ ಹೆಚ್ಚಾಗಬಹುದು, ಈ ಸಂದರ್ಭದಲ್ಲಿ ಬ್ಯಾಂಕುಗಳು ತಮ್ಮ ನಿಶ್ಚಿತ ಠೇವಣಿ ದರವನ್ನು ಹೆಚ್ಚಿಸಬಹುದು. ಆದ್ದರಿಂದ ದೀರ್ಘಾವಧಿಯಲ್ಲಿ ಹಣವನ್ನು ಫಿಕ್ಸಿಡ್ ಡೆಪಾಸಿಟ್ ಆಗಿ ಇಡದಂತೆ ನಾವು ಸಲಹೆಯನ್ನು ನೀಡುತ್ತೇವೆ. ಇನ್ನು ತಮಿಳುನಾಡು ಪವರ್ ಫಿನಾನ್ಸ್ ಹಾಗೂ ಇನ್ಫಾಸ್ಟ್ರಕ್ಚರ್ ಡೆವಲಪ್ಮೆಂಟ್ ಕಾರ್ಪೋರೇಷನ್ನಲ್ಲಿ ಫಿಕ್ಸಿಡ್ ಡೆಪಾಸಿಟ್ ಅನ್ನು ಇಡುವುದು ಉತ್ತಮ ಆಯ್ಕೆ ಎಂದು ಹೇಳಬಹುದು. ಈ ಎರಡು ಸಂಸ್ಥೆಗಳು ಸರ್ಕಾರದ ಅಡಿಯಲ್ಲಿ ಬರುವ ಕಾರಣದಿಂದಾಗಿ ಯಾವುದೇ ಅಪಾಯವಿರುವುದಿಲ್ಲ.