ಪೇಟಿಎಂ ಅಕೌಂಟ್ ಶಾಶ್ವತವಾಗಿ ಮುಚ್ಚುವುದು ಹೇಗೆ? ಹಂತ ಹಂತವಾಗಿ ವಿವರಿಸಲಾಗಿದೆ!
ಪೇಟಿಎಂ ಒಂದು ಆನ್ಲೈನ್ ಪ್ಲಾಟ್ಫಾರ್ಮ್ ಆಗಿದ್ದು ನಾವು ಅನೇಕ ಕೆಲಸಗಳನ್ನು ಮಾಡಬಹುದು. ಪೇಟಿಎಂ ಸಹಾಯದಿಂದ ನಾವು ಯಾರಿಗಾದರೂ ಹಣವನ್ನು ಕಳುಹಿಸಬಹುದು, ಹಣವನ್ನು ತೆಗೆದುಕೊಳ್ಳಬಹುದು ಮತ್ತು ವಿವಿಧ ರೀತಿಯ ಬಿಲ್ಗಳನ್ನು ಪಾವತಿಸಬಹುದು.
ಕೇವಲ ಬಿಲ್ ಪಾವತಿ ಅಷ್ಟೇ ಅಲ್ಲದೆ ನೀವು ಪೇಟಿಎಂ ಸಹಾಯದಿಂದ ಎಲ್ಐಸಿ ಕಂತನ್ನು ಪಾವತಿಸಬಹುದು. ಆದಾಗ್ಯೂ, ಕೆಲವೊಂದು ಕಾರಣಗಳಿಂದ ನೀವು ಪೇಟಿಎಂ ಅನ್ನು ಶಾಶ್ವತವಾಗಿ ಮುಚ್ಚಬೇಕಾಗಬಹುದು. ಅಂತಹ ಸನ್ನಿವೇಶದಲ್ಲಿ ಮೊದಲು ಏನು ಮಾಡಬೇಕು? ಅಕೌಂಟ್ ಮುಚ್ಚುವುದು ಹೇಗೆ ಎಂದು ಮುಂದೆ ತಿಳಿಯಿರಿ
ನಿಮ್ಮ ಪೇಟಿಎಂ ಖಾತೆಯನ್ನು ಶಾಶ್ವತವಾಗಿ ಮುಚ್ಚುವ ಮೊದಲು, ನೀವು ನಿಮ್ಮ ಖಾತೆಯಿಂದ ಹಣವನ್ನು ಬ್ಯಾಂಕಿಗೆ ವರ್ಗಾಯಿಸಬೇಕು ಅಥವಾ ಯಾರಿಗಾದರೂ ಕಳುಹಿಸಬೇಕು. ನಂತರ ಖಾತೆ ಮುಚ್ಚಲು ಈ ಕೆಳಗಿನ ಹಂತವನ್ನ ಅನುಸರಿಸಿ.
ಹಂತ 1: ಮೊದಲನೆಯದಾಗಿ, ನಿಮ್ಮ ಪೇಟಿಎಂ ಖಾತೆಯನ್ನು ಮುಚ್ಚಲು ನೀವು ಪೇಟಿಎಂಗೆ ವಿನಂತಿಸಬೇಕಾಗುತ್ತದೆ. ಆದ್ದರಿಂದ, ನಿಮ್ಮ Paytm ಖಾತೆಗೆ ಲಿಂಕ್ ಆಗಿರುವ ಅದೇ ಫೋನ್ ಸಂಖ್ಯೆಯನ್ನು ಬಳಸಿ ಅದಕ್ಕೆ ಲಾಗ್ ಇನ್ ಮಾಡಿ.
ಹಂತ 2: ಹೋಮ್ ಸ್ಕ್ರೀನ್ನಲ್ಲಿ ಮೂರು ಅಡ್ಡ ರೇಖೆಗಳು ಕಾಣಿಸಿಕೊಳ್ಳುತ್ತವೆ, ನಿಮ್ಮ ಮೊಬೈಲ್ ಡಿಸ್ಪ್ಲೇ ಮೇಲಿನ ಎಡ ಮೂಲೆಯಲ್ಲಿರುವ ಅದರ ಮೇಲೆ ಕ್ಲಿಕ್ ಮಾಡಿ.
ಹಂತ 3: ಈಗ ಇದರ ನಂತರ ನೀವು 24 × 7 ಸಹಾಯಕ್ಕೆ ಹೋಗಬೇಕು.
ಹಂತ 4: ಈಗ ನೀವು 'ಪ್ರೊಫೈಲ್ ಸೆಟ್ಟಿಂಗ್ಸ್' ವಿಭಾಗಕ್ಕೆ ಹೋಗಬೇಕು.
ಹಂತ 5: ಇಲ್ಲಿ ನೀವು 'ನಾನು ನನ್ನ ಖಾತೆಯನ್ನು ಮುಚ್ಚಬೇಕು/ಅಳಿಸಬೇಕು' ಎಂಬ ಆಯ್ಕೆಯನ್ನು ಆರಿಸಬೇಕಾಗುತ್ತದೆ.
ಹಂತ 6: ನಂತರ ನೀವು 'ನಾನು ಈ Paytm ಖಾತೆಯನ್ನು ಬಳಸುವುದಿಲ್ಲ' ಎಂಬ ಆಯ್ಕೆಯನ್ನು ಆರಿಸಿಕೊಳ್ಳಬೇಕು.
ಹಂತ 7: ನಿಮ್ಮ ಖಾತೆಯನ್ನು ಮುಚ್ಚಲು ವಿನಂತಿಸಲು 'ಸಂದೇಶ ನಮಗೆ' ಟ್ಯಾಬ್ ಮೇಲೆ ಕ್ಲಿಕ್ ಮಾಡಿ.
ಒಮ್ಮೆ ನೀವು ಇದನ್ನೆಲ್ಲ ಮಾಡಿದ ನಂತರ, Paytm ವಿನಂತಿಯನ್ನು ಪರಿಶೀಲಿಸುತ್ತದೆ ಮತ್ತು ಎಲ್ಲವೂ ಸರಿಹೋದರೆ, ಅದು ನಿಮ್ಮ ಖಾತೆಯನ್ನು ಮುಚ್ಚುತ್ತದೆ.
ಆದರೆ ಒಮ್ಮೆ ನೀವು ಪೇಟಿಎಂ ಖಾತೆಯನ್ನು ಮುಚ್ಚಿದರೆ, ನೀವು ಮತ್ತೆ ಲಾಗಿನ್ ಮಾಡಲು ಸಾಧ್ಯವಿಲ್ಲ ಮತ್ತು ನೀವು ಲಾಗಿನ್ ಮಾಡಲು ಪ್ರಯತ್ನಿಸಿದಾಗ Error ಕಾಣಿಸಿಕೊಳ್ಳುತ್ತದೆ ಎಂಬುದನ್ನು ನೀವು ನೆನಪಿನಲ್ಲಿಟ್ಟುಕೊಳ್ಳಬೇಕು. ನಿಮ್ಮ ಪೇಟಿಎಂ ವಾಲೆಟ್ ನಲ್ಲಿ ಹಣವನ್ನು ಹೊಂದಿದ್ದರೆ, ಮೊದಲೇ ಆ ಹಣವನ್ನು ಹಿಂಪಡೆಯಬೇಕು, ಏಕೆಂದರೆ ನೀವು ನಂತರ ಅದನ್ನು ಬಳಸಲು ಸಾಧ್ಯವಾಗುವುದಿಲ್ಲ.
ಬೃಹತ್ ಐಪಿಒ ತೆರೆಯಲು ಪೇಟಿಎಂ ಚಿಂತನೆ!
ಭಾರತದ ಪ್ರಮುಖ ಡಿಜಿಟಲ್ ಪಾವತಿ ಪೂರೈಕೆದಾರರಲ್ಲಿ ಒಂದಾದ ಪೇಟಿಎಂ ಈ ವರ್ಷದ ಕೊನೆಯಲ್ಲಿ ತನ್ನ ಐಪಿಒ ಪ್ರಾರಂಭಿಸಲು ಯೋಜಿಸುತ್ತಿದೆ. ಐಪಿಒ ಮೂಲಕ ಸುಮಾರು 21,800 ಕೋಟಿ ರೂ. (3 ಬಿಲಿಯನ್ ಡಾಲರ್) ಸಂಗ್ರಹಿಸುವ ಗುರಿಯನ್ನು ಕಂಪನಿ ಹೊಂದಿದೆ. ಇದು ಆಗಿದ್ದೇ ಆದಲ್ಲಿ ಭಾರತದ ಅತಿದೊಡ್ಡ ಐಪಿಒ ಆಗಲಿದೆ.
ಒನ್ 97 ಕಮ್ಯುನಿಕೇಷನ್ಸ್ ಲಿಮಿಟೆಡ್ ಎಂದು ಕರೆಯಲ್ಪಡುವ ಕಂಪನಿಯು ನವೆಂಬರ್ನಲ್ಲಿ ಭಾರತದಲ್ಲಿ ಷೇರು ವಿನಿಮಯ ಕೇಂದ್ರಗಳಲ್ಲಿ ಪಟ್ಟಿ ಮಾಡಲು ಯೋಜಿಸುತ್ತಿದೆ ಎಂದು ವರದಿಯೊಂದು ಹೊರಬಿದ್ದಿದೆ. ಪೇಟಿಎಂ ಸುಮಾರು 25 ಬಿಲಿಯನ್ ಡಾಲರ್ನಿಂದ ನಿಂದ 30 ಬಿಲಿಯನ್ ಡಾಲರ್ ಮೌಲ್ಯಮಾಪನವನ್ನು ಗುರಿಪಡಿಸುತ್ತಿದೆ.
ಪೇಟಿಎಂ ಡಿಜಿಟಲ್ ಪಾವತಿಗಳನ್ನು ಮೀರಿ ಬ್ಯಾಂಕಿಂಗ್, ಕ್ರೆಡಿಟ್ ಕಾರ್ಡ್ಗಳು, ಹಣಕಾಸು ಸೇವೆಗಳು, ಸಂಪತ್ತು ನಿರ್ವಹಣೆ ಮತ್ತು ಡಿಜಿಟಲ್ ವ್ಯಾಲೆಟ್ಗಳ ಪ್ರವೇಶ ಹೊಂದಿದೆ. ಇದು ಭಾರತದಲ್ಲಿ 2 ದಶಲಕ್ಷಕ್ಕೂ ಹೆಚ್ಚು ವ್ಯಾಪಾರಿ ಪಾಲುದಾರರನ್ನು ಹೊಂದಿದ್ದು, 1.4 ಬಿಲಿಯನ್ ಬಳಕೆದಾರರು ಮಾಸಿಕ ವಹಿವಾಟುಗಳನ್ನು ನಡೆಸುತ್ತಾರೆ.