ಪ್ರಧಾನ ಮಂತ್ರಿ ವಯ ವಂದನ ಯೋಜನೆ(PMVVY) ಎಂದರೇನು? ಏನು ಪ್ರಯೋಜನ?
ಹಿರಿಯ ವಯಸ್ಕರಿಗಾಗಿಯೇ ಕೇಂದ್ರ ಸರ್ಕಾರ ರೂಪಿಸಿರುವ ಯೋಜನೆಯೇ ಪ್ರಧಾನ ಮಂತ್ರಿ ವಯ ವಂದನ ಯೋಜನೆಯಾಗಿದೆ. 2017ರಲ್ಲಿ ಕಾರ್ಯಗತಗೊಳಿಸಿದ ಈ ಯೋಜನೆಯನ್ನು ಕೇಂದ್ರ ಸರ್ಕಾರ ಹಿರಿಯ ನಾಗರೀಕರ ಅನುಕೂಲಕ್ಕಾಗಿ ಅನುಷ್ಠಾನಗೊಳಿಸಿತು.
ಪ್ರಧಾನ ಮಂತ್ರಿ ವಯ ವಂದನ ಯೋಜನೆಯ ಬಳಕೆ ಹೇಗೆ? ಯೋಜನೆಯ ಮೇಲಿನ ಹೂಡಿಕೆಗೆ ವಯಸ್ಸಿನ ಮಿತಿ ಎಷ್ಟು? ಬಡ್ಡಿ ದರ ಎಷ್ಟು ನೀಡಲಾಗುತ್ತದೆ ಎಂದು ತಿಳಿದುಕೊಳ್ಳಲು ಈ ಕೆಳಗಿನ ವಿವರಣೆ ಓದಿ.
ಯೋಜನೆಗೆ ವಯಸ್ಸಿನ ಮಿತಿ ಎಷ್ಟು?
ಪ್ರಧಾನಮಂತ್ರಿ ವಯ ವಂದನ ಯೋಜನೆ(ಪಿಎಂವಿವಿವೈ) ಹಿರಿಯ ನಾಗರಿಕರು 60 ಮತ್ತು ಅದಕ್ಕಿಂತ ಮೇಲ್ಪಟ್ಟವರಿಗೆ ಪಿಂಚಣಿ ಸೌಲಭ್ಯ ಒದಗಿಸುವ ಯೋಜನೆ ಇದಾಗಿದೆ. ಇದಕ್ಕೆ ಯಾವುದೇ ವಯಸ್ಸಿನ ಮಿತಿ ಇಲ್ಲ. 31 ಮಾರ್ಚ್ 2020ರವರೆಗೆ ಈ ಯೋಜನೆಯು ಚಾಲ್ತಿಯಲ್ಲಿದ್ದು ಹಿರಿಯ ವಯಸ್ಕರು ಯಾರು ಬೇಕಾದರೂ ಮಾಡಿಸಬಹುದು.
ಬಡ್ಡಿ ದರ ಎಷ್ಟು?
ಪಿಎಂವಿವಿವೈ ಯೋಜನೆಯ ಬಡ್ಡಿ ದರವು ಎಷ್ಟು ಯಾವ ಅವಧಿಗೆ ನೀವು ಹಣ ಡೆಪಾಸಿಟ್ ಮಾಡುತ್ತೀರಾ ಎಂಬುದರ ಮೇಲೆ 8 ರಿಂದ 8.5 ಪರ್ಸೆಂಟ್ ಬಡ್ಡಿ ದರವನ್ನು ನೀಡಲಾಗುತ್ತದೆ. 10 ವರ್ಷಗಳ ಪಿಂಚಣಿ ಅವಧಿ/ಪಾಲಿಸಿ ಅವಧಿ ಇರುತ್ತದೆ. ಮಾಸಿಕ, ತ್ರೈಮಾಸಿಕ, ಅರ್ಧ-ವಾರ್ಷಿಕ ಅಥವಾ ವಾರ್ಷಿಕ ಹೀಗೆ ನೀವು ಆಯ್ಕೆ ಮಾಡಿದ ಅವಧಿಯ ಕೊನೆಯಲ್ಲಿ ಪಿಂಚಣಿ ಪಡೆಯಬಹುದು. ಇದರ ಮೇಲೆ ಬಡ್ಡಿ ದರ ಅನ್ವಯವಾಗುತ್ತದೆ.
ಹೂಡಿಕೆ ಮಿತಿ ಹಾಗೂ ಸಿಗುವ ಪಿಂಚಣಿ ಎಷ್ಟು?
ಮಾಸಿಕ ಅವಧಿ
ಕನಿಷ್ಠ ಹೂಡಿಕೆ ಮೊತ್ತ : 1.5 ಲಕ್ಷ ರುಪಾಯಿ
ಪಿಂಚಣಿ ಬರುವ ಮೊತ್ತ: 1,000 ರುಪಾಯಿ
ಗರಿಷ್ಠ ಹೂಡಿಕೆ ಮೊತ್ತ : 7.50 ಲಕ್ಷ ರುಪಾಯಿ
ಪಿಂಚಣಿ ಬರುವ ಮೊತ್ತ: 5,000 ರುಪಾಯಿ
ತ್ರೈಮಾಸಿಕ ಅವಧಿ
ಕನಿಷ್ಠ ಹೂಡಿಕೆ ಮೊತ್ತ : 1. 49 ಲಕ್ಷ ರುಪಾಯಿ
ಪಿಂಚಣಿ ಬರುವ ಮೊತ್ತ: 3,000 ರುಪಾಯಿ
ಗರಿಷ್ಠ ಹೂಡಿಕೆ ಮೊತ್ತ : 7.45 ಲಕ್ಷ ರುಪಾಯಿ
ಪಿಂಚಣಿ ಬರುವ ಮೊತ್ತ: 15,000 ರುಪಾಯಿ
ಅರ್ಧ-ವಾರ್ಷಿಕ ಅವಧಿ
ಕನಿಷ್ಠ ಹೂಡಿಕೆ ಮೊತ್ತ : 1. 47 ಲಕ್ಷ ರುಪಾಯಿ
ಪಿಂಚಣಿ ಬರುವ ಮೊತ್ತ: 6,000 ರುಪಾಯಿ
ಗರಿಷ್ಠ ಹೂಡಿಕೆ ಮೊತ್ತ : 7.38 ಲಕ್ಷ ರುಪಾಯಿ
ಪಿಂಚಣಿ ಬರುವ ಮೊತ್ತ: 30,000 ರುಪಾಯಿ
ವಾರ್ಷಿಕ ಅವಧಿ
ಕನಿಷ್ಠ ಹೂಡಿಕೆ ಮೊತ್ತ : 1.44 ಲಕ್ಷ ರುಪಾಯಿ
ಪಿಂಚಣಿ ಬರುವ ಮೊತ್ತ: 12,000 ರುಪಾಯಿ
ಗರಿಷ್ಠ ಹೂಡಿಕೆ ಮೊತ್ತ : 7.22 ಲಕ್ಷ ರುಪಾಯಿ
ಪಿಂಚಣಿ ಬರುವ ಮೊತ್ತ: 60,000 ರುಪಾಯಿ
ಮರಣ ಹೊಂದಿದರೆ ಹಣ ಯಾರಿಗೆ ಸಿಗುತ್ತದೆ?
ಪಿಎಂವಿವಿವೈ ಪಾಲಿಸಿ ಅವಧಿಯಲ್ಲಿ ಪಿಂಚಣಿದಾರರು ಮರಣ ಹೊಂದಿದಲ್ಲಿ, ಖರೀದಿ ಮೊತ್ತವನ್ನು ನಾಮಿನಿಗೆ/ಫಲಾನುಭವಿಗೆ ಹಿಂದಿರುಗಿಸಲಾಗುತ್ತದೆ. (ನಾಮಿನಿ ಇಲ್ಲದಿದ್ದರೆ ಕಾನೂನುಬದ್ದ ಉತ್ತರಾಧಿಕಾರಿ)
ಅಕಾಲಿಕ ನಿರ್ಗಮನದ ಅವಕಾಶ
ಪಾಲಿಸಿ ಅವಧಿಯ ಸಂದರ್ಭದಲ್ಲಿ ಸ್ವಯಂ ಅಥವಾ ಹೆಂಡತಿಯ ಅನಾರೋಗ್ಯದ ಚಿಕಿತ್ಸೆ ಸಂದರ್ಭದಲ್ಲಿ ಈ ಯೋಜನೆ ಅಕಾಲಿಕ ನಿರ್ಗಮನಕ್ಕೆ ಅವಕಾಶ ಕಲ್ಪಿಸುತ್ತದೆ.