ನವದೆಹಲಿ ರೈಲು ನಿಲ್ದಾಣದಲ್ಲಿ 3.26 ಕೋಟಿ ಮೌಲ್ಯದ ಆರು ಕೇಜಿ ಚಿನ್ನ ವಶಕ್ಕೆ
ನವದೆಹಲಿ ರೈಲು ನಿಲ್ದಾಣದಲ್ಲಿ ವ್ಯಕ್ತಿಯೊಬ್ಬನಿಂದ 3.26 ಕೋಟಿ ಮೌಲ್ಯದ ಆರು ಕೇಜಿಗೂ ಹೆಚ್ಚಿನ ಚಿನ್ನವನ್ನು ಕಸ್ಟಮ್ಸ್ ಅಧಿಕಾರಿಗಳು ವಶಪಡಿಸಿಕೊಂಡಿದ್ದಾರೆ ಎಂದು ಸೋಮವಾರ ಅಧಿಕಾರಿಗಳು ಹೇಳಿದ್ದಾರೆ. ಈ ಸಂಬಂಧವಾಗಿ ಇಬ್ಬರನ್ನು ಬಂಧಿಸಲಾಗಿದೆ ಎಂದು ತಿಳಿಸಿದ್ದಾರೆ.
ಕೋಲ್ಕತ್ತಾದ ಹೌರಾದಿಂದ ರಾಜಧಾನಿ ಎಕ್ಸ್ ಪ್ರೆಸ್ ಮೂಲಕ ಬಂದ ವ್ಯಕ್ತಿಯನ್ನು ನವದೆಹಲಿಯ ನಿಲ್ದಾಣದಲ್ಲಿ 19.11.2020ರಂದು ಕಸ್ಟಮ್ಸ್ ಅಧಿಕಾರಿಗಳಿಂದ ಪರಿಶೀಲನೆ ನಡೆಸಲಾಯಿತು. ಆ ವ್ಯಕ್ತಿಯನ್ನು ಪರಿಶೀಲನೆ ಮಾಡಿದ ಮೇಲೆ 3.26 ಕೋಟಿ ಮೌಲ್ಯದ 6.3 ಕೇಜಿ ಚಿನ್ನವನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ.
ಕೊರೊನಾದಿಂದ ವಿಮಾನ ಹಾರಾಟಕ್ಕೆ ನಿರ್ಬಂಧ; ಚಿನ್ನ ಕಳ್ಳ ಸಾಗಣೆಗೆ ಬಿತ್ತು ಬ್ರೇಕ್
ವಶಕ್ಕೆ ಪಡೆದ ಚಿನ್ನವು ಬಿಸ್ಕತ್ ರೂಪದಲ್ಲಿ ಇತ್ತು. ಅದನ್ನು ತುಂಡುಗಳಾಗಿ ಮಾಡಲಾಗಿತ್ತು. ಈಶಾನ್ಯದ ಗಡಿಯಿಂದ ಚಿನ್ನವನ್ನು ದೇಶದೊಳಗೆ ಕಳ್ಳಸಾಗಣೆ ಮಾಡಲಾಗಿದೆ ಎಂದು ಅನುಮಾನ ವ್ಯಕ್ತವಾಗಿದೆ. ಆ ಚಿನ್ನ ಮೂಲತಃ ವಿದೇಶೀ ಮೂಲದ್ದು ಎನ್ನಲಾಗಿದೆ.
ಮಾರ್ಚ್ ಹಾಗೂ ಆ ನಂತರದಲ್ಲಿ ಹದಿನೈದು ಬಾರಿ ಎರಡರಿಂದ ಆರು ಕೇಜಿ ಚಿನ್ನವನ್ನು ಕಳ್ಳಸಾಗಣೆ ಮಾಡಿದ್ದಾಗಿ ಬಂಧಿತ ಒಪ್ಪಿಕೊಂಡಿದ್ದಾನೆ. ಹಾಗೆ ಕಳ್ಳಸಾಗಣೆ ಆಗಿರುವ ಚಿನ್ನದ ತೂಕ 60 Kg ಎನ್ನಲಾಗಿದ್ದು, ಮೌಲ್ಯ 30 ಕೋಟಿ ರುಪಾಯಿ ಎಂಬ ಅಂದಾಜಿದೆ (ಸರಾಸರಿ ಮೌಲ್ಯದ ಅಂದಾಜು). ಬಂಧಿತನನ್ನು ಹದಿನಾಲ್ಕು ದಿನಗಳ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.