30,000 ಉದ್ಯೋಗಿಗಳನ್ನು ನೇಮಕ ಮಾಡಿಕೊಳ್ಳಲಿದೆ ಕ್ಯಾಪ್‌ಜೆಮಿನಿ

ಫ್ರಾನ್ಸ್‌ ಮೂಲದ ಐಟಿ ಕಂಪನಿ ಕ್ಯಾಪ್‌ಜೆಮಿನಿ 2021ರಲ್ಲಿ ಭಾರತದಲ್ಲಿ ಸುಮಾರು 30,000 ಹೊಸ ಉದ್ಯೋಗಿಗಳನ್ನು ನೇಮಕ ಮಾಡಿಕೊಳ್ಳಲು ಯೋಜಿಸಿದೆ. ಈ ಮೂಲಕ ಕಳೆದ ವರ್ಷಕ್ಕಿಂತ ಶೇಕಡಾ 25ರಷ್ಟು ಹೆಚ್ಚು ಜನರನ್ನು ನೇಮಿಸಿಕೊಳ್ಳಲಿದೆ.

''ಈ ರೀತಿಯ ಬಲವಾದ ನೇಮಕಾತಿಯು 2021ರ ಆದಾಯವು ಶೇಕಡಾ 7 ರಿಂದ 9ರಷ್ಟು ಹೆಚ್ಚಾಗಿರುವುದನ್ನು ಪ್ರತಿಬಿಂಬಿಸುತ್ತದೆ'' ಎಂದು ಭಾರತದ ಕ್ಯಾಪ್‌ಜೆಮಿನಿ ಮುಖ್ಯ ಕಾರ್ಯನಿರ್ವಾಹಕ ಅಶ್ವಿನ್ ಯಾರ್ಡಿ ಹೇಳಿದ್ದಾರೆ.

ಕೋವಿಡ್-19 ಸಾಂಕ್ರಾಮಿಕ ನಡುವೆ ಕಂಪನಿಯು ಉತ್ತಮ ಪ್ರಗತಿಯೊಂದಿಗೆ ಆದಾಯ ಹೆಚ್ಚಾಗಿದ್ದು, ಹೊಸ ಕಾರ್ಯಾಚರಣೆಗಳು ಮತ್ತು ಸೇವಾ ವಲಯ ವಿಸ್ತರಣೆಗೆ ಹೊಸ ಸುಮಾರು 30,000 ಮಂದಿಯನ್ನು ನೇಮಕ ಮಾಡಿಕೊಳ್ಳಲಿದೆ. ಇದರಲ್ಲಿ 50:50 ಮಿಶ್ರಣವಿರಲಿದ್ದು, ಫೆಶ್ರರ್‌ಗಳು ಮತ್ತು ಅನುಭವಿಗಳನ್ನು ಒಳಗೊಂಡಿರಲಾಗುತ್ತದೆ.

COVID-19 ಪ್ರಚೋದಿತ ಡಿಜಿಟಲ್ ಪರಿಹಾರಗಳ ಬೇಡಿಕೆ ಮತ್ತು ಸಂಸ್ಥೆಯ ಬಲಿಷ್ ವ್ಯಾಪಾರ ಭವಿಷ್ಯದ ಮಧ್ಯೆ ಕ್ಯಾಪ್ಜೆಮಿನಿಯ ಮುನ್ಸೂಚನೆ ಬಂದಿದೆ ಎಂದು ಮಿಂಟ್ ವರದಿ ಮಾಡಿದೆ. "ಜನರು ಫ್ರೆಶರ್‌ಗಳು ಮತ್ತು ಲ್ಯಾಟರಲ್‌ಗಳ 50:50 ಮಿಶ್ರಣವಾಗುತ್ತಾರೆ" ಎಂದು ಅವರು ಹೇಳಿದರು.

ಭಾರತದಲ್ಲಿ 1.25 ಲಕ್ಷ ಉದ್ಯೋಗಿಗಳನ್ನು ಕ್ಯಾಪ್ ಜೆಮಿನಿ ಹೊಂದಿದೆ. ಕಳೆದ ವರ್ಷ 24,000 ಮಂದಿಯನ್ನು ಭಾರತದಲ್ಲಿ ನೇಮಕ ಮಾಡಿಕೊಳ್ಳಲಾಗಿತ್ತು. ಒಟ್ಟಾರೆ ಕಂಪನಿಯು 2,70,000 ಉದ್ಯೋಗಿಗಳನ್ನು ಹೊಂದಿದೆ.