ಇಪಿಎಫ್ ಖಾತೆಗಳಿಂದ ಹಣ ಹಿಂಪಡೆಯಲು ಅವಕಾಶ: 3 ತಿಂಗಳು ಸರ್ಕಾರವೇ ಇಪಿಎಫ್ ಪಾವತಿಸಲಿದೆ

ಕೇಂದ್ರ ಸರ್ಕಾರ 20 ಲಕ್ಷ ಕೋಟಿ ಆರ್ಥಿಕ ಪ್ಯಾಕೇಜ್‌ನಲ್ಲಿ ಇಪಿಎಫ್ ವಲಯಕ್ಕೆ ಉತ್ತಮ ಕೊಡುಗೆ ನೀಡಿದೆ. ಜೂನ್ ಜುಲೈ ಮತ್ತು ಆಗಸ್ಟ್‌ ತಿಂಗಳ ಮೂರು ತಿಂಗಳ ಇಪಿಎಫ್ ಹಣವನ್ನು ಕೇಂದ್ರ ಸರ್ಕಾರವೇ ಪಾವತಿಸಲಿದ್ದು, ಈ ಹಿಂದೆ ನೀಡಿದ್ದ ಸೌಲಭ್ಯವನ್ನು ಮತ್ತೆ ಮೂರು ತಿಂಗಳ ಕಾಲ ವಿಸ್ತರಿಸಲಾಗಿದೆ.

ಕೇವಲ ನೌಕರರ ಪಾಲನ್ನು ಅಷ್ಟೇ ಪಾವತಿ ಮಾಡದೇ, ನೌಕರರು ಮತ್ತು ಉದ್ಯೋಗದಾತರ ಪಾಲನ್ನು ಕೇಂದ್ರ ಸರ್ಕಾರವೇ ಪಾವತಿ ಮಾಡಲಿದ್ದು, 15 ಸಾವಿರ ಒಳಗಿನ ಸಂಬಳ ಪಡೆಯುವವರಿಗೆ ಈ ರಿಯಾಯಿತಿ ಸಿಗಲಿದೆ. ಇದರಿಂದಾಗಿ 72.5 ಲಕ್ಷ ಕಾರ್ಮಿಕರಿಗೆ ಇಪಿಎಫ್‌ನಿಂದ ಅನುಕೂಲವಾಗುವುದು.

ಇದರ ಜೊತೆಗೆ ಉದ್ಯೋಗದಾತರ ಇಪಿಎಫ್ ಪಾಲನ್ನು ಇಳಿಕೆ ಮಾಡಲಾಗಿದೆ. ಈ ಹಿಂದೆ 12 ಪರ್ಸೆಂಟ್ ಇಪಿಎಫ್ ಪಾಲನ್ನು 10 ಪರ್ಸೆಂಟ್‌ಗೆ ತಗ್ಗಿಸಿದೆ. ಅಲ್ಲದೆ ಕೇಂದ್ರವೇ 6,750 ಕೋಟಿ ರುಪಾಯಿ ಹಣವನ್ನು ಪಾವತಿ ಮಾಡಲಿದೆ.