ಭಾರತದ ವಿದೇಶಿ ವಿನಿಮಯ ಸಂಗ್ರಹ ದಾಖಲೆಯ ಏರಿಕೆ: 590 ಬಿಲಿಯನ್ ಡಾಲರ್
ಮೇ 14ಕ್ಕೆ ಕೊನೆಗೊಂಡ ವಾರದಲ್ಲಿ ಭಾರತದ ವಿದೇಶಿ ವಿನಿಮಯ ಸಂಗ್ರಹವು 563 ಮಿಲಿಯನ್ ಡಾಲರ್ಗೆ ಏರಿಕೆಯಾಗಿ 590.028 ಬಿಲಿಯನ್ ಡಾಲರ್ಗಳಿಗೆ ತಲುಪಿದೆ ಎಂದು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದ ಅಂಕಿ ಅಂಶಗಳು ತಿಳಿಸಿವೆ.
ದೇಶದ ಪ್ರಮುಖ ನಗರಗಳಲ್ಲಿ ಮೇ 22ರ ಚಿನ್ನ, ಬೆಳ್ಳಿ ದರ ಹೀಗಿದೆ
ವಿದೇಶಿ ವಿನಿಮಯ ಸಂಗ್ರಹವು 2021ರ ಜನವರಿ 29ಕ್ಕೆ ಕೊನೆಗೊಂಡ ವಾರದಲ್ಲಿ ದಾಖಲೆಯ ಗರಿಷ್ಠ 590.185 ಶತಕೋಟಿಯನ್ನು ಮುಟ್ಟಿದೆ. ಮೇ 7 ಕ್ಕೆ ಕೊನೆಗೊಂಡ ವಾರದಲ್ಲಿ, ವಿದೇಶಿ ವಿನಿಮಯ ಸಂಗ್ರಹವು 1.444 ಬಿಲಿಯನ್ ಡಾಲರ್ ಹೆಚ್ಚಳಗೊಂಡು, 589.465 ಬಿಲಿಯನ್ ಡಾಲರ್ಗಳಿಗೆ ತಲುಪಿದೆ.
ಒಟ್ಟಾರೆ ವಿದೇಶಿ ವಿನಿಮಯ ಸಂಗ್ರಹಗಳ ಪೈಕಿ ವಿದೇಶಿ ಕರೆನ್ಸಿ ಸ್ವತ್ತುಗಳಲ್ಲಿ (ಎಫ್ಸಿಎ) 377 ಮಿಲಿಯನ್ ಡಾಲರ್ ಹೆಚ್ಚಳಗೊಂಡು ಮೇ 14 ಕ್ಕೆ ಕೊನೆಗೊಂಡ ವಾರದಲ್ಲಿ ವಿದೇಶಿ ವಿನಿಮಯ ಸಂಗ್ರಹದ ಏರಿಕೆಗೆ ಕಾರಣವಾಯಿತು. ಎಫ್ಸಿಎಗಳು ಯುಎಸ್ ಡಾಲರ್ ಅಲ್ಲದ ಯುನಿಟ್, ಪೌಂಡ್ ಮತ್ತು ಯೆನ್ನಂತಹ ಕರೆನ್ಸಿನಗಳ ವಿದೇಶಿ ವಿನಿಮಯ ಸಂಗ್ರಹವಾಗಿದೆ.
ಇದೇ ವೇಳೆಯಲ್ಲಿ ಚಿನ್ನದ ನಿಕ್ಷೇಪವು 174 ಮಿಲಿಯನ್ ಏರಿಕೆಗೊಂಡು $ 36.654 ಬಿಲಿಯನ್ಗೆ ತಲುಪಿದೆ. ಐಎಂಎಫ್ನೊಂದಿಗಿನ ದೇಶದ ಮೀಸಲು ಸ್ಥಾನವು 10 ಮಿಲಿಯನ್ ಡಾಲರ್ ಹೆಚ್ಚಾಗಿ 4.999 ಬಿಲಿಯನ್ ಡಾಲರ್ಗಳಿಗೆ ಏರಿದೆ.