ಭಾರತದ ನಗರ ನಿರುದ್ಯೋಗ ದರ ಇಳಿಕೆ, ಮೋದಿ ಸರ್ಕಾರಕ್ಕೆ ತುಸು ನೆಮ್ಮದಿ

ರಾಯಿಟರ್ಸ್ ಪರಿಶೀಲಿಸಿದ ಅಪ್ರಕಟಿತ(Unpublished) ಸರ್ಕಾರದ ವರದಿ ಪ್ರಕಾರ, ಈ ವರ್ಷ ಜನವರಿ ಮತ್ತು ಮಾರ್ಚ್‌ ನಡುವಿನ ಭಾರತದ ನಗರ ನಿರುದ್ಯೋಗ ದರವು ಶೇಕಡಾ 9.3ಕ್ಕೆ ಇಳಿದಿದೆ.

ಈ ಅಂಕಿ-ಅಂಶಗಳು ಸಚಿವಾಲಯದ ತ್ರೈಮಾಸಿಕ ಉದ್ಯೋಗ ವರದಿಯಲ್ಲಿ ದಾಖಲಾಗಿರುವ ಸಂಖ್ಯೆಗಳಾಗಿದ್ದು, ಇದು ಕನಿಷ್ಟ ನಾಲ್ಕು ತ್ರೈಮಾಸಿಕಗಳಲ್ಲಿ ಕನಿಷ್ಟವಾಗಿದೆ. ಆರ್ಥಿಕತೆಯ ಹಿಂಜರಿಕತೆಯ ನಡುವೆ ಸಾಕಷ್ಟು ಉದ್ಯೋಗಗಳನ್ನು ಸೃಷ್ಟಿಸುವಲ್ಲಿ ಸಾಧ್ಯವಾಗುತ್ತಿಲ್ಲ ಎಂಬ ಟೀಕೆಗಳನ್ನು ಎದುರಿಸುತ್ತಿರುವ ಪ್ರಧಾನಿ ನರೇಂದ್ರ ಮೋದಿಗೆ ಇದು ಸ್ವಲ್ಪ ನೆಮ್ಮದಿ ತರಿಸಿದೆ.

ಜನವರಿ-ಮಾರ್ಚ್‌ ತ್ರೈಮಾಸಿಕ ನಿರುದ್ಯೋಗ ದರವು ಹಿಂದಿನ ತ್ರೈಮಾಸಿಕದಲ್ಲಿ ಶೇ. 9.9ಕ್ಕೆ ಹೋಲಿಸದರೆ, ನಗರದ ನಿರುದ್ಯೋಗ ದರವು ಕಡಿಮೆಯಾಗಿದೆ. ಸದ್ಯ ಈ ವರ್ಷ ಅದೇ ಅವಧಿಯಲ್ಲಿ ಶೇ. 9.3ಕ್ಕೆ ಇಳಿದಿದೆ. ಶೀಘ್ರದಲ್ಲೇ ಪ್ರಕಟಗೊಳ್ಳುವ ಸಾಧ್ಯತೆಯಲ್ಲಿರುವ ಈ ವರದಿಯಲ್ಲಿ ಗ್ರಾಮೀಣ ನಿರುದ್ಯೋಗವನ್ನು ನಿರ್ಣಯಿಸಲಾಗಿಲ್ಲ.

ಭಾರತದ 1.3 ಶತಕೋಟಿ ಜನಸಂಖ್ಯೆಯಲ್ಲಿ 15 ರಿಂದ 29 ವರ್ಷ ವಯಸ್ಸಿನ ಯುವಕರು ಸರಿಸುಮಾರು ಮೂರನೇ ಒಂದು ಭಾಗದಷ್ಟಿದ್ದು, ನಿರುದ್ಯೋಗ ಯುವಕರ ಪ್ರಮಾಣ ಮಾರ್ಚ್ 2019ಕ್ಕೆ ಶೇಕಡಾ 22.5ರಷ್ಟಿದೆ. ಹಿಂದಿನ ತ್ರೈಮಾಸಿಕದಲ್ಲಿ ಇದು ಶೇ. 23.7ರಷ್ಟಿತ್ತು.