ಸತತ 5ನೇ ತ್ರೈಮಾಸಿಕದಲ್ಲಿ ನಷ್ಟವನ್ನ ವರದಿ ಮಾಡಿದ ಇಂಡಿಗೋ

ಭಾರತದ ಅತಿದೊಡ್ಡ ದೇಶೀಯ ವಿಮಾನಯಾನ ಸಂಸ್ಥೆಯಾದ ಇಂಟರ್ ಗ್ಲೋಬ್ ಏವಿಯೇಷನ್ ಲಿಮಿಟೆಡ್, ಸತತ ಐದನೇ ತ್ರೈಮಾಸಿಕ ನಷ್ಟವನ್ನು ವರದಿ ಮಾಡಿದೆ. ಕೋವಿಡ್-19 ಎರಡನೇ ಅಲೆಯಿಂದಾಗಿ ವಿಮಾನ ಹಾರಾಟ ಬಹುತೇಕ ಇಳಿಕೆಗೊಂಡಿರುವುದು ನಷ್ಟಕ್ಕೆ ಕಾರಣವಾಗಿದೆ.

2020-21ರ ಹಣಕಾಸು ವರ್ಷದ ಮಾರ್ಚ್ ತ್ರೈಮಾಸಿಕದಲ್ಲಿ ವಿಮಾನಯಾನ ಸಂಸ್ಥೆಯ ಒಟ್ಟು ನಿವ್ವಳ ನಷ್ಟವು 1,147.16 ಕೋಟಿಗೆ ಏರಿದೆ. ಡಿಸೆಂಬರ್ ತ್ರೈಮಾಸಿಕದಲ್ಲಿ 620.14 ಕೋಟಿ ರೂ. ಮತ್ತು ಸೆಪ್ಟೆಂಬರ್ ತ್ರೈಮಾಸಿಕದಲ್ಲಿ 1,194.83 ಕೋಟಿ ನಷ್ಟವಾಗಿದೆ. ಆದರೆ ಹಿಂದಿನ ವರ್ಷದ ಮಾರ್ಚ್ ತ್ರೈಮಾಸಿಕದಲ್ಲಿ ಇಂಡಿಗೊ 871 ಕೋಟಿ ರೂ. ಲಾಭ ಗಳಿಸಿದೆ.

ಮಾರ್ಚ್ ತ್ರೈಮಾಸಿಕದಲ್ಲಿ, ಇಂಡಿಗೊ ಆದಾಯವು ಶೇಕಡಾ 26.3ರಷ್ಟು ಇಳಿದು 6361.803 ಕೋಟಿ ರೂಪಾಯಿಗೆ ತಲುಪಿದೆ. ಡಿಸೆಂಬರ್ ತ್ರೈಮಾಸಿಕದಲ್ಲಿ ಕಂಪನಿಯ ವೆಚ್ಚಗಳು ಶೇ. 24.2ರಷ್ಟು ಇಳಿದು, 7,519.31 ಕೋಟಿಗೆ ತಲುಪಿದೆ. ಆದಾಗ್ಯೂ ವೆಚ್ಚಗಳು ಈ ಅವಧಿಯಲ್ಲಿ ಆದಾಯವನ್ನು ಮೀರಿವೆ.

2020-21ರ ಹಣಕಾಸು ವರ್ಷದಲ್ಲಿ ಇಂಡಿಗೊ ಒಟ್ಟು 5,806.43 ಕೋಟಿ ನಿವ್ವಳ ನಷ್ಟವನ್ನು ವರದಿ ಮಾಡಿದೆ. ಇದು ಹಿಂದಿನ ವರ್ಷದಲ್ಲಿ 233.68 ಕೋಟಿ ನಷ್ಟವಾಗಿದೆ. 2021 ರ ಹಣಕಾಸು ವರ್ಷದಲ್ಲಿ ಆದಾಯವು ಶೇ.58ರಷ್ಟು ಕುಸಿದು 15,677.6 ಕೋಟಿಗೆ ತಲುಪಿದೆ.