ಕಲ್ಯಾಣ್ ಜ್ಯುವೆಲ್ಲರ್ ನಿಂದ ಡಿಸೆಂಬರ್ ಆರಂಭದಲ್ಲಿ ಐಪಿಒ ಸಾಧ್ಯತೆ
ಕೇರಳ ಮೂಲದ ಜ್ಯುವೆಲ್ಲರ್ ಕಲ್ಯಾಣ್ ಜ್ಯುವೆಲ್ಲರ್ ಗೆ ಅಕ್ಟೋಬರ್ ನಲ್ಲಿ ಸೆಬಿಯಿಂದ ಐಪಿಒಗೆ (ಸಾರ್ವಜನಿಕ ಆರಂಭಿಕ ಕೊಡುಗೆ) ಅನುಮತಿ ದೊರೆತಿತ್ತು. ಈ ವರ್ಷದ ಡಿಸೆಂಬರ್ ಶುರುವಿನಲ್ಲಿ ಕಲ್ಯಾಣ್ ಜ್ಯುವೆಲ್ಲರ್ಸ್ ಐಪಿಒ ಆರಂಭವಾಗುವ ಸಾಧ್ಯತೆ ಇದೆ. ಆಕರ್ಷಕ ಮೌಲ್ಯಮಾಪನ ಹಾಗೂ ಮಾರುಕಟ್ಟೆಯಲ್ಲಿನ ನಗದೀಕರಣದ ಕಾರಣಕ್ಕೆ 1750 ಕೋಟಿ ರುಪಾಯಿ ಮೌಲ್ಯದ ಐಪಿಒಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುವ ಸಾಧ್ಯತೆ ಇದೆ.
ಷೇರು ಮಾರ್ಕೆಟ್ ಹೂಡಿಕೆಗೆ ಸೂಕ್ತವಲ್ಲದ "ಮನಸ್ಥಿತಿಯವರು" ಇವರು
ಈ ವಿತರಣೆಯ ಪೈಕಿ 1000 ಕೋಟಿ ರುಪಾಯಿ ಹೊಸದಾಗಿ ವಿತರಿಸಲಾಗುತ್ತದೆ. ಕಂಪೆನಿಯ ಪ್ರವರ್ತಕರು 250 ಕೋಟಿ ಮೌಲ್ಯದ ತನಕ ಷೇರುಗಳು ಹಾಗೂ ಹೈಡೆಲ್ ನಿಂದ 500 ಕೋಟಿ ರುಪಾಯಿ ಮೌಲ್ಯದ ಷೇರುಗಳನ್ನು ಆಫರ್ ಫಾರ್ ಸೇಲ್ ಮೂಲಕ ಕಡಿಮೆ ಮಾಡಿಕೊಳ್ಳಬಹುದಾಗಿದೆ.
ಕಳೆದ ಮೂರು ವರ್ಷದಲ್ಲಿ ಅತಿ ದೊಡ್ಡ ಮಟ್ಟದಲ್ಲಿ ಬಂದ ಐಪಿಒ ಅಂದರೆ ಡಿಮಾರ್ಟ್. ಅದು 1870 ಕೋಟಿ ರುಪಾಯಿ. ಆ ನಂತರ ಎರಡನೇ ಸ್ಥಾನದಲ್ಲಿ ಕಲ್ಯಾಣ್ ಜ್ಯುವೆಲ್ಲರ್ಸ್ ಆಗುತ್ತದೆ. ಅಂದ ಹಾಗೆ ಭಾರತದ ಷೇರು ಮಾರುಕಟ್ಟೆ ಸೂಚ್ಯಂಕಗಳು ಸಾರ್ವಕಾಲಿಕ ದಾಖಲೆ ಮಟ್ಟದಲ್ಲಿ ಇವೆ.