ಸಾರ್ವಕಾಲಿಕ ಕನಿಷ್ಠ ಮಟ್ಟಕ್ಕೆ ಹೌಸಿಂಗ್ ಲೋನ್ ಬಡ್ಡಿ; ಯಾವ ಬ್ಯಾಂಕ್ ನಲ್ಲಿ ಎಷ್ಟು?

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದಿಂದ 30 ಲಕ್ಷ ರುಪಾಯಿಯೊಳಗಿನ ಸಾಲಕ್ಕೆ ಬಡ್ಡಿ ದರ 6.90 ಪರ್ಸೆಂಟ್ ನಿಂದ ಶುರುವಾಗುತ್ತದೆ. 30 ಲಕ್ಷ ರುಪಾಯಿ ಮೇಲ್ಪಟ್ಟ ಸಾಲಕ್ಕೆ 7 ಪರ್ಸೆಂಟ್ ಬಡ್ಡಿ ದರ. ಸಿಬಿಲ್ ಸ್ಕೋರ್ ಆಧಾರದಲ್ಲಿ 75 ಲಕ್ಷ ರುಪಾಯಿ ಮೇಲ್ಪಟ್ಟ ಸಾಲಕ್ಕೆ 25 bps ಬಡ್ಡಿ ವಿನಾಯಿತಿ ಸಿಗುತ್ತದೆ. ಕ್ರೆಡಿಟ್ ಸ್ಕೋರ್ ಆಧಾರದಲ್ಲಿ 20 bps ಬಡ್ಡಿ ದರದ ವಿನಾಯಿತಿ ಸಿಗುತ್ತದೆ. ಅದು ಈ ಹಿಂದೆ 10 bps ಇತ್ತು. ಅದು ಎಷ್ಟು ಮೊತ್ತಕ್ಕೆ ಗೊತ್ತಾ? 30 ಲಕ್ಷ ರುಪಾಯಿ ಮೇಲ್ಪಟ್ಟು 2 ಕೋಟಿ ರುಪಾಯಿಯೊಳಗೆ ಭಾರತದಲ್ಲಿ ಈ ವಿನಾಯಿತಿ ಸಿಗುತ್ತದೆ. 8 ಮೆಟ್ರೋ ನಗರಗಳಲ್ಲಿ 3 ಕೋಟಿ ರುಪಾಯಿ ತನಕದ ಸಾಲಕ್ಕೆ YONO ಮೂಲಕ ಅಪ್ಲೈ ಮಾಡಿದರೆ ಹೆಚ್ಚುವರಿ 5 bps ವಿನಾಯಿತಿ ಸಿಗುತ್ತದೆ. ಇನ್ನು ಮಹಿಳೆಯರಿಗೆ ಹೆಚ್ಚುವರಿಯಾಗಿ 5 bps ಬಡ್ಡಿ ದರ ವಿನಾಯಿತಿ ದೊರೆಯುತ್ತದೆ.

ಕೊಟಕ್ ಮಹೀಂದ್ರಾ ಬ್ಯಾಂಕ್

ಕೊಟಕ್ ಮಹೀಂದ್ರಾ ಬ್ಯಾಂಕ್ ನಲ್ಲಿ ಗೃಹ ಸಾಲ ಬಡ್ಡಿ ದರ 6.90 ಪರ್ಸೆಂಟ್ ನಿಂದ ಶುರುವಾಗುತ್ತದೆ. ಬೇರೆ ಬ್ಯಾಂಕ್ ನಿಂದ ಸಾಲದ ವರ್ಗಾವಣೆ ಮಾಡಿದರೆ ಇಪ್ಪತ್ತು ಲಕ್ಷ ರುಪಾಯಿ ತನಕ ಉಳಿತಾಯ ಮಾಡಬಹುದು. ಸಾಲದ ಎಲ್ಲ ಉತ್ಪನ್ನಗಳಿಗೆ ಮಹಿಳೆಯರಿಗೆ ವಿಶೇಷ ದರ ದೊರೆಯಲಿದೆ.

ಬ್ಯಾಂಕ್ ಆಫ್ ಬರೋಡಾ

ಸರ್ಕಾರಿ ಸ್ವಾಮ್ಯದ ಬ್ಯಾಂಕ್ ಆಫ್ ಬರೋಡಾದಿಂದ ಶನಿವಾರ ಘೋಷಣೆ ಮಾಡಿದ ಪ್ರಕಾರ, ರೆಪೋ ಆಧಾರಿತ ಗೃಹ ಸಾಲ ಬಡ್ಡಿ ದರ 15 ಬೇಸಿಸ್ ಪಾಯಿಂಟ್ ಕಡಿಮೆ ಆಗಿದೆ. ಬ್ಯಾಂಕ್ ಆಫ್ ಬರೋಡಾದಲ್ಲಿ ಗೃಹ ಸಾಲ ಬಡ್ಡಿ ದರವು 6.85 ಪರ್ಸೆಂಟ್ ನಿಂದ ಆರಂಭವಾಗುತ್ತದೆ.

ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾ

30 ಲಕ್ಷ ರುಪಾಯಿ ಮೇಲ್ಪಟ್ಟ ಗೃಹ ಸಾಲಕ್ಕೆ 10 ಬೇಸಿಸ್ ಪಾಯಿಂಟ್ಸ್ ಬಡ್ಡಿ ದರ ಇಳಿಕೆ ಮಾಡಲಾಗಿದೆ. ಇನ್ನು ಮಹಿಳೆಯರು ಸಾಲ ಪಡೆಯುವುದಾದರೆ ಬಡ್ಡಿ ದರದಲ್ಲಿ 5 ಬೇಸಿಸ್ ಪಾಯಿಂಟ್ಸ್ ವಿನಾಯಿತಿ ಸಿಗುತ್ತದೆ. ಯೂನಿಯನ್ ಬ್ಯಾಂಕ್ ನಲ್ಲಿ ಬಡ್ಡಿ ದರವು 7 ಪರ್ಸೆಂಟ್ ನಿಂದ ಶುರುವಾಗುತ್ತದೆ. ಇದೇ ಡಿಸೆಂಬರ್ 31ರ ತನಕ ಗೃಹ ಸಾಲದ ಮೇಲೆ ಪ್ರೊಸೆಸಿಂಗ್ ಶುಲ್ಕ ಇರುವುದಿಲ್ಲ. ಆಕ್ಸಿಸ್ ಬ್ಯಾಂಕ್ ನಿಂದ 6.9 ಪರ್ಸೆಂಟ್ ನಿಂದ ಬಡ್ಡಿ ದರ ಶುರು ಆಗುತ್ತದೆ. ಎಚ್ ಡಿಎಫ್ ಸಿ ಬ್ಯಾಂಕ್ ನಿಂದ ಕೂಡ ಗ್ರಾಹಕರಿಗೆ 6.9 ಪರ್ಸೆಂಟ್ ದರದಲ್ಲಿ ದೊರೆಯುತ್ತದೆ. ಆ ಬ್ಯಾಂಕ್ ನಿಂದ 0.5 ಪರ್ಸೆಂಟ್ ಪ್ರೊಸೆಸಿಂಗ್ ಫೀ ಆಗುತ್ತದೆ. ಆದರೆ ಶುಲ್ಕವು ಗರಿಷ್ಠ 3000 ರುಪಾಯಿ ಅಷ್ಟೇ. ಇನ್ನು ಐಸಿಐಸಿಐ ಬ್ಯಾಂಕ್ ನಿಂದ 6.95%ನಿಂದ 7.95% ತನಕ ಗೃಹ ಸಾಲ ಬಡ್ಡಿ ದರ ಇದೆ.