ಐಟಿಆರ್ ಸಲ್ಲಿಸಿಲ್ಲವೇ?, 2022-23 ರಲ್ಲಿ ಅಧಿಕ ಟಿಡಿಎಸ್ ಪಾವತಿಗೆ ಸಿದ್ಧರಾಗಿ
ನಿಗದಿತ ದಿನಾಂಕದ ಮೊದಲು ಆದಾಯ ತೆರಿಗೆ ರಿಟರ್ನ್ (ಐಟಿಆರ್) ಸಲ್ಲಿಸದಿರುವುದು ಕೆಲವು ತೆರಿಗೆದಾರರಿಗೆ ದುಬಾರಿಯಾಗಲಿದೆ. ಸೆಕ್ಷನ್ 206AB ಮತ್ತು 206CCAA ಅಡಿಯಲ್ಲಿ ಹೊಸ ನಿಯಮದ ಪ್ರಕಾರ, ಹಣಕಾಸು ವರ್ಷ 2021-2022 (FY 2020-2021) ಗಾಗಿ ಐಟಿಆರ್ ಅನ್ನು ಸಲ್ಲಿಸುವುದನ್ನು ನೀವು ತಪ್ಪಿಸಿದ್ದರೆ ಪ್ರಸಕ್ತ ಹಣಕಾಸು ವರ್ಷದಲ್ಲಿ ಕೆಲವು ತೆರಿಗೆದಾರರ ಕೆಲವು ಆದಾಯಗಳ ಮೇಲೆ ಹೆಚ್ಚಿನ ಟಿಡಿಎಸ್ ಅನ್ನು ಪಾವತಿ ಮಾಡಬೇಕಾಗುತ್ತದೆ.
ಏಪ್ರಿಲ್ 1, 2022 ರಿಂದ ಜಾರಿಗೆ ಬಂದ ಹೊಸ ನಿಯಮವನ್ನು ಕೇಂದ್ರ ಬಜೆಟ್ 2022 ಮೂಲಕ ಪರಿಚಯಿಸಲಾಯಿತು. ಐಟಿಆರ್ ಫೈಲ್ ಮಾಡದವರ ಮೇಲೆ ಹೆಚ್ಚಿನ ಟಿಡಿಎಸ್ ವಿಧಿಸುವ ನಿಬಂಧನೆಯನ್ನು ಮೊದಲು ಹಣಕಾಸು ಕಾಯಿದೆ 2021 ರ ಮೂಲಕ ಪರಿಚಯಿಸಲಾಯಿತು.
How to E-Verify ITR : ನಿಮ್ಮ ಆದಾಯ ತೆರಿಗೆ ರಿಟರ್ನ್: ಇ-ವೆರಿಫಿಕೇಷನ್ ಮಾಡುವುದು ಹೇಗೆ?
ಹಿಂದಿನ ನಿಯಮದ ಪ್ರಕಾರ, ಎರಡು ವರ್ಷಗಳ ನಂತರ ಕೆಲವು ಆದಾಯಗಳ ಮೇಲೆ ಹೆಚ್ಚಿನ ಟಿಡಿಎಸ್ ಪಾವತಿಸಲು ಹೊಣೆಗಾರನಾಗುತ್ತಾರೆ. ಮೇ 17, 2022 ರ ಹೊಸ ಸುತ್ತೋಲೆಯ ಮೂಲಕ, ಕೇಂದ್ರೀಯ ನೇರ ತೆರಿಗೆಗಳ ಮಂಡಳಿ (CBDT) ಈ ಸಮಯ ಮಿತಿಯನ್ನು ಈಗ 1 ವರ್ಷಕ್ಕೆ ಇಳಿಸಲಾಗಿದೆ ಎಂದು ಸ್ಪಷ್ಟಪಡಿಸಿದೆ. ಹಣಕಾಸು ವರ್ಷ 2020-21ರಲ್ಲಿ ಐಟಿಆರ್ ಪಾವತಿ ಮಾಡಲು ಕೊನೆಯ ದಿನಾಂಕ ಡಿಸೆಂಬರ್ 31, 2021 ಆಗಿತ್ತು.
ಹೊಸ ಸುತ್ತೋಲೆಯಲ್ಲಿರುವ ನಿರ್ದಿಷ್ಟ ವ್ಯಕ್ತಿ ಯಾರು?
ತೆರಿಗೆಯನ್ನು ಕಡಿತಗೊಳಿಸುವ/ಸಂಗ್ರಹಿಸುವ ಅಗತ್ಯವಿರುವ ಹಣಕಾಸು ವರ್ಷಕ್ಕೆ ತಕ್ಷಣವೇ ಹಿಂದಿನ ವರ್ಷಕ್ಕೆ ಸಂಬಂಧಿಸಿದ ಮೌಲ್ಯಮಾಪನ ವರ್ಷಕ್ಕೆ ಆದಾಯದ ರಿಟರ್ನ್ ಅನ್ನು ಒದಗಿಸದ ಯಾರಾದರೂ ಹೆಚ್ಚಿನ ಟಿಡಿಎಸ್ ಪಾವತಿ ಮಾಡಬೇಕಾಗುತ್ತದೆ. ಸೆಕ್ಷನ್ 139 ರ ಉಪ-ವಿಭಾಗ (I) ಅಡಿಯಲ್ಲಿ ರಿಟರ್ನ್ ಫೈಲಿಂಗ್ ದಿನಾಂಕವು ಅವಧಿ ಮುಗಿದಿರುವ ಹಿಂದಿನ ವರ್ಷವನ್ನು ಎಣಿಸುವ ಅಗತ್ಯವಿದೆ. ಹಿಂದಿನ ವರ್ಷದಲ್ಲಿ ಒಟ್ಟು ಟಿಡಿಎಸ್ ಮತ್ತು ಟಿಸಿಎಸ್ 50,000 ರೂ.ಗಿಂತ ಹೆಚ್ಚಿರುವ ಯಾರಾದರೂ ಅಧಿಕ ಟಿಡಿಎಸ್ ಪಾವತಿ ಮಾಡಬೇಕಾಗುತ್ತದೆ.
ಹೊಸ ಸುತ್ತೋಲೆಯ ಕುರಿತು ಮಾಧ್ಯಮಕ್ಕೆ ಪ್ರತಿಕ್ರಿಯಿಸಿದ ಡೆಲಾಯ್ಟ್ ಇಂಡಿಯಾದ ಪಾಲುದಾರ ಸಂಜಯ್ ಕುಮಾರ್, "ಈ ಸುತ್ತೋಲೆಯು ಐಟಿಆರ್ ಸಲ್ಲಿಸದವರನ್ನು ನಿರ್ಧರಿಸಲು ಸಹಾಯ ಮಾಡುತ್ತದೆ. ಅಂತಹ ಸುತ್ತೋಲೆಗಳು ತಮ್ಮ ತೆರಿಗೆ ರಿಟರ್ನ್ಸ್ ಅನ್ನು ಸಕಾಲದಲ್ಲಿ, ಕರ್ತವ್ಯದಿಂದ ಸಲ್ಲಿಸುವ ತೆರಿಗೆದಾರರಿಗೆ ಪ್ರಯೋಜನಕಾರಿಯಾಗಿದೆ," ಎಂದು ಹೇಳಿದ್ದಾರೆ.