5 ವರ್ಷದಲ್ಲೇ 66.68 ಲಾಭ ನೀಡುತ್ತೆ ಈ ಫಂಡ್: ಹೂಡಿಕೆ ಮಾಡಬಹುದೇ?

ಇತ್ತೀಚೆಗೆ ಅನೇಕ ಮ್ಯೂಚುಯಲ್ ಫಂಡ್ ಹೂಡಿಕೆದಾರರು ಇಂಡೆಕ್ಸ್ ಫಂಡ್‌ಗಳಿಗೆ ಹೂಡಿಕೆ ಮಾಡಲು ಬಯಸುತ್ತಾರೆ. ಹಲವಾರು ಮ್ಯೂಚುವಲ್ ಫಂಡ್ ಕಂಪನಿಗಳು ಈಗ ಇದೇ ರೀತಿಯ ಯೋಜನೆಗಳನ್ನು ಪ್ರಚಾರ ಮಾಡುತ್ತಿವೆ. ನಾವು ನಿಮಗೆ ಇಲ್ಲಿ 5 ವರ್ಷದಲ್ಲೇ 66.68 ಲಾಭ ನೀಡುವ ಇಂಡೆಕ್ಸ್ ಫಂಡ್ ಬಗ್ಗೆ ಮಾಹಿತಿ ನೀಡುತ್ತೇವೆ.

ಹೆಚ್ಚು ಮಾರುಕಟ್ಟೆ ತಿಳುವಳಿಕೆ ಇರುವ ಹೂಡಿಕೆದಾರರು ಕಡಿಮೆ ವೆಚ್ಚದ ಇಂಡಕ್ಸ್ ವೆಚ್ಚಗಳತ್ತ ಗಮನ ಹರಿಸುತ್ತಿದ್ದಾರೆ. ಪ್ರತಿ ಮ್ಯೂಚುಯಲ್ ಫಂಡ್ ಫೋರಮ್‌ನಲ್ಲಿ ಅವರು ತಮ್ಮ ಆದ್ಯತೆಯನ್ನು ವ್ಯಕ್ತಪಡಿಸುತ್ತಿದ್ದಾರೆ. ನೀವು ಹೂಡಿಕೆಯಲ್ಲಿ ಅನುಭವವನ್ನು ಹೊಂದಿಲ್ಲದಿದ್ದರೆ, ಅನುಭವ ಇಲ್ಲದ ಮ್ಯೂಚುಯಲ್ ಫಂಡ್ ಹೂಡಿಕೆದಾರರಾಗಿದ್ದರೆ ನಿಮಗೆ ಉತ್ತಮ ಆಯ್ಕೆ ಇದೆ.

ನೀವು ಹೂಡಿಕೆಗಾಗಿ ಯಾವ ಇಂಡಕ್ಸ್ ನಿಧಿ ಉತ್ತಮ ಎಂದು ಹುಡುಕುತ್ತಿದ್ದರೆ ನಾವು ನಿಮಗೆ ಯಾವುದು ಉತ್ತಮ ಎಂಬ ಬಗ್ಗೆ ಮಾಹಿತಿ ನೀಡುತ್ತೇವೆ. ಒಂದು ವೇಳೆ ನೀವು ಇಟಿಎಫ್ ಮತ್ತು ಇಂಡೆಕ್ಸ್ ಫಂಡ್‌ಗಳಲ್ಲಿ ಹೂಡಿಕೆ ಮಾಡಲು ನಿರ್ಧರಿಸಿದ್ದರೆ ಅದರ ಬಗ್ಗೆ ಸುದೀರ್ಘ ಮಾಹಿತಿ ನಿಮ್ಮಲಿರಬೇಕು. ಈ ಸ್ಕೀಮ್‌ನಲ್ಲೇ ಇರುವ ವಿವಿಧ ಯೋಜನೆಗಳ ಬಗ್ಗೆ ತಿಳಿದುಕೊಂಡಿರಬೇಕು. ಏನೆಲ್ಲಾ ನ್ಯೂನತೆಗಳಿವೆ? ಇದರ ವೈಶಿಷ್ಯಗಳೇನು? ಆಯ್ಕೆ ಮಾನದಂಡಗಳೇನು? ಎಂಬಿತ್ಯಾದಿ ಅಂಶಗಳ ಬಗ್ಗೆಯೂ ಮಾಹಿತಿ ಇರಬೇಕು. ಹಾಗಾದರೆ ಯಾವುದು ಉತ್ತಮ ಆಯ್ಕೆ ಎಂಬ ಬಗ್ಗೆ ಇಲ್ಲಿದೆ ಮಾಹಿತಿ ಮುಂದೆ ಓದಿ...

ಸುಂದರಂ ಇಂಡಕ್ಸ್ ಫಂಡ್ ಬಗ್ಗೆ ತಿಳಿಯಿರಿ

ಸುಂದರಂ ಇಂಡಕ್ಸ್ ಫಂಡ್ ಸುಂದರಂ ಮ್ಯೂಚುಯಲ್ ಫಂಡ್‌ನಿಂದ ದೊಡ್ಡ ಕ್ಯಾಪ್ ಇಕ್ವಿಟಿ ಫಂಡ್ ಆಗಿದೆ. ಇದು ಮಧ್ಯಮ ಗಾತ್ರದ ನಿಧಿಯಾಗಿದೆ. ಇದು ರೂ 54.54 ಕೋಟಿ ಮೌಲ್ಯದ ಆಸ್ತಿಯನ್ನು ಹೊಂದಿದೆ. ಇದು 04ನೇ ಮೇ 2022 ರಂದು ರೂ 109.9039 ಎನ್‌ಎವಿ (ನೆಟ್ ಅಸೆಟ್ ವ್ಯಾಲ್ಯೂ) ಅನ್ನು ಹೊಂದಿದೆ. ಫಂಡ್ ಶೇಕಡ 0.53 ವೆಚ್ಚದ ಅನುಪಾತವನ್ನು ಹೊಂದಿದೆ. ಈ ಯೋಜನೆಯು ಮುಖ್ಯವಾಗಿ ನಿಫ್ಟಿ 100 ಸಮಾನ ತೂಕದ ಇಂಡೆಕ್ಸ್ ಅನ್ನು ಒಳಗೊಂಡಿರುವ ಸೆಕ್ಯುರಿಟಿಗಳಲ್ಲಿ ಹೂಡಿಕೆ ಮಾಡಲು ಪ್ರಯತ್ನಿಸುತ್ತದೆ ಮತ್ತು ನಿಫ್ಟಿ 100 ಸಮಾನ ತೂಕದ ಸೂಚ್ಯಂಕಕ್ಕೆ ಅನುಗುಣವಾಗಿ ಲಾಭವನ್ನು ಪಡೆಯುತ್ತದೆ. ಇದನ್ನು ಅತ್ಯಂತ ದುಬಾರಿ ದೊಡ್ಡ ಬಂಡವಾಳದ ನಿಧಿ ಎಂದು ಗೊತ್ತು ಮಾಡಲಾಗಿದೆ. ಈ ಫಂಡ್‌ನಲ್ಲಿ ಹೂಡಿಕೆಯನ್ನು ಪ್ರಾರಂಭ ಮಾಡಲು ಕನಿಷ್ಠ ಮೊತ್ತ ರೂ 500 ಆಗಿದೆ.

ಸಂಪೂರ್ಣ ಮತ್ತು ವಾರ್ಷಿಕ ಆದಾಯ ಎಷ್ಟು?

ಪ್ರಾರಂಭವಾದಾಗಿನಿಂದ, ಸುಂದರಂ ಇಂಡಕ್ಸ್ ಫಂಡ್ ಶೇಕಡ 11.05 ಸರಾಸರಿ ವಾರ್ಷಿಕ ಆದಾಯವನ್ನು ನೀಡಿದೆ. ಈ ಕೆಳಗೆ ವಿವರಣೆ ಇದೆ.

ಒಂದು ವರ್ಷ: ಸಂಪೂರ್ಣ ಆದಾಯ ಶೇಕಡ 16.17, ವಾರ್ಷಿಕ ಆದಾಯ ಶೇಕಡ 16.17
ಎರಡು ವರ್ಷ: ಸಂಪೂರ್ಣ ಆದಾಯ ಶೇಕಡ 91.49, ವಾರ್ಷಿಕ ಆದಾಯ ಶೇಕಡ 38.38
ಮೂರು ವರ್ಷ: ಸಂಪೂರ್ಣ ಆದಾಯ ಶೇಕಡ 48.48, ವಾರ್ಷಿಕ ಆದಾಯ ಶೇಕಡ 14.06
ಐದು ವರ್ಷ: ಸಂಪೂರ್ಣ ಆದಾಯ ಶೇಕಡ 66.68, ವಾರ್ಷಿಕ ಆದಾಯ ಶೇಕಡ 10.75
ಈವರೆಗಿನ ಒಟ್ಟು ಆದಾಯ: ಸಂಪೂರ್ಣ ಆದಾಯ ಶೇಕಡ 168.75, ವಾರ್ಷಿಕ ಆದಾಯ ಶೇಕಡ 11.17

  ಎಸ್‌ಐಪಿ ರಿಟರ್ನ್

ಒಂದು ವರ್ಷ: ಸಂಪೂರ್ಣ ಆದಾಯ ಶೇಕಡ 0.52, ವಾರ್ಷಿಕ ಆದಾಯ ಶೇಕಡ 0.97
ಎರಡು ವರ್ಷ: ಸಂಪೂರ್ಣ ಆದಾಯ ಶೇಕಡ 23.91, ವಾರ್ಷಿಕ ಆದಾಯ ಶೇಕಡ 22.16
ಮೂರು ವರ್ಷ: ಸಂಪೂರ್ಣ ಆದಾಯ ಶೇಕಡ 35.10, ವಾರ್ಷಿಕ ಆದಾಯ ಶೇಕಡ 20.56
ಐದು ವರ್ಷ: ಸಂಪೂರ್ಣ ಆದಾಯ ಶೇಕಡ 42.04, ವಾರ್ಷಿಕ ಆದಾಯ ಶೇಕಡ 14.01

 

ಬಂಡವಾಳ ಹೇಗೆ ಹಂಚಿಕೆ?

ಫಂಡ್ ಈಕ್ವಿಟಿಗಳಲ್ಲಿ ಶೇಕಡ 97.98 ಹೂಡಿಕೆಯನ್ನು ಹೊಂದಿದೆ. ಅದರಲ್ಲಿ ಶೇಕಡ 74.29 ದೊಡ್ಡ ಕ್ಯಾಪ್ ಸ್ಟಾಕ್‌ಗಳಲ್ಲಿದೆ. ಶೇಕಡ 16.37 ಮಿಡ್-ಕ್ಯಾಪ್ ಸ್ಟಾಕ್‌ಗಳಲ್ಲಿ ಮತ್ತು ಶೇಕಡ 1.35 ಸ್ಮಾಲ್-ಕ್ಯಾಪ್ ಸ್ಟಾಕ್‌ಗಳಲ್ಲಿದೆ. ಈ ನಿಧಿಯು ತನ್ನ ಬಹುಪಾಲು ಹಣವನ್ನು ಹಣಕಾಸು, ಆರೋಗ್ಯ ರಕ್ಷಣೆ, ಶಕ್ತಿ, ಗ್ರಾಹಕ ಸ್ಟೇಪಲ್ಸ್ ಮತ್ತು ಲೋಹಗಳು ಮತ್ತು ಗಣಿಗಾರಿಕೆ ವಲಯಗಳಲ್ಲಿ ಹೂಡಿಕೆ ಮಾಡಿದೆ. ಜಿಂದಾಲ್ ಸ್ಟೀಲ್ ಮತ್ತು ಪವರ್ ಲಿಮಿಟೆಡ್, ಅದಾನಿ ಗ್ರೀನ್ ಎನರ್ಜಿ ಲಿಮಿಟೆಡ್, ಬ್ಯಾಂಕ್ ಆಫ್ ಬರೋಡಾ, ಚೋಳಮಂಡಲಂ ಇನ್ವೆಸ್ಟ್‌ಮೆಂಟ್ & ಫೈನಾನ್ಸ್ ಕಂ. ಲಿಮಿಟೆಡ್, ಮತ್ತು ಅದಾನಿ ಟ್ರಾನ್ಸ್‌ಮಿಷನ್ ಲಿಮಿಟೆಡ್‌ಗಳು ಫಂಡ್‌ನಲ್ಲಿ ಹೂಡಿಕೆ ಮಾಡಲಾಗಿದೆ.

ಇಲ್ಲಿ ಗಮನಿಸಿ

ಮ್ಯೂಚುವಲ್ ಫಂಡ್ ಹೂಡಿಕೆಗಳು ಮಾರುಕಟ್ಟೆಯ ಅಪಾಯಕ್ಕೆ ಒಳಪಟ್ಟಿರುತ್ತವೆ. ಹೂಡಿಕೆ ಮಾಡುವ ಮೊದಲು ಎಲ್ಲಾ ಯೋಜನೆ-ಸಂಬಂಧಿತ ದಾಖಲೆಗಳು ಮತ್ತು ನಿಯಮಗಳು ಮತ್ತು ಷರತ್ತುಗಳನ್ನು ಎಚ್ಚರಿಕೆಯಿಂದ ಓದಿ. ಮೇಲೆ ತಿಳಿಸಿದ ಮಾಹಿತಿಯು ಸಂಪೂರ್ಣವಾಗಿ ಒಂದು ಮಾಹಿತಿಯಷ್ಟೇ. ಈ ಫಂಡ್‌ನಿಂದ ಖಂಡಿತವಾಗಿ ಲಾಭ ಬರಲಿದೆ ಎಂದು ಸಂಸ್ಥೆಯು ಖಾತರಿಪಡಿಸಲಾರದು. ಈ ಲೇಖನದ ಆಧಾರದಲ್ಲಿ ನೀವು ಯಾವುದೇ ಹೂಡಿಕೆ ಮಾಡಿ ನಷ್ಟ ಉಂಟಾದರೆ ಅದಕ್ಕೆ ಗ್ರೇನಿಯಮ್ ಸಂಸ್ಥೆ ಹಾಗೂ ಲೇಖಕರು ಜವಾಬ್ದಾರರಲ್ಲ.