ಎಲ್ ಪಿಜಿ ಸಿಲಿಂಡರ್ ವಿತರಣೆಯಲ್ಲಿ ನವೆಂಬರ್ 1ರಿಂದ ಮಹತ್ತರ ಬದಲಾವಣೆ

ಎಲ್ ಪಿಜಿ ಸಿಲಿಂಡರ್ ಮನೆಗೆ ವಿತರಣೆ ಮಾಡುವ ಪದ್ಧತಿಯಲ್ಲಿ ನವೆಂಬರ್ 1, 2020ರಿಂದ ಪ್ರಮುಖವಾದ ಬದಲಾವಣೆ ಆಗಲಿದೆ. ಹಿಂದೂಸ್ತಾನ್ ಟೈಮ್ಸ್ ಈ ಬಗ್ಗೆ ವರದಿ ಮಾಡಿದ್ದು, ಮನೆ ಬಾಗಿಲಿಗೆ ಎಲ್ ಪಿಜಿ ಸಿಲಿಂಡರ್ ಡೆಲಿವರ್ ಮಾಡುವುದಕ್ಕೆ ಒನ್ ಟೈಮ್ ಪಾಸ್ ವರ್ಡ್ (OTP) ಅಗತ್ಯ ಎನ್ನಲಾಗಿದೆ.

OTP ಆಧಾರಿತ ಎಲ್ ಪಿಜಿ ಸಿಲಿಂಡರ್ ಡೆಲಿವರಿಯಲ್ಲಿನ ಪ್ರಮುಖ ಬದಲಾವಣೆಗಳು ಹೀಗಿವೆ:
* ತೈಲ ಕಂಪೆನಿಗಳು ಜಾರಿಗೆ ತರುತ್ತಿರುವ ಈ ಪದ್ಧತಿಯನ್ನು ಡೆಲಿವರಿ ಅಥೆಂಟಿಕೇಷನ್ ಕೋಡ್ (ಡಿಎಸಿ) ಎಂದು ಕರೆಯಲಾಗುತ್ತದೆ. ಈ ಪದ್ಧತಿಯಿಂದ ಕಳುವು ತಡೆಯಬಹುದು ಹಾಗೂ ಸರಿಯಾದ ಗ್ರಾಹಕರನ್ನು ಗುರುತಿಸಲು ನೆರವಾಗುತ್ತದೆ.

* ಆರಂಭದಲ್ಲಿ ಈ ಡಿಎಸಿಯನ್ನು ನೂರು ಸ್ಮಾರ್ಟ್ ಸಿಟಿಯಲ್ಲಿ ಅನುಷ್ಠಾನಕ್ಕೆ ತರಲಾಗುತ್ತದೆ. ಪ್ರಾಯೋಗಿಕ ಯೋಜನೆಯನ್ನು ರಾಜಸ್ಥಾನದ ಜೈಪುರದಲ್ಲಿ ಆರಂಭಿಸಲಾಗಿದೆ.

ಲಾಕ್‌ಡೌನ್ ಎಫೆಕ್ಟ್: ಎಲ್‌ಪಿಜಿ ಬಳಕೆಯಲ್ಲಿ ಮತ್ತಷ್ಟು ಹೆಚ್ಚಳ

* ಸಿಲಿಂಡರ್ ಡೆಲಿವರಿ ಮಾಡುವುದಕ್ಕೆ ಬರುವ ವ್ಯಕ್ತಿಗೆ ಗ್ರಾಹಕರ ಮೊಬೈಲ್ ನಂಬರ್ ಗೆ ಬರುವ ಕೋಡ್ ತೋರಿಸುವ ತನಕ ಪ್ರಕ್ರಿಯೆ ಪೂರ್ಣ ಆಗುವುದಿಲ್ಲ. ಆ ಕೋಡ್ ಅನ್ನು ಗ್ರಾಹಕರ ಮೊಬೈಲ್ ಸಂಖ್ಯೆಗೆ ಕಳುಹಿಸಲಾಗುತ್ತದೆ.

* ಒಂದು ವೇಳೆ ಗ್ರಾಹಕರು ಗ್ಯಾಸ್ ಏಜೆನ್ಸಿಯವರ ಬಳಿ ನೋಂದಣಿಯಾದ ತಮ್ಮ ಮೊಬೈಲ್ ಸಂಖ್ಯೆಯನ್ನು ಬದಲಿಸಿದಲ್ಲಿ ಅದನ್ನು ತಕ್ಷಣವೇ ಅಪ್ ಡೇಟ್ ಮಾಡಿಸಬೇಕು. ಹಾಗೊಂದು ವೇಳೆ ಮಾಡಿಸದಿದ್ದಲ್ಲಿ ಎಲ್ ಪಿಜಿ ಸಿಲಿಂಡರ್ ಡೆಲಿವರಿ ನಿಂತುಹೋಗುತ್ತದೆ.

* ಒಂದು ವೇಳೆ ವಿಳಾಸ ಬದಲಾವಣೆ ಆದಲ್ಲಿ ಕೂಡ ಅದನ್ನೂ ತಕ್ಷಣ ಅಪ್ ಡೇಟ್ ಮಾಡಿಸಬೇಕು.

* ಈ ಡಿಎಸಿ ಕೋಡ್ ಕಮರ್ಷಿಯಲ್ ಸಿಲಿಂಡರ್ ಗೆ ಅನ್ವಯ ಆಗುವುದಿಲ್ಲ.

ವುಡ್ ಮೆಕ್ ಕೆಂಜಿ ಹೇಳಿರುವ ಪ್ರಕಾರ, 2030ರ ಹೊತ್ತಿಗೆ ಭಾರತವು ಚೀನಾವನ್ನು ಹಿಂದಿಕ್ಕಿ, ಮನೆಗಳಲ್ಲಿ ಅತಿ ಹೆಚ್ಚು ಎಲ್ ಪಿಜಿ ಅಡುಗೆ ಅನಿಲವನ್ನು ವಿಶ್ವದ ದೊಡ್ಡ ಮಾರುಕಟ್ಟೆ ಆಗಿರುತ್ತದೆ.