2022ರಲ್ಲಿ ಚಿನ್ನ ಖರೀದಿಗೆ ಶುಭ ಮುಹೂರ್ತ ಯಾವುದು?: ಇಲ್ಲಿದೆ ವಿವರ

2022ರಲ್ಲಿ ಚಿನ್ನವನ್ನು ಖರೀದಿಸಲು ಈ ದಿನಗಳು ಶುಭ

ಪುಷ್ಯ ನಕ್ಷತ್ರ: ಜನವರಿ 18, ಫೆಬ್ರವರಿ 14 & 15, ಮಾರ್ಚ್ 14, ಎಪ್ರಿಲ್‌ 10, ಮೇ 7 & 8, ಜೂನ್‌ 4, ಜುಲೈ 1, 8 & 29, ಆಗಸ್ಟ್‌ 24 & 25, ಸೆಪ್ಟೆಂಬರ್‌ 21, ಅಕ್ಟೋಬರ್‌ 18, ನವೆಂಬರ್‌ 14 & 15, ಡಿಸೆಂಬರ್‌ 12
ಮಕರ ಸಂಕ್ರಾತಿ: ಜನವರಿ 14
ಯುಗಾದಿ ಹಾಗೂ ಗುಡಿ ಪಾಡ್ವಾ: ಎಪ್ರಿಲ್‌ 2
ಅಕ್ಷಯ ತೃತೀಯ: ಮೇ 2
ನವರಾತ್ರಿ: ಸೆಪ್ಟೆಂಬರ್‌ 26ರಿಂದ ಅಕ್ಟೋಬರ್‌ 4
ದಸರಾ: ಅಕ್ಟೋಬರ್‌ 5
ಧನತ್ರಯೋದಶಿ: ಅಕ್ಟೋಬರ್‌ 23
ಬಲಿಪ್ರತಿಪದ/ಬಲಿಪಾಡ್ಯಮಿ: ಅಕ್ಟೋಬರ್‌ 26

ಪುಷ್ಯ ನಕ್ಷತ್ರದ ದಿನ ಚಿನ್ನ ಖರೀದಿ ಮಾಡಿ

ಪುಷ್ಯ ನಕ್ಷತ್ರದ ದಿನವನ್ನು ಪುಷ್ಯಮಿ, ಪುಷ್ಯ, ಪೂಸಮ್‌ ಹಾಗೂ ಪೂಯಮ್‌ ಎಂದು ಕೂಡಾ ಭಾರತದಲ್ಲಿ ಕರೆಯಲಾಗುತ್ತದೆ. ಇದು ಬಹಳ ಮಂಗಳಕರವಾದ ನಕ್ಷತ್ರವಾಗಿದೆ. ಈ ದಿನದಂದು ಯಾವುದೇ ಹಣಕಾಸು ವ್ಯವಹಾರ ನಡೆಸುವುದು, ಚಿನ್ನ, ಭೂಮಿ ಖರೀದಿ ಮಾಡುವುದು ಮಂಗಳಕರ ಎಂಬ ನಂಬಿಕೆ ಇದೆ. ಈ ಸಂದರ್ಭದಲ್ಲಿ ಮುಹೂರ್ತ ಎಂದು ಕರೆಯಲಾಗುತ್ತದೆ. ಹಿಂದೂಗಳ ಪ್ರಕಾರ ಈ ದಿನ ಮಂಗಳಕರವಾಗಿದೆ. ಜನವರಿ 18, ಫೆಬ್ರವರಿ 14 & 15, ಮಾರ್ಚ್ 14, ಎಪ್ರಿಲ್‌ 10, ಮೇ 7 & 8, ಜೂನ್‌ 4, ಜುಲೈ 1, 8 & 29, ಆಗಸ್ಟ್‌ 24 & 25, ಸೆಪ್ಟೆಂಬರ್‌ 21, ಅಕ್ಟೋಬರ್‌ 18, ನವೆಂಬರ್‌ 14 & 15, ಡಿಸೆಂಬರ್‌ 12 ದಿನಗಳು ಪುಷ್ಯ ನಕ್ಷತ್ರದ ದಿನವಾಗಿದೆ.

ಮಕರ ಸಂಕ್ರಾಂತಿ: ಜನವರಿ 14

ಮಕರ ಸಂಕ್ರಾಂತಿಯು ಚಿನ್ನವನ್ನು ಖರೀದಿ ಮಾಡಲು ಉತ್ತಮ ದಿನ, ಮಂಗಳಕರ ದಿನವಾಗಿದೆ. ಈ ದಿನವನ್ನು ಬಿಹು, ಪೊಂಗಲ್‌ ಎಂದು ಕೂಡಾ ಭಾರತದ ಬೇರೆ ಬೇರೆ ರಾಜ್ಯದಲ್ಲಿ ಕರೆಯಲಾಗುತ್ತದೆ. ಈ ಹಬ್ಬವನ್ನು ರಾಷ್ಟ್ರದಾದ್ಯಂತ ಆಚರಣೆ ಮಾಡಲಾಗುತ್ತದೆ. ಪ್ರತಿ ವರ್ಷ ಜನವರಿ 14ರಂದೇ ಮಕರ ಸಂಕ್ರಾಂತಿ ಆಚರಣೆ ಮಾಡಲಾಗುತ್ತದೆ. ಇನ್ನು ಪಂಜಾಬ್‌ನಲ್ಲಿ ಜನವರಿ 13ರಂದು ಜನರು ಲೋಹ್ರಿ ಎಂದು ಆಚರಣೆ ಮಾಡುತ್ತಾರೆ. ಈ ದಿನ ಚಿನ್ನ ಖರೀದಿ ಉತ್ತಮ ಎಂದು ನಂಬಲಾಗಿದೆ. ಮಕರ ಸಂಕ್ರಾಂತಿಯಂದು ಚಿನ್ನವನ್ನು ಖರೀದಿ ಮಾಡಿದರೆ ಸಂಪತ್ತಿನ ಸಮೃದ್ಧಿ ಆಗುತ್ತದೆ ಎಂಬ ನಂಬಿಕೆ ಇದೆ. ಈ ದಿನದಂದು ಜ್ಯುವೆಲ್ಲರಿಗಳು ಕೂಡಾ ಡಿಸ್ಕೌಂಟ್‌ಗಳನ್ನು ಆಫರ್‌ಗಳನ್ನು ನೀಡುತ್ತದೆ.

ಯುಗಾದಿ ಹಾಗೂ ಗುಡಿ ಪಾಡ್ವಾ: ಎಪ್ರಿಲ್‌ 2

ಹಿಂದೂ ಧರ್ಮದ ಪ್ರಕಾರ ಯುಗಾದಿಯು ಹೊಸ ವರ್ಷದ ಆರಂಭವಾಗಿದೆ. ಈ ದಿನವನ್ನು ಗುಡಿ ಪಾಡ್ವಾ, ಓನಮ್‌, ವೈಶಾಖಿ ಎಂದು ಕೂಡಾ ಕರೆಯಲಾಗುತ್ತದೆ. ಬೇರೆ ಬೇರೆ ರಾಜ್ಯದಲ್ಲಿ ಇದರ ಆಚರಣೆ ಬೇರೆ ಬೇರೆ ರೀತಿಯಾಗಿದೆ. ಆಂಧ್ರ ಪ್ರದೇಶ, ಕರ್ನಾಟಕ ಹಾಗೂ ತೆಲಂಗಾಣದಲ್ಲಿ ಯುಗಾದಿಯನ್ನು ಆಚರಣೆ ಮಾಡಿದರೆ, ಈ ದಿನದಂದು ಕೇರಳದಲ್ಲಿ ಓನಮ್‌ ಅನ್ನು ಆಚರಣೆ ಮಾಡಲಾಗುತ್ತದೆ. ಇನ್ನು ಮಹಾರಾಷ್ಟ್ರದವರು ಗುಡಿ ಪಾಡ್ವಾವನ್ನು ಆಚರಣೆ ಮಾಡುತ್ತಾರೆ. ಪಂಜಾಬ್‌ನಲ್ಲಿ ವೈಶಾಖಿ ಎಂದು ಆಚರಣೆ ಮಾಡುತ್ತಾರೆ. ಈ ಹಬ್ಬದ ದಿನದಂದು ದೇಶದಲ್ಲಿ ಚಿನ್ನದ ಖರೀದಿಯು ಅಧಿಕವಾಗಿರುತ್ತದೆ. ಈ ದಿನದಂದು ಚಿನ್ನವನ್ನು ಖರೀದಿ ಮಾಡುವುದು ಮಂಗಳಕರ ಎಂಬ ಭಾವನೆ ಇದೆ. ಹಾಗೆಯೇ ಜ್ಯುವೆಲ್ಲರಿಗಳು ಕೂಡಾ ಆಫರ್‌ ನೀಡುತ್ತಾರೆ.

ಅಕ್ಷಯ ತೃತೀಯ: ಮೇ 2

2022ರಲ್ಲಿ ಚಿನ್ನ ಖರೀದಿಗೆ ಹಿಂದೂ ಧರ್ಮದ ಪ್ರಕಾರ ಅಕ್ಷಯ ತೃತೀಯ ಹಬ್ಬವು ಅತೀ ಮಂಗಳಕರವಾದ ದಿನವಾಗಿದೆ. ವಿಶಾಖ ತಿಂಗಳಿನ ಮೂರನೇ ದಿನ ಇದಾಗಿದೆ. ಈ ದಿನದಂದು ಜನರು ಸಂಪತ್ತಿನ ದೇವರಾದ ಕುಭೇರನ್ನು ಪೂಜಿಸಿ, ಲಕ್ಷ್ಮೀ ದೇವತೆಯನ್ನು ಪೂಜಿಸಿ ಚಿನ್ನವನ್ನು ಖರೀದಿ ಮಾಡುತ್ತಾರೆ. ಹಾಗೆಯೇ ಈ ದಿನ ಖರೀದಿ ಮಾಡಿದ ಚಿನ್ನಕ್ಕೆ ಪೂಜೆಯನ್ನು ಕೂಡಾ ಮಾಡುತ್ತಾರೆ. ಈ ದಿನ ಚಿನ್ನವನ್ನು ಖರೀದಿ ಮಾಡಿದರೆ ಸಂಪತ್ತು ಇನ್ನಷ್ಟು ವೃದ್ಧಿ ಆಗುತ್ತದೆ ಎಂಬ ನಂಬಿಕೆ ಇದೆ. ಹಾಗೆಯೇ ಈ ದಿನ ಚಿನ್ನವನ್ನು ಖರೀದಿ ಮಾಡುವುದು ಅದೃಷ್ಟ ಎಂದು ಕೂಡಾ ನಂಬಲಾಗಿದೆ. ಇನ್ನು ಈ ದಿನ ಹೆಚ್ಚಿನ ಹೂಡಿಕೆದಾರರು ಚಿನ್ನದ ಮೇಲೆ ಹೂಡಿಕೆ ಮಾಡುತ್ತಾರೆ.

ನವರಾತ್ರಿ: ಸೆಪ್ಟೆಂಬರ್‌ 26ರಿಂದ ಅಕ್ಟೋಬರ್‌ 4

ನವರಾತ್ರಿ ಆಚರಣೆಯನ್ನು ದೇಶದಲ್ಲಿ ಒಂಬತ್ತು ದಿನಗಳ ಕಾಲ ಮಾಡಲಾಗುತ್ತದೆ. ಈ ಒಂಬತ್ತು ದಿನಗಳು ಕೂಡಾ ಯಾವುದೇ ಸಂಪತ್ತು ಖರೀದಿಗೆ ಉತ್ತಮ ದಿನ ಎಂದು ನಂಬಲಾಗಿದೆ. ಮಹಿಷಾಸುರನನ್ನು ದುರ್ಗಾ ಸಂಹಾರ ಮಾಡಿದ ದಿನ ಎಂಬ ನಂಬಿಕೆಯಲ್ಲಿ ಈ ದಿನವನ್ನು ಆಚರಣೆ ಮಾಡಲಾಗು‌ತ್ತದೆ. ಪಶ್ಚಿಮ ಬಂಗಾಳ ಹಾಗೂ ಗುಜರಾತ್‌ನಲ್ಲಿ ಈ ಹಬ್ಬವನ್ನು ಹೆಚ್ಚಾಗಿ ಆಚರಣೆ ಮಾಡಲಾಗುತ್ತದೆ. ಇನ್ನು ಕರ್ನಾಟಕದಲ್ಲಿ ಮಂಗಳೂರು ಹಾಗೂ ಮೈಸೂರಿನಲ್ಲಿ ಹೆಚ್ಚು ಸಂಭ್ರಮದಿಂದ ನವರಾತ್ರಿಯನ್ನು ಆಚರಣೆ ಮಾಡಲಾಗುತ್ತದೆ. ಆದರೆ ದೇಶದಲ್ಲಿ ಒಂಬತ್ತು ದಿನಗಳ ಕಾಲವು ಹಬ್ಬವನ್ನು ಆಚರಣೆ ಮಾಡಲಾಗುತ್ತದೆ. ಈ ಸಂದರ್ಭದಲ್ಲಿ ಜನರು ಉಪವಾಸ, ವ್ರತವನ್ನು ಮಾಡುತ್ತಾರೆ. ಈ ನವರಾತ್ರಿಯಂದು ಚಿನ್ನವನ್ನು ಖರೀದಿ ಮಾಡುವುದು ಪವಿತ್ರ ಎಂದು ನಂಬಲಾಗಿದೆ. ಈ ಒಂಬತ್ತು ದಿನಗಳಲ್ಲಿ ದೇಶದಲ್ಲಿ ಚಿನ್ನ, ವಾಹನ ಖರೀದಿ ಹೆಚ್ಚಳವಾಗು‌ತ್ತದೆ.

ದಸರಾ: ಅಕ್ಟೋಬರ್‌ 5

ನವರಾತ್ರಿಯ ದಿನದಂದು ಆಚರಣೆ ಮಾಡಲಾಗುವ ಪ್ರಮುಖ ಹಬ್ಬ ದಸರಾವಾಗಿದೆ. ದುಷ್ಟ ಶಕ್ತಿಗಳ ವಿರುದ್ಧ ಗೆಲುವು ಸಾಧಿಸಿದ ದಿನವಾಗಿ ಇದನ್ನು ಆಚರಣೆ ಮಾಡಲಾಗುತ್ತದೆ. ದುರ್ಗಾ ದೇವಿಯ ಮಹಿಷಾಸುರನನ್ನು ವಧೆ ಮಾಡಿದ ದಿನ ಇದಾಗಿದೆ. ಈ ದಿನವನ್ನು ಆಚರಣೆ ಮಾಡುವ ನಿಟ್ಟಿನಲ್ಲಿ ಚಿನ್ನವನ್ನು ಖರೀದಿ ಮಾಡಲಾಗುತ್ತದೆ. ದುಷ್ಟ ಸಂಹಾರವಾದ ಹಿನ್ನೆಲೆ ಈ ದಿನವನ್ನು ಶುಭ ಎಂದು ಪರಿಗಣಿಸಲಾಗುತ್ತದೆ. ಇನ್ನು ಹಲವಾರು ಮಂದಿ ಈ ಸಂದರ್ಭದಲ್ಲಿ ಹೂಡಿಕೆಯನ್ನು ಮಾಡುತ್ತಾರೆ. ಈ ಸಂದರ್ಭದಲ್ಲಿ ಚಿನ್ನದ ಬೆಲೆಯು ಏರಿಕೆ ಆಗುವ ಸಾಧ್ಯತೆ ಇದೆ. ಇನ್ನು ಕೆಲವು ಆಭರಣ ಮಳಿಗೆಗಳು ಕೆಲವು ಆಫರ್‌ಗಳನ್ನು ಈ ಸಂದರ್ಭದಲ್ಲಿ ನೀಡುತ್ತದೆ.

ಧನತ್ರಯೋದಶಿ: ಅಕ್ಟೋಬರ್‌ 23

ದೀಪಾವಳಿಗೂ ಎರಡು ದಿನಗಳ ಮುಂಚೆ ಈ ಧನತ್ರಯೋದಶಿ ಆರಂಭವಾಗುತ್ತದೆ. ಈ ದೀಪಾವಳಿ ಹಬ್ಬದಂದು ಲಕ್ಷ್ಮೀ ದೇವಿಯ ಆರಾಧನೆ ಮಾಡಲಾಗುತ್ತದೆ. ಈ ಧನತ್ರಯೋದಶಿ ಸಂದರ್ಭದಲ್ಲಿ ಜನರು ಚಿನ್ನವನ್ನು ಖರೀದಿ ಮಾಡುತ್ತಾರೆ ಹಾಗೆಯೇ ಚಿನ್ನ, ಸಂಪತ್ತಿಗೆ ಪೂಜೆಯನ್ನು ಕೂಡಾ ಮಾಡಲಾಗುತ್ತದೆ. ಈ ಸಂದರ್ಭದಲ್ಲಿ ಲಕ್ಷ್ಮಿ ದೇವಿ (ಹಣದ ದೇವತೆ) ಮನೆಗೆ ಆಗಮಿಸುತ್ತಾಳೆ ಎಂಬ ನಂಬಿಕೆ ಇದೆ. ಈ ಸಂದರ್ಭದಲ್ಲಿ ಹಿಂದೂ ಧರ್ಮದವರು ಯಾವುದಾದರೂ ಒಂದು ಹೊಸ ವಸ್ತುವನ್ನು ಖರೀದಿ ಮಾಡುತ್ತಾರೆ. ಹೆಚ್ಚಾಗಿ ಚಿನ್ನವನ್ನು ಖರೀದಿ ಮಾಡುತ್ತಾರೆ. ಈ ಸಂದರ್ಭದಲ್ಲಿ ಚಿನ್ನದ ಬೆಲೆಯು ಭಾರೀ ಹೆಚ್ಚಳವಾಗಿರುತ್ತದೆ.

ಬಲಿಪ್ರತಿಪದ/ಬಲಿಪಾಡ್ಯಮಿ: ಅಕ್ಟೋಬರ್‌ 26

ಬಲಿಪ್ರತಿಪದ ಅಥವಾ ಬಲಿಪಾಡ್ಯಮಿ ದೀಪಾವಳಿಯ ಕೊನೆಯ ದಿನದಂದು ಆಚರಣೆ ಮಾಡಲಾಗುತ್ತದೆ. ದೀಪಾವಳಿ ನಾಲ್ಕನೇ ದಿನದಂದು ಇದನ್ನು ಆಚರಣೆ ಮಾಡಲಾಗುತ್ತದೆ. ಈ ದಿನವು ಚಿನ್ನವನ್ನು ಖರೀದಿ ಮಾಡಲು ಉತ್ತಮ ದಿನವಾಗಿದೆ. ಈ ದಿನದಂದು ಚಿನ್ನವನ್ನು ಖರೀದಿ ಮಾಡಿದರೆ ಮನೆಯಲ್ಲಿ ಸಮೃದ್ಧಿ ನೆಲೆಸಲಿದೆ ಎಂಬ ನಂಬಿಕೆ ಇದೆ. ಈ ಹಬ್ಬದ ಸಂದರ್ಭದಲ್ಲಿ ಆಫರ್‌ಗಳು ಇರುತ್ತದೆ.