ಗುಡ್‌ನ್ಯೂಸ್: ಭಾರತ-ಸಿಂಗಾಪುರದ ನಡುವೆ ಶೀಘ್ರ ಯುಪಿಐ ವಹಿವಾಟು ಆರಂಭ

ಪೇನೌ-ಯುಪಿಐ ತಾಂತ್ರಿಕ ಬೆಸುಗೆ

"ಪೇನೌ ಅನ್ನು ಯುಪಿಐ ಜೊತೆ ಕನೆಕ್ಟ್ ಮಾಡಲು ಸಿಂಗಾಪುರ ಬಯಸುತ್ತದೆ. ಕೆಲವೇ ತಿಂಗಳುಗಳಲ್ಲಿ ಈ ಕಾರ್ಯವು ಸಂಪೂರ್ಣವಾಗಲಿದೆ. ಈ ಎಲ್ಲ ಕಾರ್ಯಗಳು ಮುಗಿದ ಬಳಿಕ ಯಾರೇ ಆದರೂ ಸಿಂಗಾಪುರದಲ್ಲೇ ಇದ್ದು ಭಾರತದಲ್ಲಿರುವ ತಮ್ಮ ಕುಟುಂಬಸ್ಥರಿಗೆ ಸುಲಭವಾಗಿ ಹಣವನ್ನು ವರ್ಗಾವಣೆ ಮಾಡಬಹುದು," ಎಂದು ಸಿಂಗಾಪುರದ ಭಾರತದ ಆಯುಕ್ತರು ಪಿ ಕುಮಾರನ್ ಹೇಳಿಕೊಂಡಿದ್ದಾರೆ.

NPCI: ಎನ್‌ಪಿಸಿಐ ಎಂದರೇನು, ಇದು ಹೇಗೆ ಕಾರ್ಯನಿರ್ವಹಿಸುತ್ತದೆ?

ಪ್ರವಾಸಿಗರಿಗೆ ರಿಲೀಫ್

"ಭಾರತದಿಂದ ಸಿಂಗಾಪುರಕ್ಕೆ ಬರುವ ಭಾರತದ ಪ್ರವಾಸಿಗರ ಬಳಿ ಹೆಚ್ಚಾಗಿ ರುಪೇ ಕಾರ್ಡ್ ಇರುವುದಿಲ್ಲ. ಕೆಲವೊಮ್ಮೆ ಭಾರತೀಯರಲ್ಲಿ ರುಪೇ ಕಾರ್ಡ್ ಇದ್ದರೂ ಕೂಡಾ ಅದು ಸಿಂಗಾಪುರದ, ಸ್ಥಳೀಯ ರುಪೇ ಕಾರ್ಡ್ ಆಗಿರುವುದಿಲ್ಲ. ಅದಕ್ಕಾಗಿ ಅವರು ಹೆಚ್ಚು ನಗದನ್ನು ಕೈಯಲ್ಲಿ ಇಟ್ಟುಕೊಳ್ಳಬೇಕಾಗುತ್ತದೆ. ಆದರೆ ಮುಂದಿನ ದಿನಗಳಲ್ಲಿ ಜನರು ಕೈಯಲ್ಲಿ ಅಧಿಕ ನಗದನ್ನು ಇಟ್ಟುಕೊಂಡು ಸುರಕ್ಷತೆಯ ಭಯದಲ್ಲಿ ಇರಬೇಕಾಗಿಲ್ಲ. ಡಿಜಿಟಲ್ ವ್ಯವಸ್ಥೆಗೆ ನಾವು ಶರಣಾದರೆ, ನಗದನ್ನು ಕೈಯಲ್ಲಿ ಇಟ್ಟುಕೊಳ್ಳಬೇಕಾಗುವುದಿಲ್ಲ. ಹಾಗೆಯೇ ಅಧಿಕ ಶುಲ್ಕವನ್ನು ಹೊಂದಿರುವ ಅಂತಾರಾಷ್ಟ್ರೀಯ ಕ್ರೆಡಿಟ್ ಕಾರ್ಡ್ ಅನ್ನು ಕೂಡಾ ಬಳಕೆ ಮಾಡಬೇಕಿಲ್ಲ," ಎಂದು ಕೂಡಾ ಪಿ ಕುಮಾರನ್ ತಿಳಿಸಿದ್ದಾರೆ.

ಭಾರತದಲ್ಲಿ ಯುಪಿಐ ವಹಿವಾಟು ಏರಿಕೆ

"ತಂತ್ರಜ್ಞಾನದಲ್ಲಿನ ನೂತನ ಪ್ರಗತಿಯು ಭಾರತದಲ್ಲಿ ಪಾವತಿ ವ್ಯವಸ್ಥೆಯಲ್ಲೇ ಪ್ರಮುಖ ಬದಲಾವಣೆಯನ್ನು ಉಂಟು ಮಾಡಿದೆ. ಭಾರತದ ನಗದು ವಹಿವಾಟು ಅರ್ಥವ್ಯವಸ್ಥೆ ಪ್ರಸ್ತುತ ಡಿಜಿಟಲ್ ವಹಿವಾಟಿನ ಅರ್ಥವ್ಯವಸ್ಥೆಯಾಗಿ ಬದಲಾಗಿದೆ. ನಗದು ಚಲಾವಣೆಯು ಕೂಡಾ ಕಡಿಮೆಯಾಗಿದೆ. ಜನರು ಬಹುತೇಕ ಎಲ್ಲ ವಹವಾಟನ್ನು ಡಿಜಿಟಲ್ ಆಗಿ ಮಾಡುತ್ತಾರೆ," ಎಂದು ಎಸ್‌ಬಿಐ ಹೇಳಿದೆ. ಅಕ್ಟೋಬರ್‌ನಲ್ಲಿ ಯುಪಿಐ ವಹಿವಾಟು ಸುಮಾರು ಶೇಕಡ 7ರಷ್ಟು ಏರಿಕೆಯಾಗಿದೆ, 12.11 ಲಕ್ಷ ಕೋಟಿ ರೂಪಾಯಿ ವಹಿವಾಟು ನಡೆದಿದೆ. ಸೆಪ್ಟೆಂಬರ್‌ನಲ್ಲಿ 11.16 ಲಕ್ಷ ಕೋಟಿ ರೂಪಾಯಿ ವಹಿವಾಟು ನಡೆದಿತ್ತು.