ಬೆಂಗಳೂರಿನ ಶೇಕಡಾ 75ಕ್ಕಿಂತ ಹೆಚ್ಚಿನ ಮನೆ ಮಾಲೀಕರು, ತಮ್ಮ ನಿವಾಸದ ಬೆಲೆ ಹೆಚ್ಚಿಸುವ ನಿರೀಕ್ಷೆ!

ಮನೆ ಬೆಲೆ ಹೆಚ್ಚಾಗುತ್ತದೆ ಎಂಬ ನಿರೀಕ್ಷೆ

ಪ್ರಮುಖ ಅಂತಾರಾಷ್ಟ್ರೀಯ ರಿಯಲ್ ಎಸ್ಟೇಟ್ ಕನ್ಸಲ್ಟೆನ್ಸಿ ನೈಟ್ ಫ್ರಾಂಕ್ ಇಂಡಿಯಾ ಪ್ರಕಾರ, ಮನೆ ಮೌಲ್ಯಕ್ಕೆ ಸಂಬಂಧಿಸಿದಂತೆ ಮುಂದಿನ 12 ತಿಂಗಳಿನಲ್ಲಿ ನಗರದ 38% ಜನರು ತಮ್ಮ ಪ್ರಸ್ತುತ ನಿವಾಸದ ಬೆಲೆಯು 10% ರಿಂದ 19% ನಡುವೆ ಹೆಚ್ಚಾಗುತ್ತದೆ ಎಂದು ನಿರೀಕ್ಷಿಸಿದ್ದಾರೆ. ಸಾಂಕ್ರಾಮಿಕ ರೋಗದ ನಡುವೆಯು ಅವರ ಪ್ರಾಥಮಿಕ ನಿವಾಸದ ಮೌಲ್ಯದಲ್ಲಿನ ಹೆಚ್ಚಳವನ್ನು ಗಮಿನಿಸಿದ್ದು, ಖರೀದಿದಾರರ ಭಾವನೆಯಲ್ಲಿ ಆಶಾವಾದಿ ಬದಲಾವಣೆಯ ಸೂಚನೆಯಾಗಿದೆ.

ಶೇಕಡಾ 9ರಷ್ಟು ಬೆಲೆ ಇಳಿಕೆ ನಿರೀಕ್ಷೆ

ಹೌದು, ಸಮೀಕ್ಷೆಯ ಪ್ರಕಾರ ಶೇಕಡಾ 9ರಷ್ಟು ಜನರ ಮನೆಯ ಮೌಲ್ಯವು ಶೇಕಡಾ 10 ರಿಂದ 19ರಷ್ಟು ಇಳಿಕೆಯಾಗಬಹುದು ಎಂದು ನಿರೀಕ್ಷಿಸಿದ್ದಾರೆ. ಇನ್ನು ಶೇಕಡಾ 5ರಷ್ಟು ಜನರು 1 ರಿಂದ 9% ಆಸ್ತಿ ಮೌಲ್ಯ ಇಳಿಕೆಯಾಗಬಹುದೆಂದು ನಿರೀಕ್ಷಿಸಿದ್ದಾರೆ. ಇನ್ನು ಶೇಕಡಾ 11ರಷ್ಟು ಜನರು ಮುಂದಿನ 12 ತಿಂಗಳಿನಲ್ಲಿ ಯಾವುದೇ ಮೌಲ್ಯ ಬದಲಾವಣೆ ಆಗುವುದಿಲ್ಲ ಎಂದು ಭಾವಿಸಿದ್ದಾರೆ.

ಗೃಹ ಸಾಲ: ಮನೆ ಖರೀದಿಸಿದ ಬಳಿಕ, ಈ ರೀತಿ ಸಾಲದ ಬಡ್ಡಿಯನ್ನ ಮರಳಿ ಪಡೆಯಿರಿ

ಶೇಕಡಾ 42ರಷ್ಟು ಜನರು ಮನೆ ಸ್ಥಳಾಂತರಿಸಿದ್ದಾರೆ..!

ಇನ್ನು ಮನೆ ಸ್ಥಳಾಂತರದ ಕುರಿತಾದ ಸಮೀಕ್ಷೆಯಲ್ಲಿ ಬೆಂಗಳೂರಿನ ಶೇಕಡಾ 42ರಷ್ಟು ಜನರು ಸಾಂಕ್ರಾಮಿಕ ರೋಗದ ಆರಂಭದಿಂದಲೂ ತಮ್ಮ ಪ್ರಾಥಮಿಕ ನಿವಾಸವನ್ನು ಸ್ಥಳಾಂತರಿಸಲು ವರದಿ ಮಾಡಿದ್ದಾರೆ. ಸಮೀಕ್ಷೆಯಲ್ಲಿ ಭಾಗವಹಿಸಿದ ಜನರಲ್ಲಿ ಹೆಚ್ಚಿನ ವಿಶ್ಲೇಷಣೆಯು 48% ರಷ್ಟು ಜನರು ತಮ್ಮ ಕುಟುಂಬ ಮತ್ತು ಸ್ನೇಹಿತರಿಗೆ ಹತ್ತಿರವಾಗಬೇಕಾದ ಅಗತ್ಯವನ್ನು ಹಂಚಿಕೆಯ ಕಾರಣವನ್ನು ವ್ಯಕ್ತಪಡಿಸಿದ್ದಾರೆ. ಇದರ ಜೊತೆಗೆ ಮುಂದಿನ 12 ತಿಂಗಳಿನಲ್ಲಿ 22% ಜನರು ಸಾಂಕ್ರಾಮಿಕದ ನಂತರ ಮನೆ ಸ್ಥಳಾಂತರಿಸಲು ಇಚ್ಛೆ ವ್ಯಕ್ತಪಡಿಸಿದರು.

ಎರಡನೇ ಮನೆ ಖರೀದಿಗೆ ಆಲೋಚನೆ

ಸಾಂಕ್ರಾಮಿಕ ರೋಗದ ಪರಿಣಾಮವು ಎರಡನೇ ಮನೆಗಾಗಿ ಅವರ ನಿರ್ಧಾರದ ಮೇಲೆ ಪ್ರಭಾವ ಬೀರಿದೆಯೇ ಎಂದು ವಿಚಾರಿಸಿದಾಗ, 47% ನಷ್ಟು ಜನರು ಮುಂದಿನ ದಿನಗಳಲ್ಲಿ ಎರಡನೇ ಮನೆಯನ್ನು ಖರೀದಿಸುವ ಸಾಧ್ಯತೆಯನ್ನು ವ್ಯಕ್ತಪಡಿಸಿದರು. ಸಾಂಕ್ರಾಮಿಕ ರೋಗದಿಂದಾಗಿ ಮನೆಗಾಗಿ ಖರ್ಚು ಮಾಡುವ ಪ್ರವೃತ್ತಿಯಲ್ಲಿ ಬದಲಾವಣೆಯ ಅಂಶದಲ್ಲಿ, ಅವರಲ್ಲಿ 39% ಜನರು ಹೊಸ ಮನೆಗೆ ಖರ್ಚು ಮಾಡಲು ತಮ್ಮ ಬಜೆಟ್‌ನಲ್ಲಿ ಹೆಚ್ಚಳವನ್ನು ವ್ಯಕ್ತಪಡಿಸಿದ್ದಾರೆ, ಆದರೆ 36% ರಷ್ಟು ಕುಸಿತವನ್ನು ವ್ಯಕ್ತಪಡಿಸಿದ್ದಾರೆ.

ಆರೋಗ್ಯಕ್ಕೆ ಹೆಚ್ಚಿನ ಪ್ರಾಮುಖ್ಯತೆ

ಕೊರೊನಾ ಬಂದ ಮೇಲೆ ಆರೋಗ್ಯದ ಮೇಲಿನ ಕಾಳಜಿ ಹೆಚ್ಚಾಗಿದೆ. ಇದರ ಜೊತೆಗೆ 78% ಜನರು ಹಸಿರು ಪ್ರದೇಶಗಳಲ್ಲಿ ಹೊಸ ಮನೆ ಇರಲೆಂದು ಬಯಸುವ ಸಾಧ್ಯತೆಯಿದೆ. 64% ಜನರು ಆರೋಗ್ಯವನ್ನು ಗಮನದಲ್ಲಿಟ್ಟುಕೊಂಡು ತಮ್ಮ ಮುಂದಿನ ಮನೆ ತೆಗೆದುಕೊಳ್ಳುವ ನಿರ್ಧಾರದ ಕುರಿತಾಗಿ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಇನ್ನು ಭವಿಷ್ಯದಲ್ಲಿ ವಾಸಿಸಲು ಮನೆಯ ಆಯ್ಕೆ ಕುರಿತಾಗಿ 53% ಜನರು ಅಪಾರ್ಟ್ಮೆಂಟ್‌ನಲ್ಲಿ ವಾಸಿಸುವ ಸಾಧ್ಯತೆಯಿದೆ ಎಂದು ಅಭಿಪ್ರಾಯಪಟ್ಟರು. ಸ್ವತಂತ್ರ ಮನೆ/ವಿಲ್ಲಾಗಳಲ್ಲಿ ವಾಸಿಸುವ ಕುರಿತಾಗಿ 31% ಜನರು ಪ್ರಮುಖ ಆಯ್ಕೆ ಹೊಂದಿದ್ದಾರೆ.